Zang Shonang Yeesɔ 10:36 - Nyaa Shɔɔ Ɓɔɔ Laa a Ɓɛɛ

³⁶ Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 10:36 ပူးပေါင်းရင်းမြစ်များ

Matiyu 10:6

Nɔɔ daa ka bii zang Isirela ɓɔɔ ri ning gbalang katɔ kɔ shɛ̃ɛning.

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Zang Shonang Yeesɔ 10:37

Nɔɔ tãa ruu kɔ baa tipi Yahudi ɓee tɔ, ɓɔɔ zang gaayu nɛɛ tipi Galili, kaa knti ɓɔɔ Yɔhana kɔɔ zang nɛɛ ri yaa vuu shi kpang ɓɔɔ ri palɛ ɓɛɛ.

Zang Shonang Yeesɔ 11:19

Zang ɓɔɔ ri tántɛ́, ka ruu jĩng ɓɔɔ zang dang zang ka knti ɓɔɔ Istifanu vɔ tɔ ɓɛɛ, ri daarɛ beebang ka tipi Fonishiya nɛɛ tipi Kuburu, nɛɛ gari Antakiya. Ri kɔɔ zang ɓɔɔ Ruu Laa kpang, ri kɔ̀ɔrɔ́ zang Yahudi kɔ shɛ̃ɛning.

Zang Shonang Yeesɔ 13:32

“Ruu atɛ nɔɔ ruu tɔ̃ɔ, ruu kɔɔ nɔɔ nɛɛ, nyaa ɓɔɔ Laa a rɛɛ dabang ɓuru,

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Rooma 14:9

Ka ruu vuu keɓe kɔ, Kirisi vɔrɛ, a Laa wisi wu paa ningkãari tɔkn, tɔ̀ɔ, wu nwàng kaa Kpanti zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

1 Koranti 15:27

Nwáng kaa naa ɓɔɔ zang bèe ka yeti labeenang Laa nɛɛ, Laa “Shing Jaa ɓiɓɛ tɔ, wu naa vuu piti nɛɛ doo ɓiɓɛ.” Ɓɔɔ zang bee naa weɓe ruu zi tɔ vuu piti naa ɓaa shoo ɓi kaa nyaa Yeesɔ kɔ. Nwàng wu naa ɓɔɔ Laa naa sɔɔrɔ yuu ɓiɓɛ ka dii ka tĩng Yeesɔ kpang, ka ruu ɓɔɔ, Laa kɔ shing vuu kaɓa ri sɔɔrɔ yuu ɓarɛ ka dii ka tĩng Yeesɔ ɓɛɛ.

1 Koranti 15:47

Laa mãa Adamu ɓɔɔ tĩng shɔɔnang ɓi nɛɛ tapuru ɓɔɔ ka tipi ɓɛɛ. Adamu ɓɔɔ ɓang wu, a ɓi nɛɛ lapa.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

Kolosi 1:20

A Laa kasɛ tɔ, nɛɛ wu sɔɔrɔ koo piti ka bii ɓiɓɛ nɛɛ bii Jaa. Zĩi Jaa ɓɔɔ tɛ̃ɛ ka yuu laa kɔ shingnɛ Laa nwang kaa nyaa zɔɔ nɛɛ shɔnzang, a sɔɔrɔ vuu piti ka bii ɓiɓɛ. Vuu ɓɔɔ ka lapa nɛɛ tipi ɓɛɛ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 19:16

Ka fɔ̃ɔrɔ ɓiɓɛ, nɛɛ doo sãng ɓiɓɛ, zang bee nung ɓiɓɛ kagn nɛɛ, “Kpanti ɓɔɔ ka yuu rɛɛ kpanti nandon ɓɛɛ, kpanti roonang ɓiɓɛ ɓa ɓɔɔ kpanti piti.”