Zang Shonang Yeesɔ 14:15 - Nyaa Shɔɔ Ɓɔɔ Laa a Ɓɛɛ

¹⁵ “Nɔɔ palɛ vuu keɓe ka ruu viya? Rùu ɓuru doo shɔnzang kɔ naa nɔkɔ. Ruu arɛ ruu tɔɔ ruu naa kɔ̀ɔ́ nɔɔ Ruu Tɔ̃ɔ Laa. Ruu tɔɔ nɔɔ yaa gbalang vuu ɓɔɔ nwàng nɔɔ vuu ɓɔɔ kpang keɓe. Nɔɔ a ka bii Laa ɓɔɔ ningkãari ɓɔɔ wukɔ mãa lapa nɛɛ tipi nɛɛ waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 14:15 ပူးပေါင်းရင်းမြစ်များ

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Yɔhana 5:26

Naa ɓɔɔ Daa kɔ a zang suru bii ɓɛɛ, á Jaa naa doo nɔngkɔ, nɛɛ, wu nwáng zang ɓɔɔ a zang suru bii ɓɛɛ.

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 10:26

Bituru wisi wu paa, a kɔɔ wu tɔɔ, “Shii doo paa n m doo shɔnzang naa mɔkɔ.”

Zang Shonang Yeesɔ 13:32

“Ruu atɛ nɔɔ ruu tɔ̃ɔ, ruu kɔɔ nɔɔ nɛɛ, nyaa ɓɔɔ Laa a rɛɛ dabang ɓuru,

Zang Shonang Yeesɔ 14:21

Bulu nɛɛ Baranaba ri kɔɔ zang Ruu Tɔ̃ɔ Laa ka Daabe, a zang dɔɔli ri shing danggn ka bii Laa. A ri gbãayu ri sɔɔ Lisitira nɛɛ Ikoniya, ri naa a ka Antakiya ɓɔɔ ka tipi Pisidiya ɓɛɛ.

Zang Shonang Yeesɔ 14:7

Ri kɔ̀ɔrɔ̀ zang Ruu Laa kaa nɔngkɔ.

Zang Shonang Yeesɔ 16:30

A sɔɔ ri tĩng nwangsɛ ri ka biling, a hɛ̃ɛ ri tɔɔ, “Rɛɛ maalang, n pálɛ̀ vi n ta yuu mɛɛ viya?”

Zang Shonang Yeesɔ 27:10

“Rɛɛ masang, n zi tɔ daanang ɓuru keɓe vuu ɓɔɔ daa palɛ ruu katɔ ka gbalang, ruu ti vang vuu dɔɔli. Wu vuu ɓɔɔ ka naa ɓuru nɛɛ laana keɓe kɔ lasɛ shɛ̃ɛning kpang, ruu loo rɛɛ zang ɓɔɔ katɔ ka teteng ɓuru.”

Zang Shonang Yeesɔ 27:21

Diki bee tɔ tɔkɔlɔng ri shaa vuu shaanang ka nyaa kpang, a Bulu shii ka tĩng ɓarɛ kɔɔ ri tɔɔ, “Rɛɛ masang naa nɔɔ nɛɛ ɓaa shoo ka nyaa mɛɛ, nɔɔ nɛɛ yupaa nɛɛ gari Karita kpang. Vuu kɔ ruu làsɛ́ a ruu looro ɓee, ruu nɛɛ palɛ kpang.

Zang Shonang Yeesɔ 27:25

Ka ruu nɔngkɔ, rɛɛ masang, nɔɔ mã danggn kagn. N shing danggn tɔ ka bii Laa, vuu kɔ zang kɔɔ m ɓee, naa nwang ditɔ nɔngkɔ”.

Zang Shonang Yeesɔ 4:24

Ɓɔɔ ri tãa ruu keɓe hn, ri mɛɛ nyaa dɔ̃ɔ gbete, ka lapa ri gaa Laa tɔɔ, “Dabang ɓuru, zang ɓɔɔ mãa lapa nɛɛ tipi nɛɛ mii waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 7:26

Nɔng naa gãntɛ tɔ, a zi zang Isirela ziti ri gaa nyaa. Nɛɛ wu basɛ ri kaa tɔ, a kɔɔ ri tɔɔ, ‘Nɔɔ ɓaa shoo, nɔɔ jaa nàá zɔɔ, nɔ́ɔ dàng zɔɔ jĩng kpang.’

1 Koranti 8:4

Ka ruu vuu shaanang ɓɔɔ zang bang vaka nɛɛ mani ɓɛɛ. Ruu zi tɔ nɛɛ, suru ɓi kagn bii vaka kpang. Ruu ti zi tɔ nɛɛ Laa ɓi gbete kɔ nwani.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

1 Tesalonika 1:9

Zang kaɓa nandon, ri kɔ̀ɔ ruu naa ɓɔɔ nɔɔ ta ruu ka ɓɔɔ ruu naa leng nɔɔ ɓɛɛ. A ɓɔɔ ti naa ɓɔɔ nɔɔ yaa vaka bannang, nɔɔ naa bang kaa Laa ɓɔɔ wukɔ niizang, a ɓi ti ningkãari ɓɛɛ.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

Yakubu 5:17

Iliya doo shɔnzang naa rukɔ. Gaa Laa, nɛɛ mii wu a kpang. Mii ti á kpang saa taati nɛɛ shala mangbete.

Vuu ɓɔɔ zang nwangsɛ Yɔhana 14:7

A mɛɛ nyaa nabm kɔɔyi nɛɛ, “Nɔɔ dũng nyaa Laa ta, nɔɔ ti a wu bannang ka ruu ɓɔɔ, diki ɓɔɔ Laa naa jɛ̃ɛ zang piti ruu, a tɔ ɓɛɛ. Ka ruu nɔngkɔ, nɔɔ bang Laa ta, ɓɔɔ wukɔ mãa lapa nɛɛ tipi, nɛɛ waapo nɛɛ sɔlɔng mii nandon ɓɛɛ.”

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 19:19

A n zi yɔpɔ jĩngti kaɓa nɛɛ rɛɛ kpanti ɓɔɔ ka koo nɛɛ zang sĩiri tanang ɓarɛ. Ri kpalɛ zɔɔ tɔ nɛɛ ri ta kaa sĩiri nɛɛ zang ɓɔɔ vang gbantang puru ɓɛɛ nɛɛ zang sĩiri ɓiɓɛ.

Vuu ɓɔɔ zang nwangsɛ Yɔhana 22:9

a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”

Vuu ɓɔɔ zang nwangsɛ Yɔhana 4:11

“Laa ɓɔɔ mɔkɔ kpanti ɓuru ɓɛɛ, mɔkɔ daa naa ɓɔɔ zang bang mɔɔ, zang dɔɔ mɔɔ, a naa vuu palɛnang piti ka naa ɓaaɓɛ kɔ. Mɔkɔ mã́arɛ̀ vuu piti ka tĩng tɛ̃ɛ tɛ̃ɛ, a mɔkɔ ti kasɛ nɛɛ ri nwalɛ naa weɓe, a mɔɔ mã́arɛ̀ ri kati.”