Zang Shonang Yeesɔ 11:26 - Nyaa Shɔɔ Ɓɔɔ Laa a Ɓɛɛ

²⁶ Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.

Zang Shonang Yeesɔ 11:26 ပူးပေါင်းရင်းမြစ်များ

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Yɔhana 2:2

Zang ti gaarɛ Yeesɔ jong nɛɛ, zang ɓɔɔ ri mantɛ vuu ka bii ɓiɓɛ ɓɛɛ.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 11:20

A zang ɓɔɔ kagn teteng ɓarɛ zang Kuburu nɛɛ ɓɔɔ Kiranɛ, ri daa ka Antakiya ri daa kɔɔ zang ɓɔɔ ri zang Isirela kpang Ruu Tɔ̃ɔ Laa jong, ka yuu Kpanti Yeesɔ.

Zang Shonang Yeesɔ 11:22

Zang ɓɔɔ ri dũng Laa ka Urushalima, ri tãa ruu keɓe, a ri shong Baranaba kaa Antakiya.

Zang Shonang Yeesɔ 11:27

Ka diki kaɓa, zang nyaa shonang Laa ɓɔɔ ri yupaa nɛɛ Urushalima, ri daa ka Antakiya.

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

Zang Shonang Yeesɔ 14:20

Ɓɔɔ zang ɓɔɔ ri shing danggn, ri naa kpalɛ zɔɔ ri kiiri wu nyaa ka teteng, yupaa a daa yeti gari. Nɔng naa gãntɛ, a daa ka gari Daabe nɛɛ Baranaba.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 14:28

A ri nwang kaa nɛɛ zang ɓɔɔ ri dũng Laa kaɓa ka nɔngkɔ, diki ɓarɛ bee katɔ.

Zang Shonang Yeesɔ 18:27

Apolo kɔɔ ka yeti ɓiɓɛ nɛɛ wu daa ka Akaya, a rɛɛ zang ɓɔɔ ri dũng Laa ri mã wu danggn, a ri bee zang ɓɔɔ ri dũng Laa ka nɔng ɓɔɔ wu daa ɓɛɛ labeenang nɛɛ ri ta wu waasɛ̃. Ɓɔɔ wu shɛ̃ɛ nɔng, yi rɛɛ zang ɓɔɔ Laa yi ri naa kagn, a ri shing danggn ka bii Laa, naa ka bii dɔɔli.

Zang Shonang Yeesɔ 19:9

Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 20:1

Nyaa ɓɔɔ zang haa ɓɛɛ naa kaa tɔ, a Bulu shong nyaa ka rɛɛ zang ɓɔɔ ri dũng Laa nɛɛ ri arɛ. Mã ri danggn, a jee ri nyaa nɛɛ wu daa kaa tɔ. A yaa ri, daa kaa tipi Makidoniya.

Zang Shonang Yeesɔ 20:30

Ka teteng manɛ, zang ɓɔɔ ri naa risi ruu niizang ditɔ, wu nwang kaa naa sèé, nɛɛ tɔɔ ri gɔ̃ɔ zang ɓɔɔ ri dũng Laa ri dũng kaa rikɔ.

Zang Shonang Yeesɔ 21:4

Ruu ĩi zang ɓɔɔ ri dũng Laa ɓɔɔ kagn ka nɔng, a ruu nwang nɛɛ ri diki manziti. Suru Laa kɔɔ ri nɛɛ ri kɔɔ Bulu nɛɛ wu daa Urushalima kpang.

Zang Shonang Yeesɔ 26:28

Agiripa kɔɔ Bulu tɔɔ, “Ɓɔɔ mɔɔ zi ka jĩng ɓaaɓɛ nwannang kɔ ruu nwang nɛɛ mɔɔ tɔkɔlɔng ɓee, daa naa ɓɔɔ mɔɔ risi m n nwang zang ɓɔɔ dũng Kirisi ɓɛɛ tɔ ya?”

Zang Shonang Yeesɔ 6:1

Ka diki kaɓa, zang ɓɔɔ ri shing danggn ka bii Laa ri shang kana dɔɔli, rɛɛ zang Yahudi ɓɔɔ ri ráng nyaa Heleni ri gɔ̃ɔrɔ yee ka yuu rɛɛ zang Yahudi ka ruu ɓɔɔ, zang nɛ́ɛ bàsɛ́ vuu shaanang diki diki, zang yee laa ka rɛɛ suvɔ ɓarɛ kpang ɓɛɛ.

Zang Shonang Yeesɔ 6:5

Ruu rɛɛ zang kopi tu ziti keɓe, daa zang piti ka yeti. A zang shɛ̃ɛrɛ rɛɛ Istifanu, yɔɔ ɓɔɔ shing danggn ka bii Laa dɔɔli, a Suru Laa ti kagn bii ɓiɓɛ ɓɛɛ, a ɓɔɔ Filibu, nɛɛ Porokoru, nɛɛ Nikana, nɛɛ Timon, nɛɛ Barimina, nɛɛ Nikola yɔɔ tipi Antakiya ɓɔɔ bɛ̀ɛ́ dũng gbalang zang Yahudi ɓɛɛ. Kãntang keɓe dũng kaa Yeesɔ Kirisi.

Zang Shonang Yeesɔ 9:19

A naa shaa vuu shaanang, a kaka ɓiɓɛ sɔɔ kati. Shaawulu nwang nɛɛ zang ɓɔɔ ri dũng Laa ɓɛɛ, ka Damasiku diki bee katɔ tɔkɔlɔng.

Zang Shonang Yeesɔ 9:38

Joopa nɛɛ Liida ri bee kpang. Ɓɔɔ rɛɛ zang ɓɔɔ ri dũng Laa ka Joopa ri tãa nyaa nɛɛ Bituru ka Liida, ri shong zang varɛ ziti ka bii ɓiɓɛ. Ri kɔɔ wu tɔɔ, “Ruu zɔ̃ɔrɔ mɔɔ katɔ, a ka bii ɓuru tantɛnang.”

1 Koranti 11:18

Vuu ɓɔɔ tĩng shɔɔnang keɓe. Zang ri kɔɔ m nɛɛ, ɓɔɔ nɔɔ dũng Laa ɓɛɛ, nɔɔ nɛɛ kpalɛ zɔɔ tɔ nɔɔ basɛ zɔɔ ka vaa ka bm bm, nɔɔ shing jĩng nɛɛ zɔɔ kpang. N zirɛ mɔɔ kɔɔ nɛɛ ruu keɓe niizang.

1 Koranti 12:12

Nɔɔ zi tɔ nɛɛ vuu ɓɔɔ ɓakɛ, a raa bii shɔnzang ka zɔ̃ng zɔ̃ng. A bii shɔnzang ɓi kaa gbete kɔ nwani, vuu keɓe ri ɓakɛ zɔɔ nɔng gbete, tɔ̀ɔ, ri nwang kaa bii gbete. Yeesɔ Kirisi nwang doo nɔngkɔ.

1 Koranti 14:23

Zang ɓɔɔ ri dũng Laa ri nɛɛ kpalɛ zɔɔ tɔ nandon, zang ɓu nɛɛ gaayu yee rannang tɔ nɛɛ nyaa ɓɔɔ wu kpɛ̃ɛrɛ katɔ kpang. Naa zang ɓɔɔ ri zi vuu keɓe kpang nɛɛ zang ɓɔɔ ri dũ̀ng Yeesɔ Kirisi ɓarɛ kpang, ri naa à ka nɔng, ri kɔɔ ɓarɛ nɛɛ shoko takɛ nɔɔ manɛ tɔ kɔ nandon.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Yakubu 2:7

Wu rikɔ kɔɔrɔ ruu shi kpang ka yuu núng tɔ̃ɔ Yeesɔ kɔ zang ɓaa nɔɔ nɛɛ mani ɓɛɛ kpang ya?

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.

1 Bituru 4:16

Naa zang ɓɔɔ dang jĩng, ka ruu ɓɔɔ wu dũng Kirisi, yusɛ̃ɛ wu tuu wu kpang. Wu zãa ɓi Laa kɔ jong, ka ruu ɓɔɔ, zang gã wu ɓi kaa teteng rɛɛ zang Kirisi ɓɛɛ.

1 Yɔhana 2:27

Ɓɔɔ bii manɛ Suru Laa ɓɔɔ nɔɔ ta nɛɛ bii Yeesɔ kagn yeti manɛ. Ka ruu nɔngkɔ, nɔɔ manɛ tɔ̀ɔ́ zang ɓɔɔ zang ɓɔɔgn kɔɔ nɛɛ, wu tusu nɔɔ vuu ɓɔɔ kpang. Ka ruu ɓɔɔ Suru Laa tusu nɔɔ vuu piti ɓɛɛ. Vuu ɓɔɔ Suru Laa keɓe tusu, ɓi ɓɔɔ niizang ɓɛɛ, ɓi ɓɔɔ sèé kpang. Ka ruu nɔngkɔ, nɔɔ nwang nɛɛ Kirisi ka nyaa zɔɔ naa ɓɔɔ Suru Laa tusu nɔɔ ɓɛɛ.

Vuu ɓɔɔ zang nwangsɛ Yɔhana 3:18

Ka ruu nɔngkɔ, n kɔɔ nɔɔ, nɔɔ arɛ nɔ́ɔ hoo zɔ̃ng zinariya ɓɔɔ zang dɔɔ nɛɛ waa nɛɛ, tɔ̀ɔ, bii ɓiɓɛ wu turɛ wu nwang kaa tɔ̃ɔ ɓɛɛ, tɔ̀ɔ, nɔ́ɔ nwang kaa zang ying ɓɔɔ niizang ɓɛɛ. Nɔɔ ti arɛ nɔɔ hooro fɔ̃ɔrɔ puru nɔ́ɔ hãayi, tɔ̀ɔ, bii bɔ̃bɔ̃rɔ manɛ wu shing kaa tɔ̀ɔ́ yusɛ̃ɛ wu tuu nɔɔ kpang. Nɔɔ hoo gãnang ɓɔɔ zang tɛ̃̀ɛ́ nɔɔ ka jĩng ɓɛɛ, tɔ̀ɔ, nɔ́ɔ zi nɔng kati.