Zang Shonang Yeesɔ 13:6 - Nyaa Shɔɔ Ɓɔɔ Laa a Ɓɛɛ

⁶ Ri riki tipi Kuburu tɔ nandon, ri a nɛɛ mani ka gari Paafo. Ka Paafo ri kpisi yuu nɛɛ yɔɔ Yahudi ɓɔɔ hɛ̃ɛ paa zang ɓaa wu nɛɛ Jaa Yashuwa. Suu sèé nɛɛ wu zang nyaa shonang Laa.

Zang Shonang Yeesɔ 13:6 ပူးပေါင်းရင်းမြစ်များ

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Maraku 10:46

Yeesɔ nɛɛ zang ɓɔɔ ri mantɛ vuu ka bii ɓiɓɛ, nɛɛ zang ɓɔɔ ri kpalɛ zɔɔ gaagaa, ri a ka Jeriko. Ɓɔɔ ri seepaa daanang kati nɛɛ Jeriko, Batimawu jaa Timawu ɓɔɔ jĩng ringtang ɓɛɛ, nwang ka nyaa gbalang gaa vuu.

Zang Shonang Yeesɔ 13:13

Bulu nɛɛ zang ɓɔɔ ri nɛɛ wu ɓɛɛ, ri vang tonsi nɛɛ Paafo, ri a ka Paaga ɓɔɔ ka tipi Pamfiliya ɓɛɛ. A Yɔhana yaa ri, gbãayu daa Urushalima.

Zang Shonang Yeesɔ 13:8

Yɔɔ ɓɔɔ hɛ̃ɛ paa keɓe zang ɓaa wu nɛɛ Elayima nɛɛ nyaa Heleni, kasɛ nɛɛ wu zãa ri Ruu Laa kɔɔnang katɔ. Kasɛ kpang nɛɛ gɔmna wu shing danggn ka bìí Laa kpang.

2 Koranti 11:13

Ka ruu ɓɔɔ, zang kaɓa ri ɓarɛ zang shonang Yeesɔ ɓɔɔ niizang kpang ɓɛɛ, ri ɓarɛ zang shonang ɓɔɔ sèé. Ri suu sèé ka yuu shonang ɓarɛ, ri risi yuu ɓarɛ naa zang shonang Yeesɔ Kirisi ɓɔɔ niizang ɓɛɛ.

2 Timoti 3:8

Naa ɓɔɔ Jani ri nɛɛ Jambari ri bɛ̃ɛ nyaa Musa ɓɛɛ, zang keɓe ri bɛ̃ɛ ruu ɓɔɔ niizang doo nɔngkɔ. Zang keɓe, yeti ɓarɛ zunung rɛ̃rɛnang kpang. Danggn shinnang ɓarɛ ɓi ɓɔɔ niizang kpang.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.