Zang Shonang Yeesɔ 14:1 - Nyaa Shɔɔ Ɓɔɔ Laa a Ɓɛɛ

¹ Ka Ikoniya Bulu nɛɛ Baranaba ri daa yeti gãa zɔɔ kpalɛnang ka nyaa zɔɔ. Ri rang yee Laa, a zang dɔɔli, rɛɛ Yahudi nɛɛ zang Heleni ri shing danggn.

Zang Shonang Yeesɔ 14:1 ပူးပေါင်းရင်းမြစ်များ

Maraku 7:26

Jaa soro keɓe ɓi zang Heleni. Zang yi wu ɓi ka tipi Fonishiya ɓɔɔ ka tipi Siriya ɓɛɛ. A gaa Yeesɔ nɛɛ wu nwángsɛ̀ wu suru shi kpang ɓɔɔ ka bii jaa ɓiɓɛ jong.

Yɔhana 12:20

Zang Heleni kagn teteng zang ɓɔɔ ri daa Laa bannang ka Urushalima, ka ɓɔɔ zang daa nyaalaa shaanang ɓɛɛ.

Yɔhana 7:35

Zang bang bang zang Yahudi ri kɔɔrɔ ka naa ɓarɛ nɛɛ, “Naa daa kaa niya a ruu ĩi wu kpang wiya? Daa kaa rɛɛ gari zang Heleni ɓɔɔ zang ɓuru ri nwalɛ kagn wu tusu zang Heleni vuu ya?

Zang Shonang Yeesɔ 11:21

Laa yi ri naa kagn, ka ruu nɔngkɔ, zang dɔɔli ri shing danggn, a ri nwang kaa zang Laa.

Zang Shonang Yeesɔ 13:43

Zang ri daarɛ tɔ, a zang Yahudi dɔɔli nɛɛ rɛɛ zang ɓɔɔ ri dũng kaa doo gbalang zang Yahudi kɔ nɛɛ yeti gbete ɓɛɛ, ri dũng Bulu nɛɛ Baranaba. A ri rang rɛɛ zang keɓe yee, kɔɔ ri nɛɛ ri yaa gbalang tɔ̃ɔ ɓɔɔ Laa palɛ ri keɓe kpang.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 13:5

Ri a tɔ ka Salami, a ri kɔɔrɔ zang Ruu Laa ka gãa zɔɔ kpalɛnang. Yɔhana ɓɔɔ zang ɓaa wu nɛɛ Maraku nɛɛ ri ning, yì ri naa ka shonang.

Zang Shonang Yeesɔ 13:51

Bulu nɛɛ Baranaba ri waa zũng tapuru ɓɔɔ ka doo ɓarɛ, nwàng kaa naa ɓɔɔ ri kɔɔ zang Yahudi nɛɛ ruu ɓarɛ hãa ɓi tɔɔ kagn nɛɛ ri kpang ɓɛɛ. A ri daa kaa Ikoniya.

Zang Shonang Yeesɔ 14:19

Zang Yahudi ɓɔɔ ri a nɛɛ Antakiya ɓɔɔ ka tipi Pisidiya ɓɛɛ, ɓɔɔ ri ti a nɛɛ Ikoniya. Ri dɔ̃lɔ zang ɓɔɔ ri kpalɛ ɓɛɛ nyaa, a zang ri ta nyaa ɓarɛ, a ri luku Bulu nɛɛ tari. Ri gɔ̃ wu ka tipi ri nwangsɛ wu nɛɛ yeti gari, ri tɔɔ naa vɔ ɓi tɔ.

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Zang Shonang Yeesɔ 14:21

Bulu nɛɛ Baranaba ri kɔɔ zang Ruu Tɔ̃ɔ Laa ka Daabe, a zang dɔɔli ri shing danggn ka bii Laa. A ri gbãayu ri sɔɔ Lisitira nɛɛ Ikoniya, ri naa a ka Antakiya ɓɔɔ ka tipi Pisidiya ɓɛɛ.

Zang Shonang Yeesɔ 16:1

Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 16:2

Zang ɓɔɔ ri shing danggn tɔ ɓɔɔ ri ka Lisitira nɛɛ Ikoniya ri rang yee tɔ̃ɔ ka yuu Timoti.

Zang Shonang Yeesɔ 17:12

Zang Yahudi dɔɔli, ri shing danggn nɛɛ rɛɛ zang soro Heleni dɔɔli ɓɔɔ zang a ri bannang ɓɛɛ. Rɛɛ zang Heleni dɔɔli zang varɛ, ri shing danggn jong.

Zang Shonang Yeesɔ 17:17

Ka ruu nɔngkɔ, laa zɔɔ nyaa ka gãa zɔɔ kpalɛnang nɛɛ rɛɛ Yahudi nɛɛ zang ɓɔɔ ri zang Isirela kpang, ɓɔɔ ri dũng kaa Laa ɓɛɛ. Ti rang yee jong nɛɛ rɛɛ zang ɓɔɔ ri alɛ ka nɔng ɓɔɔ zang ri kpalɛ zɔɔ kagn ka gari ɓɛɛ.

Zang Shonang Yeesɔ 17:4

Zang Yahudi ɓɔɔ ri ta ruu keɓe, a ri ɓang ka bii rɛɛ Bulu nɛɛ Siila. Rɛɛ zang soro ɓɔɔ zang a ri bannang katɔ ɓɛɛ, nɛɛ rɛɛ zang Heleni ɓɔɔ ri bang Laa ɓɛɛ, ri ɓang jong ka bii ɓarɛ.

Zang Shonang Yeesɔ 18:4

Bulu ri làá zɔɔ nyaa nɛɛ zang Yahudi nɛɛ zang Heleni ka Diki Ɔ̃sɔnang ka gãa zɔɔ kpalɛnang diki diki. Kasɛ nɛɛ ri ta ruu ɓɔɔ wu kɔɔ ri ɓɛɛ.

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 19:17

Zang ɓɔɔ ri ka Afisa, rɛɛ zang Yahudi nɛɛ zang ɓɔɔ ri zang Isirela kpang, ri tãa vuu keɓe katɔ nandon. Zang ri ti kaa vɔrɔ nandon, a zang dɔɔ nung Kpanti Yeesɔ kati.

Zang Shonang Yeesɔ 19:8

Bulu daa ka yeti gãa zɔɔ kpalɛnang, kɔɔ zang Ruu Laa nɛɛ gbãng gbãng ning. Nwang nɛɛ ri ka nɔngkɔ shala taati. Làá nyaa nɛɛ zang, kasɛ nɛɛ ri ta ruu ɓɔɔ wu kɔ̀ɔ́ ri ka yuu Kpanti roonang Laa ɓɛɛ.

Zang Shonang Yeesɔ 2:47

Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 21:28

Ri gòo nyaa nɛɛ “Zang Isirela nɔɔ yi ruu naa ka bii. Wee yɔɔ ɓɔɔ tusu vuu nɛɛ nɔng piti piti, nɛɛ zang ri kasɛ ruu zang ɓuru kpang, nɛɛ zang ri dũng nyaa ɓɔɔ Musa dang ɓɛɛ kpang, kɔɔrɔ ruu shi kpang ka yuu Gãa Laa keɓe. Palɛ wu ti vuu keɓe kɔ shɛ̃ɛning kpang, átɛ̀ zang ɓɔɔ ri zang Isirela kpang ka yeti Gãa Laa keɓe. Shing tɔ nihn nwang nɔng shi kpang tɔ ka jĩng Laa.”

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 10:12

Ruu keɓe muku zang piti, ka ruu ɓɔɔ, gbalang ɓɔɔ zang ta yuu zang Yahudi nɛɛ zang ɓɔɔ ri zang Yahudi kpang, ɓi gbete ɓɛɛ. Laa ɓi wukɔ Kpanti zang piti, shing zang piti ɓɔɔ ri gaa wu, ri walɛ vuu tɔ̃ɔ dɔɔli.

Galati 2:3

Titu ɓɔɔ n daa nɛɛ wu, naa wee wu zang Heleni ɓee, zang yi wu nɛɛ kaka nɛɛ wu yée shaa kpang.

Galati 3:28

A vuu ɓɔɔ bàsɛ̀ teteng zang Yahudi nɛɛ zang ɓɔɔ ri zang Yahudi kpang, a jaafoo nɛɛ zang ɓɔɔ jaafoo kpang, a zang varɛ nɛɛ zang soro, ɓi tɔɔ kagn kpang. Nɔɔ nandon nɔɔ manɛ kaa gbete ka yuu ɓɔɔ nɔɔ ɓakɛ nɛɛ Yeesɔ Kirisi ɓɛɛ.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.