Zang Shonang Yeesɔ 10:38 - Nyaa Shɔɔ Ɓɔɔ Laa a Ɓɛɛ

³⁸ Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 10:38 ပူးပေါင်းရင်းမြစ်များ

Matiyu 12:15

Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 12:28

A n nɛɛ nwangsɛ suru shi kpang nɛɛ Suru Laa, kpanti roonang Laa a bii manɛ tɔ.

Matiyu 9:19

A Yeesɔ seepaa, daa kaa nɛɛ wu nɛɛ zang ɓɔɔ ri mantɛ vuu ka bii ɓiɓɛ ɓɛɛ.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 6:6

Yeesɔ mã naa ka danggn, ka ruu ɓɔɔ, ri shing danggn ka bii ɓiɓɛ kpang ɓɛɛ. A daarɛ ka gari ɓɔɔgn daa tusu zang vuu kati.

Luka 3:22

a Suru Laa shooro kaa naa koro ka yuu ɓiɓɛ. A ri tãa yee nɛɛ lapa nɛɛ, “Mɔkɔ Jaa mɛɛ ɓɔɔ yeti mɛɛ kasɛ gbãng gbãng ɓɛɛ.”

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 9:42

Ɓɔɔ jaa a kana, suru shi kpang tuu wu loo ka tipi, a mã kati. Yeesɔ mangkɛ suru shi kpang, a suru shi kpang nwangnɛ, a sɔɔrɔ daa jaa, jaa ɓiɓɛ kati.

Luka 9:56

A sha kaa nɛɛ zang ɓɔɔ ri mantɛ vuu ka bii ɓiɓɛ, ri daa ka gari ɓɔɔgn.

Yɔhana 10:32

Yeesɔ kɔɔ ri tɔɔ, “N pálɛ́ vuu tɔ̃ɔ tɔ dɔɔli, ɓɔɔ Daa a m naa nɛɛ n palɛ ɓɛɛ. Nɔɔ luku m, ɓu ka ruu wi ka teteng ɓarɛ gbete wiya?”

Yɔhana 16:32

Diki a doo naa, diki bìí ti a tɔ, ɓɔɔ zang naa tantɛ nɔɔ nandon, zang ɓu daa gãa ɓiɓɛ ɓɛɛ. Nɔɔ naa yaa m ka bm gbete. N wu ka bm niizang kpang, ka ruu ɓɔɔ Daa kagn nɛɛ n ɓɛɛ.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Zang Shonang Yeesɔ 10:37

Nɔɔ tãa ruu kɔ baa tipi Yahudi ɓee tɔ, ɓɔɔ zang gaayu nɛɛ tipi Galili, kaa knti ɓɔɔ Yɔhana kɔɔ zang nɛɛ ri yaa vuu shi kpang ɓɔɔ ri palɛ ɓɛɛ.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Yahudi 1:9

Mɔɔ kasɛ ɓaa nɛɛ zang nwang zang tɔ̃ɔ ka tĩng Laa, mɔɔ bɛ̃ɛ shi kpang ɓaa katɔ. Ka ruu nɔngkɔ, nkɔ Laa, ɓɔɔ n Làá ɓaaɓɛ, n shing mɔɔ ka yuu rɛɛ sangvaa ɓaaɓɛ ka ɓɔɔ n nwàa mɔɔ nung, ɓɔɔ shing mɔɔ mɔ́ɔ tãa tĩnang ɓɛɛ.”

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

1 Yɔhana 2:20

Kirisi a nɔɔ Suru Laa manɛ tɔ. Nɔɔ ti zi ruu ɓɔɔ niizang manɛ tɔ nandon.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.