Zang Shonang Yeesɔ 12:4 - Nyaa Shɔɔ Ɓɔɔ Laa a Ɓɛɛ

⁴ Yi Bituru tɔ, a loo wu ka sãa, a wu zang ɓɔɔ ri gã sãa ɓɛɛ ka naa, nɛɛ ri gãng jĩng ka wu. Basɛ zang sɔɔja ɓɔɔ gã wu nɔng dɛ̃ɛti. Nɔng ɓu sɔɔja kagn dɛ̃ɛti. Hiridu mang ka yeti ɓiɓɛ, nɛɛ nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ nɛɛ ɓa tɔ, wu naa jɛ̃ɛ Bituru ruu kati, ka jĩng zang piti.

Zang Shonang Yeesɔ 12:4 ပူးပေါင်းရင်းမြစ်များ

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Matiyu 26:5

Ri kɔɔ zɔɔ tɔɔ, “Rúu palɛ ka diki ɓɔɔ zang shaa nyaalaa Pasika kpang, ka ruu ɓɔɔ zang nɛɛ pálɛ̀ nyaa ɓɛɛ.”

Maraku 14:1

Diki ɓɔɔ zang shaa nyaalaa Pasika ɓɔɔ zang kpaa danggn ɓɔɔ Laa tɛɛ ɓɛɛ nɛɛ ɓɔɔ nyaalaa Borodi ɓɔɔ zang tɛ̃ɛ yisi kagn kpang, yaa kaa ziti. A rɛɛ zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tɔ̀ng zɔɔ ka naa ɓɔɔ ri naa yi Yeesɔ nɛɛ nwĩiri, ri nyɔ wu vɔrɔ ɓɛɛ.

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Luka 22:33

Siman kasɛ wu nyaa tɔɔ, “Dabang, n kasɛ tɔ, n daa nɛɛ mɔɔ ka sãa, ruu vɔ ka nyaa zɔɔ.”

Yɔhana 19:23

Rɛɛ sɔɔja ri ɓáa Yeesɔ naa tɔ ka laa, a ri sèerè fɔ̃ɔrɔ ɓiɓɛ ri basɛ nɔng dɛ̃ɛti. Zang sɔɔja ɓu tuu nɔng gbete. Yaa kaa fɔ̃ɔrɔ ɓɔɔ wu hãa nɛɛ tĩng, ɓɔɔ zang duusu nyaa ka takpang ɓɛɛ.

Yɔhana 21:18

“N kɔ̀ɔ́ mɔɔ ruu ɓɔɔ niizang kɔ nwani, mɔɔ nɛɛ doo jasang, mɔɔ kpalɛ bii nɛɛ yuu ɓaaɓɛ, mɔɔ daa nɔng ɓɔɔ mɔɔ kasɛ ɓɛɛ. Mɔɔ nɛɛ kpɛ̃ɛ tɔ, mɔɔ dĩi naa, zang ɓɔɔgn gbarɛ mɔɔ bii, wu tuu mɔɔ, wu daa nɛɛ mɔɔ ka nɔng ɓɔɔ mɔɔ kasɛ kpang ɓɛɛ.”

Zang Shonang Yeesɔ 12:3

Zirɛ vuu kɔ wu pálɛ́ ɓee zang Yahudi ri tãa tĩnang dɔɔli, a yi Bituru kaa jong. Palɛ vuu keɓe ka diki nyaalaa Borodi ɓɔɔ zang tɛ̃ɛ yisi kagn kpang ɓɛɛ.

Zang Shonang Yeesɔ 12:5

Ka ruu nɔngkɔ, ya Bituru ka sãa ka nɔngkɔ. A zang ɓɔɔ ri dũng Laa, ri ti gàá Laa ɓi kana gbãng gbãng ka ruu Bituru.

Zang Shonang Yeesɔ 4:28

Ri kpalɛ zɔɔ nɛɛ ri pálɛ̀ vuu ɓɔɔ mɔɔ shíng ɓaa doo ka tĩng nɛɛ naa vuu palɛnang ɓaaɓɛ nɛɛ, naa ɓɔɔ mɔɔ kasɛ wu nwang nɔngkɔ ɓɛɛ.

Zang Shonang Yeesɔ 4:3

Ka ruu nɔngkɔ, ri yiki Bituru nɛɛ Yɔhana, ri daa loo ri ka sãa nɛɛ nɔng wu gãntɛ ka gbongkarɛ, ka ruu ɓɔɔ, bɛ̀ɛ́ kaa nɛɛ laarang.

Zang Shonang Yeesɔ 5:18

Ri yiki rɛɛ zang shonang Yeesɔ, ri loo ri ka sãa.

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.