Zang Shonang Yeesɔ 13:15 - Nyaa Shɔɔ Ɓɔɔ Laa a Ɓɛɛ

¹⁵ Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 13:15 ပူးပေါင်းရင်းမြစ်များ

Maraku 5:22

A zang bang gãa zɔɔ kpalɛnang zang Yahudi ɓɔɔ gbete, ɓɔɔ zang ɓaa nɛɛ Yayiru, arɛ naa tang nɛɛ gutu ka tĩng Yeesɔ,

Luka 16:16

“Labeenang Laa ɓɔɔ Musa beeyi nɛɛ ɓɔɔ zang nyaa shonang Laa piti, zang palɛ shonang nɛɛ wukɔ, a nɛɛ mani ka yuu Yɔhana ɓɔɔ pàlɛ́ zang batizima ɓɛɛ. Zang gaayu Ruu Tɔ̃ɔ Kpanti roonang Laa kɔɔnang doo nɛɛ diki Yɔhana kɔ. Zang ɓu ti ĩi ɓi yuu, tɔ̀ɔ, wu shɛ̃ɛyi.

Zang Shonang Yeesɔ 1:16

Kɔɔyi tɔɔ, “Rɛɛ manzung, vuu ɓɔɔ labeenang kɔɔyi nwáng ditɔ niizang. Suru Laa rang yee ka tĩng nɛɛ nyaa Dawuda ka yuu Yahuda ɓɔɔ sɔ̀ɔ zang ɓɔɔ ri daa yí Yeesɔ tĩng ɓɛɛ.

Zang Shonang Yeesɔ 13:27

Zang ɓɔɔ ri nwang ka Urushalima nɛɛ rɛɛ zang bang ɓarɛ ri zi Yeesɔ nung kpang. Ri ti zi rúu rɛɛ zang nyaa shonang Laa ɓɔɔ zang gã ka Diki Ɔ̃sɔnang diki diki kpang, ka ruu nɔngkɔ, ri palɛ vuu ɓɔɔ rɛɛ zang nyaa shonang Laa keɓe ri kɔɔ tɔ, ka ɓɔɔ ri dɔng wu ruu ɓɛɛ.

Zang Shonang Yeesɔ 15:21

Ka ruu ɓɔɔ, diki bée tɔ ɓɔɔ zang gã nyaa dannang Musa ka gãa zɔɔ kpalɛnang, ka Diki Ɔ̃sɔnang diki diki ɓɛɛ. Zang ti kɔɔrɔ zang ruu ɓiɓɛ ka gari gari nandon.”

Zang Shonang Yeesɔ 15:7

Ri làa zɔɔ nyaa tɔ gbãng gbãng, a Bituru yupaa kɔɔyi tɔɔ, “Rɛɛ manzung, nɔɔ zi tɔ diki bee tɔ ɓɔɔ Laa zɔ̃ng m ka teteng manɛ, nɛɛ n kɔɔ zang ɓɔɔ ri zang Isirela kpang Ruu Tɔ̃ɔ ɓiɓɛ, tɔ̀ɔ, ri tãayi, ri ti shing danggn ɓɛɛ.

Zang Shonang Yeesɔ 18:17

Ri yi Sɔtanɛ ɓɔɔ wukɔ zang bang gãa zɔɔ kpalɛnang, ri nyɔ wu nɛɛ gbãa ka tĩng gãa ruu jɛ̃ɛnang ka nɔngkɔ. Vuu bii ti kpãa Gaaliyo ɓi kpang tingkiring.

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 2:29

“Rɛɛ manzung, n kɔ̀ɔ́ nɔɔ ruu katɔ ka yuu dabang ɓuru Dawuda, nyaa zàa m kpang. Dawuda vɔrɛ, a zang gbãa wu, sàá ɓiɓɛ ti doogn ka nɔng ɓuru kãntang keɓe.

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 20:2

Riki tipi keɓe, mã ri danggn tɔ gbãng gbãng, a yaa ri daa kaa gari Heleni.

Zang Shonang Yeesɔ 22:1

“Rɛɛ manzung, nɛɛ rɛɛ daa mɛɛ, nɔɔ ɓaa shoo, ka ruu kɔ n kɔ̀ɔ́ nɔɔ ka yuu mɛɛ ɓee.”

Zang Shonang Yeesɔ 4:36

Ri palɛ kana naa weɓe, a Yusufu zɔ̃ng Leevi, yɔɔ Kuburu ɓɔɔ rɛɛ zang shonang Yeesɔ ri a wu nung nɛɛ Baranaba (dĩiri nung keɓe ɓi, “Jaa ɓɔɔ mã zang danggn ɓɛɛ.”)

Zang Shonang Yeesɔ 7:2

Istifanu kasɛ wu nyaa tɔɔ, “Rɛɛ manzung nɛɛ rɛɛ daa mɛɛ, nɔɔ ɓaa shoo. Laa ɓɔɔ wukɔ ɓa zang piti bannang ɓɛɛ, nwang nyaa ka bii dabang ɓuru Ibirayi, bɛ̀ɛ́ wu doo ka tipi Masopotaami. Bɛ̀ɛ́ daa nwang gn ka gari Haran kpang.

Rooma 12:8

Zang ɓɔɔ nɛɛ mã zang danggn, ka danggn ɓɔɔ wu mã zang ɓɛɛ. Zang ɓɔɔ nɛɛ tɔɔ wu basɛ vuu ɓiɓɛ nɛɛ zang ɓɔɔ, wu bàsɛ̀ nɛɛ yeti gbete. Zang ɓɔɔ wukɔ nɛɛ zang bang, wu palɛ shonang nɛɛ kaka ɓiɓɛ ning. Zang ɓɔɔ nɛɛ palɛ zang tɔ̃ɔ, wu mã nyaa tĩng katɔ kpang.

1 Koranti 14:3

Zang ɓɔɔ kɔɔ ruu ɓɔɔ Laa tusu wu, rang yee ɓi nɛɛ shɔnzang. Ruu ɓɔɔ wu kɔɔ ɓɛɛ, yi zang naa katɔ ka bii. Ruu bìí mã zang danggn katɔ, wu shingnɛ yeti ɓarɛ wu valɛ.

2 Koranti 3:14

Niizang, yeti ɓarɛ kpãa nyaa vuu zinang katɔ. Vuu ɓɔɔ yirɛ, a nɛɛ mani lɛɛkɔ, zang zùu yeti ɓarɛ doo nɛɛ sɛ̃ɛ fɔ̃ɔrɔ ɓɔɔ Musa zúu yuu ɓiɓɛ nɛɛ mani ɓɛɛ. Ri nɛɛ gã labeenang ɓɔɔ nyaa dannang ɓɔɔ gbaala kagn, ri zi vuu ɓɔɔ kagn ɓɛɛ kpang. Zang nɛɛ raa zang ɓɔɔ dũng kaa Laa tɔ, tɔ̀ɔ, Kirisi wu puu zang sɛ̃ɛ fɔ̃ɔrɔ ɓɔɔ zuu zang jĩng kaɓa kati.

1 Tesalonika 2:3

Ka ɓɔɔ ruu kãa gbalang nɛɛ nɔɔ ta Ruu Tɔ̃ɔ Laa, ruu sùu nɔɔ sèé kpang. Ruu mang vuu shi kpang kagn yeti ɓuru ka yuu manɛ kpang. Ruu ti tɔɔ kpang nɛɛ ruu nwãarɛ zang ɓɔɔ kpang.

Yahudi 13:22

Rɛɛ manzung, n gaa nɔɔ, nɔ́ɔ mã danggn nɛɛ rúu kɔ n mã nɔɔ danggn nɛɛ mani ɓee. Vuu kɔ n bee nɔɔ ɓee, ɓi dɔɔli kpang.