Zang Shonang Yeesɔ 13:1 - Nyaa Shɔɔ Ɓɔɔ Laa a Ɓɛɛ

¹ Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Zang Shonang Yeesɔ 13:1 ပူးပေါင်းရင်းမြစ်များ

Matiyu 27:32

Ri nwang tɔ, ri daa kana ka gbalang, a ri naa ɓee yuu nɛɛ yɔɔ gari Kiranɛ ɓɔɔ zang ɓaa nɛɛ Siman. A ri yi wu nɛɛ gbãng gbãng ning, nɛɛ wu tuu laa ɓɔɔ zang daa ɓaa Yeesɔ naa kagn ɓɛɛ.

Luka 3:1

Laa rang yee nɛɛ Yɔhana jaa Zakariya ka jĩngti, ka diki ɓɔɔ bɛ̀ɛ́ Pontu Bilatu kɔ gɔmna tipi Yahudi ɓɛɛ. Hiridu ɓi kaa gɔmna tipi Galili, a jaa daa ɓiɓɛ Filibu ɓi gɔmna tipi Ituriya nɛɛ tipi Tirakoniti. Lisaniya ɓi gɔmna tipi Abileni. Ka diki kaɓa, rɛɛ Anas nɛɛ Kayifa rikɔ kpanti zang ɓɔɔ ri dɔɔ vuu ka Gãa Laa ɓɛɛ. Ka diki kaɓa, Kayisa Taberiyu wukɔ zang bang rɛɛ tipi keɓe nɛɛ tipi Rooma nandon, daa saa kopi tu maani.

Zang Shonang Yeesɔ 11:30

Ri kpalɛ kati nɔngkɔ, a ri shòng rɛɛ zang bang, zang ɓɔɔ ri dũng Laa saka bìí kaa nɛɛ naa rɛɛ Baranaba nɛɛ Shaawulu.

Zang Shonang Yeesɔ 12:25

Baranaba nɛɛ Shaawulu ri daa palɛ vuu ɓɔɔ zang shong ri ka Urushalima tɔ, a ri gbãayu. Ri atɛ Yɔhana ɓɔɔ zang ɓaa wu nɛɛ Maraku ɓɛɛ ka naa ning.

Zang Shonang Yeesɔ 13:9

A Shaawulu ɓɔɔ zang ɓaa wu nɛɛ Bulu ɓɛɛ, Suru Laa a ka bii ɓiɓɛ. Shu yɔɔ ɓɔɔ hɛ̃ɛpaa keɓe jĩng ka bii,

Zang Shonang Yeesɔ 15:32

Yahuda nɛɛ Siila ɓɔɔ ri doo zang nyaa shonang Laa kɔɔ doori, ri rang zang yee sasak. Yee ɓarɛ mã zang danggn kati.

Zang Shonang Yeesɔ 15:35

Bulu nɛɛ Baranaba ri nwang ɓarɛ kaa Antakiya ka nɔngkɔ. Ri nɛɛ rɛɛ zang ɓɔɔ ri tusu zang vuu, a ri ti kɔ̀ɔrɔ́ zang Ruu Laa ɓɛɛ.

Zang Shonang Yeesɔ 19:6

Bulu shĩili ri naa ɓiɓɛ ka yuu, a Suru Laa a kaa bii ɓarɛ. A ri gaayu yee rannang kaa nɛɛ nyaa ɓɔɔgn. Ri kɔɔrɔ zang Ruu Laa.

Zang Shonang Yeesɔ 21:9

Wujɛ ɓiɓɛ zang soro dɛ̃ɛti ɓɔɔ zang gee ri gn kpang ɓɛɛ. Ri ɓaarɛ zang nyaa shonang Laa.

Zang Shonang Yeesɔ 4:36

Ri palɛ kana naa weɓe, a Yusufu zɔ̃ng Leevi, yɔɔ Kuburu ɓɔɔ rɛɛ zang shonang Yeesɔ ri a wu nung nɛɛ Baranaba (dĩiri nung keɓe ɓi, “Jaa ɓɔɔ mã zang danggn ɓɛɛ.”)

Zang Shonang Yeesɔ 9:1

Bɛɛ gnvɔ yeti Shaawulu kà gň kpang, ka ɓɔɔ wu kasɛ nɛɛ wu nyɔkɔ rɛɛ zang ɓɔɔ ri mantɛ vuu ka bii Kpanti Yeesɔ vɔrɔ ɓɛɛ. Dàa ka bii kpanti zang ɓɔɔ ri dɔɔ vuu ka Gãa Laa ɓɛɛ,

Rooma 16:21

Timoti zang ɓɔɔ ruu palɛ shonang nɛɛ wu jée nɔɔ nyaa. Lukiyu, nɛɛ Jaasong a ɓɔɔ Susibatara ɓɔɔ ri doo zang Yahudi kɔ, ri jée nɔɔ nyaa jong.

1 Koranti 11:4

Zang varɛ nɛɛ gaa Laa, naa nɛɛ kɔɔ doo vuu ɓɔɔ Laa kɔɔ wu ɓɛɛ, wu hãa vuu waayu ka yuu kpang. Naa hãayi sèng Kirisi ɓɔɔ wukɔ zang bang ɓiɓɛ kpang.

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

1 Koranti 13:8

Zang ɓɔɔ kàsɛ̀ zang katɔ, di nyaa zang kasɛnang ɓi kpang. Diki a kana ɓɔɔ zang ri naa yaa vuu ɓɔɔ Laa tusu ri kɔɔrɔnang. Diki a kana ɓɔɔ zang ri naa kɔ̀ɔrɔ̀ ruu tɔ̀ɔ́ nɛɛ nyaa ɓɔɔ ri kpɛ̃ɛrɛ kpang, kpang. Vuu zinang ti naa waa nyaa kaa tɔ.

1 Koranti 14:29

Zang ɓɔɔ ri kɔɔ zang vuu ɓɔɔ Laa tusu ri, ri nɛɛ ka nɔng ri ziti kɔ taati ri rang yee. Zang ɓɔɔ nimbang ri rɛ̃̀rɛ̀ ɓarɛ kaa tɔ waasɛ̃ ka yuu ruu ɓɔɔ zang kaɓa ri kɔɔ ɓɛɛ.

1 Koranti 14:32

Zang ɓɔɔ Laa a ri Suru ɓɔɔ ri kɔɔ zang vuu ɓɔɔ wu tusu ri, ri zunung ɓɔɔ ri yiti Suru ɓɔɔ Laa a ri kaɓa katɔ.

1 Koranti 9:6

Nɔɔ kɔɔ manɛ nɛɛ ɓi nkɔ nɛɛ Baranaba ruu palɛ shonang nɛɛ naa ɓuru tɔ̀ɔ ruu walɛ vuu shaanang ɓɔɔ ruu shaa ɓɛɛ ya?

Galati 2:13

Manzung ɓuru, zang Yahudi ɓɔɔ nimbang ɓɔɔ ri ka nɔng, ri gaayu vuu palɛnang nɛɛ yeti gbete kpang kaa jong nɛɛ Bituru. A ri nwãarɛ Baranaba kaa jong nɛɛ vuu ɓɔɔ ri palɛ nɛɛ yeti gbete kpang ɓɛɛ.

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

Filipi 4:22

Zang Laa ɓɔɔ ri ka nihn nandon ri jee nɔɔ nyaa. Zang ɓɔɔ ri nwang ka yeti gãa kpanti Kayisa kɔ ri jee nɔɔ nyaa gbãng gbãng.

1 Tesalonika 5:20

Nɔ́ɔ bɛ̃ɛ ruu ɓɔɔ a nɛɛ bii zang nyaa shonang Laa ɓɛɛ kpang.