Zang Shonang Yeesɔ 13:46 - Nyaa Shɔɔ Ɓɔɔ Laa a Ɓɛɛ

⁴⁶ A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 13:46 ပူးပေါင်းရင်းမြစ်များ

Matiyu 10:6

Nɔɔ daa ka bii zang Isirela ɓɔɔ ri ning gbalang katɔ kɔ shɛ̃ɛning.

Matiyu 21:41

Ri kasɛ Yeesɔ nyaa tɔɔ, “Yɔɔ jaa kaɓa, naa nyɔkɔ zang yeti shi kpang kaɓa vɔrɔ katɔ nandon, tɔ̀ɔ wu a zang ɓɔɔgn, ɓɔɔ naa alɛ wu jĩng laa ka diki ɓɔɔ zang hã jĩng laa inabi kagn ɓɛɛ.”

Matiyu 21:43

“Ka ruu nɔngkɔ n kɔɔ nɔɔ, zang naa ta gbalang ɓɔɔ zang zi kagn nɛɛ Laa kɔ Kpanti ditɔ nɛɛ naa manɛ, zang a zang ɓɔɔ ri naa palɛ vuu ɓɔɔ Laa kasɛ katɔ ɓɛɛ.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 1:11

Á ka bii zang laa gãa ɓiɓɛ, a zang ɓiɓɛ ti ta wu kpang.

Yɔhana 4:22

Ɓɔɔ nɔɔ zang Samariya, nɔɔ zi zang ɓɔɔ nɔɔ bang wu manɛ kpang. Ɓɔɔ ruu zang Yahudi ruu zi Laa ɓɔɔ ruu bang wu ɓuru tɔ, ka ruu ɓɔɔ, zang yuu tanang nwáng ɓi nɛɛ teteng zang Yahudi kɔ ɓɛɛ.

Zang Shonang Yeesɔ 13:14

Ri sha ɓarɛ kaa nɛɛ Paaga ri daa ka Antakiya ɓɔɔ ka tipi Pisidiya ɓɛɛ. Ka Diki Ɔ̃sɔnang, ri daa ka gãa zɔɔ kpalɛnang, a ri nwáng ka tipi.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 13:5

Ri a tɔ ka Salami, a ri kɔɔrɔ zang Ruu Laa ka gãa zɔɔ kpalɛnang. Yɔhana ɓɔɔ zang ɓaa wu nɛɛ Maraku nɛɛ ri ning, yì ri naa ka shonang.

Zang Shonang Yeesɔ 19:9

Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 28:28

A Bulu hangsɛ nyaa ruu ɓiɓɛ tɔɔ, “N kasɛ nɛɛ nɔɔ zirɛ nɛɛ Ruu Laa ɓɔɔ ta yuu zang, Laa shong nyaa tɔ nɛɛ mani ka bii zang ɓɔɔ ri zang Isirela kpang ɓɛɛ. Ri ti naa tãa ditɔ.”

Zang Shonang Yeesɔ 3:26

Laa wisi zang shonang ɓiɓɛ paa tɔ, a shong wu kaa bii manɛ kɔ shɔɔnang, tɔ̀ɔ, wu a nɔɔ tĩnang tãanang ka ɓɔɔ wu shing nɔɔ nandon, nɔɔ yaa gbalang vuu shi kpang manɛ ɓɛɛ.”

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 7:51

“Nɔɔ taarɛ yuu dɔɔli. Yeti manɛ nɛɛ shoo manɛ nɔɔ dòo katɔ. Nɔɔ kàsɛ̀ nɛɛ nɔɔ tãa vuu ɓɔɔ Suru Laa kɔ̀ɔ́ nɔɔ kpang. Nɔɔ pálɛ̀ dòó vuu ɓɔɔ rɛɛ dáa manɛ ri palɛ ɓɛɛ kɔ.

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 2:10

A Laa naa a zang ɓɔɔ ri pálɛ̀ vuu tɔ̃ɔ kɔ bannang, wu ti dɔɔ ri, wu ti shing ri, ri nwáng ka nyaa zɔɔ. Gaayu nɛɛ zang Yahudi kɔ shɔɔnang, wu naa tɛɛ zang ɓɔɔ ri zang Yahudi kpang ɓɛɛ.

Filipi 1:14

Mãnang kɔ zang mã m ka sãa ɓee, mã̀ rɛɛ manzung mɛɛ ɓɔɔ ri dũng doo Laa kɔ danggn tɔ ka gbalang kpanti Yeesɔ. Ri kɔɔrɔ zang Ruu Laa kana gbãng gbãng ri kaa vɔrɔ takpang.

Yahudi 11:34

Ri ningsi waa ɓɔɔ shaa nɛɛ gnvɔ ning ɓɛɛ, ri wɔ nɛɛ vɔrɔ yere bang. Zang ɓɔɔ bɛ̀ɛ́ ri lakɛ naa ka bii kpang, zang a ri kaka, a ri raa zang ɓɔɔ ri ta sĩiri nɛɛ kaka ɓɛɛ, ri shing zang sĩiri tipi ɓɔɔgn ri yuku.