Zang Shonang Yeesɔ 13:50 - Nyaa Shɔɔ Ɓɔɔ Laa a Ɓɛɛ

⁵⁰ Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 13:50 ပူးပေါင်းရင်းမြစ်များ

Matiyu 10:23

Zang nɛɛ dang nɔɔ jĩng kana ka gari gbete, nɔɔ yurɛ nɔ́ɔ daa ka gari ɓɔɔgn. N kɔɔ nɔɔ ruu ɓɔɔ niizang kɔ nwani Jaa Shɔnzang naa arɛ, bɛ̀ɛ́ nɔɔ hangsɛ nyaa shonang manɛ palɛnang gn gari zang Isirela nandon kpang.

Maraku 15:43

Yusufu yɔɔ Arimataya ɓɔɔ zang a wu bannang dɔɔli, ka teteng zang ɓɔɔ jɛ̃ɛ ruu ɓɛɛ. Yusufu shing jĩng ka diki ɓɔɔ Laa naa roo Kpanti ɓɛɛ, mã danggn, daa gaa vɔrɔ Yeesɔ ka naa Gɔmna Bilatu.

Maraku 5:17

A zang kaɓa, ri gaa tɔɔsung Yeesɔ gaanang kati, nɛɛ wu dita, wu yaa ri tipi ɓarɛ.

Zang Shonang Yeesɔ 13:43

Zang ri daarɛ tɔ, a zang Yahudi dɔɔli nɛɛ rɛɛ zang ɓɔɔ ri dũng kaa doo gbalang zang Yahudi kɔ nɛɛ yeti gbete ɓɛɛ, ri dũng Bulu nɛɛ Baranaba. A ri rang rɛɛ zang keɓe yee, kɔɔ ri nɛɛ ri yaa gbalang tɔ̃ɔ ɓɔɔ Laa palɛ ri keɓe kpang.

Zang Shonang Yeesɔ 13:45

Ɓɔɔ rɛɛ zang Yahudi ri zi zang ɓɔɔ ri kpalɛ dɔɔli ri kaa sũnyaa gbãng gbãng. Ri laa nyaa vuu ɓɔɔ Bulu kɔɔrɔ ɓɛɛ ri ti dãlɛ wu.

Zang Shonang Yeesɔ 14:19

Zang Yahudi ɓɔɔ ri a nɛɛ Antakiya ɓɔɔ ka tipi Pisidiya ɓɛɛ, ɓɔɔ ri ti a nɛɛ Ikoniya. Ri dɔ̃lɔ zang ɓɔɔ ri kpalɛ ɓɛɛ nyaa, a zang ri ta nyaa ɓarɛ, a ri luku Bulu nɛɛ tari. Ri gɔ̃ wu ka tipi ri nwangsɛ wu nɛɛ yeti gari, ri tɔɔ naa vɔ ɓi tɔ.

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Zang Shonang Yeesɔ 14:4

Zang gari ri basɛ zɔɔ tìng ziti. Tìng gbete ri ta nyaa zang Yahudi, a ɓɔɔ gbete ri ta ɓarɛ kaa nyaa rɛɛ zang shonang Yeesɔ.

Zang Shonang Yeesɔ 14:5

Zang ɓɔɔ ri zang Isirela kpang nɛɛ Yahudi, ri mã zɔɔ nyaa nɛɛ rɛɛ zang bang ɓarɛ, nɛɛ ri dang rɛɛ zang shonang Yeesɔ jĩng, nɛɛ ri ti luku ri nɛɛ tari.

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Zang Shonang Yeesɔ 17:12

Zang Yahudi dɔɔli, ri shing danggn nɛɛ rɛɛ zang soro Heleni dɔɔli ɓɔɔ zang a ri bannang ɓɛɛ. Rɛɛ zang Heleni dɔɔli zang varɛ, ri shing danggn jong.

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 17:17

Ka ruu nɔngkɔ, laa zɔɔ nyaa ka gãa zɔɔ kpalɛnang nɛɛ rɛɛ Yahudi nɛɛ zang ɓɔɔ ri zang Isirela kpang, ɓɔɔ ri dũng kaa Laa ɓɛɛ. Ti rang yee jong nɛɛ rɛɛ zang ɓɔɔ ri alɛ ka nɔng ɓɔɔ zang ri kpalɛ zɔɔ kagn ka gari ɓɛɛ.

Zang Shonang Yeesɔ 17:4

Zang Yahudi ɓɔɔ ri ta ruu keɓe, a ri ɓang ka bii rɛɛ Bulu nɛɛ Siila. Rɛɛ zang soro ɓɔɔ zang a ri bannang katɔ ɓɛɛ, nɛɛ rɛɛ zang Heleni ɓɔɔ ri bang Laa ɓɛɛ, ri ɓang jong ka bii ɓarɛ.

Zang Shonang Yeesɔ 18:7

Ka ruu nɔngkɔ, yaa ri daa nwang ka gãa yɔɔ ɓɔɔ zang Isirela kpang, ɓɔɔ zang ɓaa wu nɛɛ Tatiyu Jusitu ɓɔɔ bang kaa Laa ɓɛɛ. Gãa ɓiɓɛ nɛɛ gãa zɔɔ kpalɛnang naabm.

Zang Shonang Yeesɔ 2:5

Zang Yahudi kagn ka Urushalima ka diki kaɓa. Zang varɛ ɓɔɔ ri dṹng Laa ɓɛɛ, ɓɔɔ ri a nɛɛ tipi koolaa nandon ɓɛɛ.

Zang Shonang Yeesɔ 21:27

Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 28:17

Diki ɓuru daa tɔ taati, a Bulu kpalɛ rɛɛ zang bang bang zang Yahudi ɓɔɔ ri ka gari ɓɛɛ. Ri kpalɛ zɔɔ, a kɔɔ ri tɔɔ, “Rɛɛ manzung, n pálɛ̀ rɛɛ zang ɓuru vuu ɓɔɔ kagn kpang. N ti shii bàng nɛɛ gbalang ɓɔɔ rɛɛ dabang ɓuru tusu ruu kpang. Zang mã m ka sãa ka Urushalima, a zang tuu m zang a zang Rooma.

Zang Shonang Yeesɔ 6:12

Ɓɔɔ ri tãa ruu keɓe naa weɓe, yeti zang nɛɛ ɓɔɔ zang bang bang zang Yahudi, nɛɛ zang ɓɔɔ ri tusu zang labeenang Laa ɓɛɛ, lasɛ dɔɔli. Ri arɛ, ri naa yi Istifanu ri daa nɛɛ wu ka bii zang ɓɔɔ ri jɛ̃ɛ zang ruu ɓɛɛ.

Zang Shonang Yeesɔ 8:1

Shaawulu kasɛ nyaa kagn ka ɓɔɔ zang nyɔ Istifanu vɔrɔ ɓɛɛ. Ka diki kaɓa zang gaayu ɓɔɔ zang dang zang ɓɔɔ ri dũng Laa jĩng ka Urushalima. Zang ɓɔɔ ri shing danggn tɔ, zang tantɛ ri ka tipi Yahudi nɛɛ tipi Samariya nandon. Ɓi rɛɛ zang shonang Yeesɔ kɔ ri nwang ɓarɛ shɛ̃ɛning.

Rooma 10:2

N kɔɔ ruu katɔ ka yuu ɓarɛ nɛɛ, ri kasɛ katɔ gbãng gbãng nɛɛ ri pàlɛ́ Laa shonang. A ri zi gbalang ɓɔɔ ri pàlɛ́ Laa shonang kaa tɔ̀ɔ́ tɔ̃ɔ kpang.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

1 Tesalonika 2:14

Rɛɛ manzung ɓuru, vuu kɔ pálɛ̀ nɔɔ ɓee, pálɛ́ zang ɓɔɔ ri dũng Laa ɓɔɔ ri ka tipi Yahudi ɓɔɔ ri ɓakɛ yuu ɓarɛ tɔ nɛɛ Yeesɔ Kirisi ɓɛɛ doo nɔngkɔ. Zang tipi manɛ dãng nɔɔ jĩng doo nɔngkɔ, naa ɓɔɔ zang Yahudi dang ri jĩng jong ɓɛɛ.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.