Zang Shonang Yeesɔ 13:10 - Nyaa Shɔɔ Ɓɔɔ Laa a Ɓɛɛ

¹⁰ a kɔɔyi tɔɔ, “Jaa suru shi kpang kiɓi. Mɔkɔ kasɛ kpang nɛɛ zang pálɛ̀ vuu ɓɔɔ tɔ̃ɔ kpang. Yeti ɓaaɓɛ ɓi zang nwãarɛnang kɔ shɛ̃ɛning. Mɔɔ kãa gbalang diki diki nɛɛ mɔɔ risi Ruu Laa wu nwang kaa naa sèé.

Zang Shonang Yeesɔ 13:10 ပူးပေါင်းရင်းမြစ်များ

Matiyu 13:38

Jaa ɓɔɔ zee ta kagn ɓi koolaa. Jĩng zee ɓɔɔ tɔ̃ɔ, ɓi kaa zang ɓɔɔ ri tà Laa, nɛɛ wukɔ Kpanti ɓɛɛ. Zee lɔɔwɔ, ɓi zang ɓɔɔ ri palɛ vuu ɓɔɔ Sheetang kasɛ ɓɛɛ.

Matiyu 15:19

Ka ruu ɓɔɔ vuu shi kpang ɓɔɔ ka yeti shɔnzang kɔ shing zang, zang rɛ̃rɛ vuu shi kpang. Zang nyɔ zang vɔrɔ, roonang nɛɛ soro zang ɓɔɔgn, roonang nɛɛ jaa soro ɓɔɔ zang gee ka takpang ɓɛɛ. Zang ti ɓɔɔ shɔngɓɔ, zang zɛ̃ɛ zang nyaa, zang ti rang yee shi kpang ka yuu zang.

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Luka 11:39

A Kpanti Yeesɔ kɔɔ wu tɔɔ, “Ɓɔɔ nɔɔ Farisi, nɔɔ sɔ̀ɔ́ dakn waka nɛɛ dakn gbanti kɔ shɛ̃ɛning, a yeti manɛ ɓi zang mulunang kɔ nɛɛ yeti lanang shɛ̃ɛning.

Luka 11:52

“Jĩng dannang kagn yuu manɛ, zang ɓɔɔ tusu zang labeenang Laa ɓɛɛ. Ka ruu ɓɔɔ, nɔɔ ta zang gbalang Ruu Laa zinang, a nɔɔ ti dũ̀ng gbalang kaɓa kpang ɓɛɛ. Nɔɔ yaa zang ɓɔɔ ri kasɛ daanang katɔ gbalang kpang.”

Yɔhana 1:23

A Yɔhana kasɛ ri nyaa nɛɛ nyaa ɓɔɔ Ishaya zang nyaa shonang Laa bee ɓɛɛ tɔɔ, “Nkɔ zang ɓɔɔ rang yee Laa ka waala, ɓɔɔ kɔɔyi nɛɛ, ‘Nɔɔ pàlɛ̀ Kpanti Laa gbalang ta, nɔɔ shiiri katɔ ɓororo.’ ”

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Zang Shonang Yeesɔ 20:30

Ka teteng manɛ, zang ɓɔɔ ri naa risi ruu niizang ditɔ, wu nwang kaa naa sèé, nɛɛ tɔɔ ri gɔ̃ɔ zang ɓɔɔ ri dũng Laa ri dũng kaa rikɔ.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

Galati 1:7

Niizang, ruu tɔ̃ɔ ɓɔɔgn ɓi kagn kpang. N kɔɔ nɔngkɔ, ka ruu ɓɔɔ, zang ɓɔɔ kagn ri kpantɛ nɔɔ jĩng, ri kãa gbalang ɓɔɔ ri kɔ̃sɔ Ruu Tɔ̃ɔ Kirisi katɔ ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

2 Bituru 2:15

Ri yaa gbalang tɔ̃ɔ tɔ, ri dũng ɓarɛ kaa gbalang Balamu jaa Beeyɔ kɔ jong. Ka tĩng tɛ̃ɛ tɛ̃ɛ, Balamu kasɛ nɛɛ yuu ɓiɓɛ, wu palɛ vuu shi kpang nɛɛ tɔɔ zang a wu saka.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.