Zang Shonang Yeesɔ 10:34 - Nyaa Shɔɔ Ɓɔɔ Laa a Ɓɛɛ

³⁴ A Bituru gaa tɔɔsung yee rannang kati tɔɔ, “Niizang, n zi tɔ kati nɛɛ Laa shɛ̃ɛrɛ zang ɓi kpang.

Zang Shonang Yeesɔ 10:34 ပူးပေါင်းရင်းမြစ်များ

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Matiyu 5:2

A gaa ri yuu vuu tusunang kati, tɔɔ,

Luka 20:21

A zang keɓe ri hɛ̃ɛ wu nɛɛ “Maalang, ruu zi tɔ vuu ɓɔɔ mɔɔ kɔɔyi, nɛɛ vuu ɓɔɔ mɔɔ tusu piti tɔ̃ɔ. Mɔɔ shɛ̃ɛrɛ zang ɓaa kpang. Mɔɔ túsù Ruu Laa ɓaa tɔ̃ɔ tɔ̃ɔ.

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 15:9

Basɛ teteng ɓarɛ nɛɛ ruu kpang. Yàa ri gbalang vuu shi kpang ɓarɛ, ka ruu ɓɔɔ, ri shing danggn ka bii ɓiɓɛ ɓɛɛ.

Zang Shonang Yeesɔ 8:35

A Filibu puu nyaa, gaayu nɛɛ ruu zang nyaa shonang Laa keɓe ɓɔɔ yɔɔ gã ɓɛɛ, a kɔɔ yɔɔ Ruu Tɔ̃ɔ Kpanti Laa kati ka yuu Yeesɔ.

Rooma 2:11

Ka ruu ɓɔɔ, Laa jɛ̃ɛ zang ruu ɓi jong gn dang gbete kpang ɓɛɛ.

Rooma 3:29

Laa ɓi Laa zang Yahudi kɔ shɛ̃ɛning ya? Ɓi doo Làá zang ɓɔɔ ri zang Yahudi kpang kɔ doori kpang ya? Ɓi doo Laa ɓarɛ kɔ.

Galati 2:6

A zang ɓɔɔ zang tɔɔ ri ɓarɛ zang bang ɓɛɛ (ruu mɛɛ hãa kagn nɛɛ naa ɓɔɔ ɓeleng ri nwang ka tĩng ɓɛɛ kpang. Laa palɛ vuu ɓi jong gn dang gbete kpang). Rɛɛ zang bang kaɓa ri kɔ̀ɔ m vuu ɓɔɔ kagn shɔɔ kpang.

Afisa 6:9

Dabang gãa, nɔɔ nwang doo nɔngkɔ nɛɛ jaafoo manɛ. Nɔ́ɔ kɔɔ ri vuu ɓɔɔ hing ri bii manɛ anang kpang. Danggn wu ning nɔɔ kpang, dabang gãa manɛ ɓɔɔ wukɔ ti ɓɔɔ ɓarɛ ɓi gbete ka lapa. Zang ɓɔɔ jɛ̃̀ɛ ruu ɓi jong gn dang gbete kpang ɓɛɛ.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

Kolosi 3:25

A zang ɓɔɔ pálɛ̀ ɓi vuu shi kpang, naa zang keɓe doo wiya, zang naa pàlɛ́ wu vuu ɓi dòo ka dóo vuu shi kpang ɓɔɔ wu pálɛ̀ ɓɛɛ kɔ. Ka ruu ɓɔɔ, Laa palɛ vuu ɓi jong gn dang gbete kpang ɓɛɛ.

Yakubu 2:1

Manzung, nɔ́ɔ palɛ vuu dang gbete kpang. Ka ruu ɓɔɔ, nɔɔ shing danggn tɔ ka bii kpanti Yeesɔ Kirisi ɓɔɔ zang a wukɔ bannang ɓa zang piti ɓɛɛ.

Yakubu 2:4

Nɔɔ nɛɛ palɛ tɔ naa weɓe, nɔɔ palɛ vuu gn dang gbete. Nɔɔ jɛ̃̀ɛ zang ruu tɔ shi kpang.

Yakubu 2:9

Nɔɔ nɛɛ pálɛ̀ vuu gn dang gbete, nɔɔ palɛ vuu shi kpang tɔ. Nɔɔ ti palɛ vuu shi kpang tɔ, ka ruu ɓɔɔ nɔɔ ta nyaa dannang Laa katɔ ɓɛɛ.

1 Bituru 1:17

Nɔɔ nɛɛ gàá Laa, nɔɔ ɓáa wu nɛɛ, “Daa” nɛɛ nɔngkɔ, nɔɔ kaa vɔrɔ ɓiɓɛ ka nwannang tɔ̃ɔ manɛ ka vuu piti ɓɔɔ nɔɔ palɛ, ka wee nɔɔ nwang zanti ka koo keɓe ɓee. Ka ruu ɓɔɔ, Laa ɓɔɔ wukɔ Daa manɛ, dɔ̀ng zang ruu ɓi gn dang gbete kpang, ka naa ɓɔɔ wu palɛ vuu ɓiɓɛ ɓɛɛ.