Zang Shonang Yeesɔ 13:41 - Nyaa Shɔɔ Ɓɔɔ Laa a Ɓɛɛ

⁴¹ “ ‘Nɔɔ zirɛ, ɓɔɔ nɔɔ zang ɓɔɔ nɔɔ kpaa zang ɓɛɛ. Nɔɔ zi vuu ɓɔɔ zang zirɛ zang mã naa ka danggn ɓɛɛ, nɔɔ ti vɔlɔ. Ka ruu ɓɔɔ, vuu ɓɔɔ n palɛ ka diki manɛ keɓe, ɓi vuu ɓɔɔ naa zang ɓɔɔ kɔɔ nɔɔ doori nɔɔ shing danggn kagn kpang ɓɛɛ.’ ”

Zang Shonang Yeesɔ 13:41 ပူးပေါင်းရင်းမြစ်များ

Luka 16:14

Zang Farisi ɓɔɔ ri tãa vuu ɓɔɔ Yeesɔ kɔɔrɔ nandon naa weɓe, ri ɓàa wu zaa ka bii, ka ruu ɓɔɔ, ri kasɛ saka dɔɔli ɓɛɛ.

Luka 23:35

Zang ri shii nɛɛ dalɛ, ri pɛ̃ɛrɛ, a rɛɛ zang bang bang zang Yahudi ri kpaa wu tɔɔ, “Ta yuu zang, wu ta yuu ɓiɓɛ lɛ̀ɛ́ ta jong, wukɔ nɛɛ Kirisi, Jaa Laa ɓɔɔ Laa zɔ̃ng wu katɔ ɓɛɛ.”

Zang Shonang Yeesɔ 13:47

Ka ruu ɓɔɔ, Laa kɔɔ rùu tɔɔ, ‘N shing mɔɔ, mɔɔ nwang vuu ɓɔɔ yakɛ nɔng ka teteng zang ɓɔɔ ri zi Laa kpang ɓɛɛ, tɔ̀ɔ, mɔɔ nwang zang ɓɔɔ shing zang, Laa ta yuu zang ɓɛɛ, ka nɔng ɓɔɔ koo waa nyaa piti.’ ”

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Zang Shonang Yeesɔ 3:23

Zang ɓɔɔ nɛɛ ɓaa shoo ka nyaa zang nyaa shonang Laa kaɓa kpang, zang nwángsɛ́ wu katɔ nɛɛ teteng zang Laa, zang nyɔ wu vɔrɔ.’

Zang Shonang Yeesɔ 6:14

Ruu ti tãayi kɔ̀ɔ́yi nɛɛ Yeesɔ yɔɔ gari Nazara keɓe, jili Gãa Laa keɓe ka tipi, wu ti kɔ̃sɔ vuu daa ɓɔɔ daa ɓuru ri tusu, ɓɔɔ Musa a ri ɓɛɛ.”

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?