Zang Shonang Yeesɔ 13:39 - Nyaa Shɔɔ Ɓɔɔ Laa a Ɓɛɛ

³⁹ Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Zang Shonang Yeesɔ 13:39 ပူးပေါင်းရင်းမြစ်များ

Luka 10:25

A yɔɔ ɓɔɔ zi labeenang Laa ɓɔɔ Musa bee ɓɛɛ dɔɔli, seepaa nɛɛ wu gãsɛ Yeesɔ. Hɛ̃ɛ Yeesɔ tɔɔ, “Maalang, naa n palɛ ɓu bɛ̀ɛ vi, n walɛ suru bii ɓɔɔ waa nyaa kpang ɓɛɛ viya?”

Luka 10:28

A Yeesɔ kɔɔ wu tɔɔ, “Mɔɔ kasɛ nyaa tɔ tɔ̃ɔ. Palɛ veɓe kɔ, mɔɔ walɛ suru bii ɓɔɔ waa nyaa kpang ditɔ.”

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Rooma 10:10

Ka ruu ɓɔɔ, zang nɛɛ shing danggn nɛɛ yeti, tɔ̀ɔ Laa wu risi zang, zang nwang zang tɔ̃ɔ ka tĩng ɓiɓɛ ɓɛɛ. Zang nɛɛ kɔɔ tɔ nɛɛ nyaa zang, Laa wu ti, ta yuu zang kati.

Rooma 10:4

Ka ruu ɓɔɔ, Kirisi shing tɔ naa vuu palɛnang nyaa dannang Laa di nyaa tɔ ɓɛɛ. Zang ɓɔɔ nɛɛ shing danggn ka bii Laa, Laa risi wu kaa tɔ wu nwang zang tɔ̃ɔ ka tĩng ɓiɓɛ.

Rooma 3:19

Ruu zi ɓuru tɔ nɛɛ, vuu ɓɔɔ zang bèe ka yeti nyaa ɓɔɔ Laa dangnɛ, ɓi ɓɔ̀ɔ́ zang ɓɔɔ ri dũng ɓarɛ nyaa dannang keɓe ɓɛɛ. Tɔ̀ɔ, wu zãa shɔnzang nandon nyaa jãanang kati. Tɔ̀ɔ, wu shingnɛ Laa wu naa jɛ̃ɛ zang koo nandon ruu kati.

Rooma 3:20

Ka ruu nɔngkɔ, zang nwàng zang tɔ̃ɔ ɓi jong ka tĩng Laa ka ruu ɓɔɔ zang palɛ vuu ɓɔɔ nyaa dannang Laa kɔɔyi nɛɛ zang wu palɛ ɓɛɛ kpang. Nyaa ɓɔɔ Laa dangnɛ pùú zang ɓi jĩng, zang zi vuu shi kpang ɓɔɔ zang palɛ ɓɛɛ.

Rooma 4:15

Ka ruu ɓɔɔ, naa zang ɓɔɔ ta nyaa Laa, Laa dang zang jĩng katɔ ɓɛɛ. A nɔng ɓɔɔ nyaa dannang kagn kpang, zang tɔɔ kpang nɛɛ zang ta nyaa ɓɔɔ zang dangnɛ tɔ kpang.

Rooma 4:24

Zang bee kaa ruu ɓuru jong. Ɓɔɔ Laa naa ta rùu nɛɛ rùu zang tɔ̃ɔ ka tĩng ɓiɓɛ ɓɛɛ. Ɓɔɔ rùu shing danggn ka bii Laa, ɓɔɔ wisi Kpanti ɓuru Yeesɔ paa nɛɛ saa ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 5:9

Ka ruu zĩi ɓiɓɛ, ruu nwáng zang tɔ̃ɔ tɔ ka tĩng Laa. Vuu ɓɔɔ naa pàlɛ́ ruu ɓa weɓe katɔ, ta ruu ditɔ nɛɛ jĩng dannang ɓɔɔ Laa naa dang zang ɓɛɛ.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Rooma 9:31

A zang Isirela ɓɔɔ Laa shɛ̃ɛrɛ ri katɔ, ri tɔɔ ri kãa ɓarɛ nyaa ɓɔɔ Laa dangnɛ ɓɔɔ shing ri, ri nwang zang tɔ̃ɔ ka tĩng Laa ɓɛɛ, a ri wàlɛ̀ kaa takpang.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

Galati 2:16

Naa dòo nɔngkɔ, ruu zi ɓuru tɔ nɛɛ shɔnzang nwáng zang tɔ̃ɔ ka tĩng Laa ka ruu danggn ɓɔɔ wu shing ka bii Yeesɔ Kirisi kɔ shɛ̃ɛning, wu ka ruu ɓɔɔ zang keɓe palɛ vuu ɓɔɔ nyaa dannang kasɛ ɓɛɛ kpang. Ruu shing danggn tɔ jong ka bii Yeesɔ Kirisi, tɔ̀ɔ, ruu nwang zang tɔ̃ɔ ka tĩng Laa nɛɛ bii danggn ɓɔɔ ruu shing ka bii Kirisi ɓɛɛ. Wu ka ruu ɓɔɔ, ruu palɛ vuu ɓɔɔ nyaa dannang kasɛ ɓɛɛ kpang. Ka ruu ɓɔɔ, zang nwàng zang tɔ̃ɔ ɓi jong ka tĩng Laa, ka ɓɔɔ zang palɛ vuu ɓɔɔ nyaa dannang kasɛ ɓɛɛ kpang.

Galati 2:19

Ɓi rɛɛ nyaa dannang keɓe kɔ shingnɛ n zirɛ nɛɛ n vɔ katɔ, ka ruu ɓɔɔ, n dũng ri nandon kpang ɓɛɛ. Ka ruu nɔngkɔ, n shing danggn tɔ̀ɔ́ ka ri kpang, tɔ̀ɔ, n walɛ suru bii ka bii Laa.

Galati 3:8

Vuu ɓɔɔ Laa kɔɔyi, zang bee ka labeenang ɓiɓɛ doo ka tĩng nɛɛ, Laa naa risi zang ɓɔɔ ri zang Yahudi kpang ditɔ, ri nwang zang tɔ̃ɔ ka tĩng ɓiɓɛ, ka ruu danggn ɓɔɔ ri shing ɓɛɛ. A zang bee naa ɓɔɔ Laa kɔɔ Ibirayi Ruu Tɔ̃ɔ doo ka tĩng ɓɛɛ tɔɔ, “Laa naa shing zang koo keɓe nandon ri tãa tĩnang nɛɛ bii ɓaaɓɛ kɔ.”

Galati 5:3

N shaarɛ nɔɔ nyaa tɔkn, naa zang ɓɔɔ yaayi zang yee wu shaa, wu dũng nyaa nimbang ɓɔɔ zang dang ɓɛɛ ta.

Yahudi 10:11

A zang ɓɔɔ ri dɔɔ vuu ka Gãa Laa, ɓu shii diki diki palɛ shonang ɓiɓɛ, a Laa rɛɛ vuu dɔɔnang gbete keɓe, paasɛ ka yuu zɔɔ, yuu zɔɔ. Rɛɛ vuu dɔɔnang ɓɔɔ kɔsɔ rɛɛ vuu shi kpang, kpang tingkiring ɓɛɛ.

Yahudi 10:4

Ka ruu ɓɔɔ, zĩi rɛɛ guu napo nɛɛ ɓɔɔ jàa zunung ɓɔɔ wu kɔsɔ zang vuu shi kpang, kpang tingkiring ɓɛɛ.

Yahudi 7:19

Ka ruu ɓɔɔ, nyaa dannang Musa shing vuu ɓɔɔ ɓi jong wu nwang nyaa kiiri kpang ɓɛɛ. A kãntang keɓe, Laa atɛ vuu ɓɔɔ waasɛ̃ tɔ, ɓɔɔ ri shíng gn kagn ɓɛɛ, tɔ̀ɔ, ruu a kaa bii ɓiɓɛ naabm.