Zang Shonang Yeesɔ 10:22 - Nyaa Shɔɔ Ɓɔɔ Laa a Ɓɛɛ

²² Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 10:22 ပူးပေါင်းရင်းမြစ်များ

Matiyu 1:19

Ɓeevɛ Yusufu ɓi zang tɔ̃ɔ, zi tɔ nɛɛ wu gee Marayamu takpang. Kasɛ nɛɛ wu palɛ wu vuu yusɛ̃ɛ kpang, ka ruu nɔngkɔ, nɛɛ wu bɛ̃ɛ wu kaa nɛɛ nwĩiri.

Matiyu 2:12

a ri sɔɔ gbalang ɓɔɔgn, ri daa gãa ɓarɛ kati, ka ruu ɓɔɔ, Kpanti Laa shaarɛ ri nyaa ka yeti rɔ̃kɔnang, nɛɛ ri sɔ̀ɔ bii kpanti Hiridu takpang ɓɛɛ.

Maraku 6:20

Ka ruu ɓɔɔ, Hiridu kaa vɔrɔ Yɔhana katɔ, ti zi tɔ nɛɛ Yɔhana ɓi zang tɔ̃ɔ ɓɔɔ palɛ vuu ɓɔɔ daa bii katɔ ɓɛɛ. Ka ruu nɔngkɔ Hiridu yiti Yɔhana tɔ̃ɔ tɔ̃ɔ, kasɛ nɛɛ vuu ɓɔɔ wu lee Yɔhana naa ka bii kpang. Hiridu ɓaa shoo katɔ ka nyaa Yɔhana tɔ̃ɔ tɔ̃ɔ, a yèé Yɔhana kpãa wu ka yeti dɔɔli.

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Luka 23:50

Zang ɓɔɔgn zang ɓaa wu nɛɛ Yusufu, yɔɔ gari zang Yahudi ɓɔɔ zang ɓaa nɛɛ Arimataya ɓɛɛ. Kagn teteng zang bang ɓɔɔ ri kpalɛ zɔɔ nɛɛ ri jɛ̃ɛ Yeesɔ ruu ɓɛɛ. A ɓi kaa zang ɓɔɔ zang a wu bannang dɔɔli ɓɛɛ.

Luka 9:26

Zang ɓɔɔ tuuru yusɛ̃ɛ mɛɛ, nɛɛ ɓɔɔ yee mɛɛ, Jaa Shɔnzang naa tuuru yusɛ̃ɛ ɓiɓɛ ɓi doo nɔngkɔ, ka diki ɓɔɔ wu a ka naa bannang ɓiɓɛ, nɛɛ ɓɔ̀ɔ́ Daa ɓiɓɛ, nɛɛ ɓɔ̀ɔ́ zang nyaa shonang Laa ɓɔɔ ka lapa ɓɛɛ.

Yɔhana 13:20

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ ta zang ɓɔɔ n shong ɓɛɛ, ta m tɔ jong. Zang ɓɔɔ nɛɛ ti ta m, ta ɓi zang ɓɔɔ shong m ɓɛɛ.”

Yɔhana 17:20

“N gàá mɔɔ ka ruu ɓarɛ kɔ shɛ̃ɛning kpang. N gàá mɔɔ jong ka ruu zang ɓɔɔ ri naa shing danggn ka bii mɛɛ, ka ruu ruu ɓɔɔ ri naa tãa ka nyaa ɓarɛ ɓɛɛ.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:63

Ɓi Suru Laa a zang suru bii ɓiri, bii shɔnzang zunung vuu ɓɔɔ palɛnang ɓi kpang. Ruu ɓɔɔ n kɔɔrɔ nɔɔ ɓɛɛ, ɓi ka yuu Suru ɓɔɔ a zang suru bii ɓɛɛ.

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 10:21

A Bituru shooro nɛɛ gãa lapa daa kɔɔ ri tɔɔ, “Nkɔ zang ɓɔɔ nɔɔ kãa wu ɓɛɛ. Nɔɔ à ka ruu viya?”

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 10:6

Nwàng zanti ka gãa Siman yɔɔ ɓɔɔ zaa koo vuu ɓɛɛ. Roo gãa ka nyaa waapo naabm.”

Zang Shonang Yeesɔ 11:14

Naa kɔ̀ɔ́ mɔɔ ruu ɓɔɔ ta yuu ɓaaɓɛ nɛɛ zang ɓɔɔ ri ka yeti gãa ɓaaɓɛ nandon.’

Zang Shonang Yeesɔ 22:12

“Yɔɔ ɓɔɔ kagn ka gari Damasiku zang ɓaa wu nɛɛ Hananiya. Dṹng nyaa ɓɔɔ Laa dang ɓɛɛ gbãng gbãng, zang Yahudi ɓɔɔ ka gari kaɓa, ri rang ruu ɓiɓɛ tɔ̃ɔ.

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 6:3

Ka ruu nɔngkɔ, rɛɛ manzung, nɔɔ shɛ̃ɛrɛ zang manziti ka teteng manɛ ɓɔɔ nɔɔ zi tɔ Suru Laa kagn bii ɓarɛ, a ri ti zũng dɔɔli ɓɛɛ. Rúu shing rikɔ ri gãng jĩng ka vuu shaanang basɛnang.

Rooma 1:17

Ka ruu ɓɔɔ, Ruu Tɔ̃ɔ Laa kɔ tusu zang naa ɓɔɔ Laa shingnɛ, zang wu nwang zang tɔ̃ɔ ka tĩng ɓiɓɛ ɓɛɛ. Nwannang tɔ̃ɔ ɓɔɔ gaayu nɛɛ danggn shinnang, wu waa nyaa nɛɛ mani ɓɛɛ. Naa ɓɔɔ Labeenang Laa kɔɔ ɓɛɛ nɛɛ, “Zang ɓɔɔ ɓi zang tɔ̃ɔ ka tĩng Laa, ka ruu danggn ɓɔɔ wu shing ka bii Laa ɓɛɛ, wukɔ walɛ suru bii.”

2 Koranti 5:18

Ɓi Laa ɓɔɔ risi ruu, ɓɔɔ ruu shing jĩng nɛɛ wu kpang, ruu nwang wusang ɓiɓɛ kɔ, palɛ vuu keɓe nɛ bii Kirisi. A á ruu shonang nɛɛ ruu risi zang ɓɔɔ ta wu, ri nwang wusang ɓiɓɛ.

1 Timoti 3:7

Wu ti nwang zang ɓɔɔ, zang ɓɔɔ ri dũ̀ng Laa kpang, ri seng wu katɔ ɓɛɛ. Ka ruu ɓɔɔ nɛ̀ɛ́ nwáng vuu dãanang ka nɔng zang, nɛ̀ɛ́ ti watɛ ka yeti jàng ɓɔɔ shɛ̃ɛtang làng ɓɛɛ.

Yahudi 10:38

A zang tɔ̃ɔ mɛɛ, nwang ningkãari ɓi nɛɛ danggn ɓɔɔ wu shing ɓɛɛ. Naa gɔ̃ bii nɛɛ knti, n tãa tĩnang ɓiɓɛ kpang.”

Yahudi 11:2

Laa kɔɔ ruu tɔ̃ɔ ka yuu rɛɛ dabang dabang ɓuru, ka ruu danggn ɓɔɔ ri shing ɓɛɛ kɔ.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.

3 Yɔhana 1:12

Zang piti ri kɔɔ ruu tɔ̃ɔ ka yuu Dimitiriyu. Vuu ɓɔɔ Dimitiriyu pálɛ̀, wukɔ tusu zang nɛɛ wu zang tɔ̃ɔ niizang. Ruu ti kɔɔ ruu tɔ̃ɔ ɓiɓɛ doo nɔngkɔ. Mɔɔ ti zi tɔ, nɛɛ n suu sèé kpang.

Vuu ɓɔɔ zang nwangsɛ Yɔhana 14:10

Gnvɔ naa shaa Laa nɛɛ wu. Gnvɔ kaɓa, ɓi naa sàa ɓɔɔ la katɔ, zang tɛ̃ɛ mii kagn kpang ɓɛɛ. A zang naa dang wu jĩng nɛɛ waa ɓɔɔ nwãa dɔɔli, nɛɛ mii takong, ka tĩng rɛɛ zang nyaa shonang Laa ɓɔɔ ri ka lapa ɓɛɛ nɛɛ tĩng Jaa Mɛ̀ɛrɛ́.