Zang Shonang Yeesɔ 10:45 - Nyaa Shɔɔ Ɓɔɔ Laa a Ɓɛɛ

⁴⁵ Zang Yahudi ɓɔɔ ri shing danggn ɓarɛ tɔ ɓɔɔ ri a nɛɛ Bituru nɛɛ gari Joopa, ri mã naa ka danggn, ka ɓɔɔ Laa a zang ɓɔɔ ri zang Isirela kpang Suru ɓiɓɛ jong ɓɛɛ.

Zang Shonang Yeesɔ 10:45 ပူးပေါင်းရင်းမြစ်များ

Zang Shonang Yeesɔ 10:23

Bituru ɓaa ri nyaa daa kaa nɛɛ ri ka yeti gãa. Ri roo kaa nɔngkɔ. Nɔng gãntɛ tɔ, a Bituru kpalɛ bii daa kaa nɛɛ ri. Zang ɓɔɔ ka teteng rɛɛ zang ɓɔɔ ri dũng Laa ka Joopa, ri daa kaa jong nɛɛ wu.

Zang Shonang Yeesɔ 11:2

Ɓɔɔ Bituru daa ka Urushalima zang ɓɔɔ ri tɔɔ zang yee zang ɓɔɔ ri zang Isirela kpang shaa ka gbongkarɛ, ri rangkɛ wu.

Zang Shonang Yeesɔ 11:3

Ri tɔɔ, “Mɔɔ daa zanti ka gãa zang ɓɔɔ ri zi Laa kpang, ɓɔɔ ri yee shaa kpang ɓɛɛ, mɔɔ ti shaa vuu shaanang nɛɛ ri, ka ruu viya?”

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

Galati 2:15

Niizang, zang yi ruu ɓuru zang Yahudi, ruu wu zang ɓɔɔ ri zang Yahudi kpang, ɓɔɔ ri palɛ ɓarɛ vuu shi kpang ɓɛɛ kpang.

Afisa 2:11

Ka ruu nɔngkɔ, danggn wu ning nɔɔ naa ɓɔɔ nɔɔ nwáng ka tĩng ɓɛɛ kpang. Nɔɔ ɓɔɔ zang yi nɔɔ manɛ zang Yahudi kpang, ɓɔɔ zang Yahudi ri ɓaa nɔɔ nɛɛ zang ɓɔɔ ri yee shaa ka takpang ɓɛɛ. A ri ɓaa yuu ɓarɛ nɛɛ zang ɓɔɔ ri yee shaa ɓarɛ katɔ ɓɛɛ. (Vuu ɓɔɔ shɔnzang ri palɛ ka bii zang nɛɛ naa ɓarɛ ɓɛɛ.)