Zang Shonang Yeesɔ 1:13 - Nyaa Shɔɔ Ɓɔɔ Laa a Ɓɛɛ

¹³ Ri shɛ̃ɛ yeti gari tɔ, ri daa ka gãa lapa ɓɔɔ bɛ̀ɛ́ ri nwáng kagn ɓɛɛ. Zang keɓe rikɔ rɛɛ, Bituru, nɛɛ Yɔhana, nɛɛ Yakub, a ɓɔɔ Anduru, nɛɛ Filibu, nɛɛ Tooma, nɛɛ Batolomi, nɛɛ Matiyu, nɛɛ Yakub jaa Alifaya, a ɓɔɔ Siman ɓɔɔ kasɛ nɛɛ tipi ɓarɛ wu gbãayu nɛɛ knti kpang, nɛɛ Yahuda jaa Yakub.

Zang Shonang Yeesɔ 1:13 ပူးပေါင်းရင်းမြစ်များ

Matiyu 9:9

Yeesɔ seepaa tɔ, daa kana gbalang, a zi yɔɔ ɓɔɔ zang ɓaa nɛɛ Matiyu nwang tɔ ki yeti jaka saka tipi tanang. A Yeesɔ ɓaa wu nyaa, kɔɔ wu tɔɔ, “Dũng m ta.” A Matiyu seepaa dũng Yeesɔ Kati.

Maraku 14:15

Tusu nɔɔ ka gãa lapa ɓɔɔ bang, ɓɔɔ zang shĩili laa nwannang tɔ kagn tɔ̃ɔ tɔ̃ɔ nɛɛ vuu piti ɓɔɔ ruu kasɛ ɓɛɛ ditɔ. Nɔɔ shĩili ruu vuu shaanang nyaalaa ka nɔngkɔ.”

Maraku 14:33

A daa nɛɛ rɛɛ Bituru nɛɛ Yakub nɛɛ Yɔhana ning. Ɓɔɔ ri daa kana gbalang, a gaa tɔɔsung yeti lasɛnang kaa nɛɛ rɛ̃rɛnang ning.

Maraku 2:14

Yeesɔ rakɛ kana nyaa mii waapo, a zi yɔɔ ɓɔɔ ta saka tipi, ɓɔɔ zang ɓaa wu nɛɛ Leevi jaa Alifaya nwang tɔ ka yeti gãa saka tipi tanang. A Yeesɔ ɓaa wu nyaa, a kɔɔ wu tɔɔ, “Dũng m ta.” A Leevi seepaa dũng wu kati.

Maraku 5:37

Yeesɔ kɔɔ zang dɔɔli ɓɔɔ ri dũng wu nɛɛ ri shii ka nɔngkɔ. A ɓaa nyaa ka rɛɛ Bituru, nɛɛ Yakubu nɛɛ Yɔhana jaa naa Yakub kɔ shɛ̃ɛning daa nɛɛ ri.

Maraku 9:2

Diki mangbete naa ɓa tɔ, Yeesɔ see rɛɛ Bituru nɛɛ Yakub, a ɓɔɔ Yɔhana kɔ shɛ̃ɛning daa nɛɛ ri ka kɔpɔ ɓɔɔ bee dɔɔli ɓɛɛ. A bii Yeesɔ risi kaa náa ɓɔɔgn ka jĩng ɓarɛ.

Luka 22:12

Tusu nɔɔ naa ka jaka ka gãa lapa, shĩili vuu tɔ ka nɔng piti. Nɔɔ shĩili vuu shaanang bìí ka nɔngkɔ.”

Yɔhana 11:16

A Tooma, ɓɔɔ zang ɓaa wu nɛɛ jaa bãnang ɓɛɛ, kɔɔ rɛɛ zang ɓɔɔ wu mantɛ vuu nɛɛ ri ka bii Yeesɔ ɓɛɛ tɔɔ, “Ruu dita, ruu daa vɔ nɔɔ nɛɛ wu.”

Yɔhana 14:22

Yahuda, wu ɓɔɔ zang ɓaa wu nɛɛ Isikariyoti ɓɛɛ kpang, kɔɔ wu tɔɔ, “Kpanti, ka ruu vi mɔɔ nwàngsɛ́ rukɔ bii shɛ̃ɛning, mɔɔ nwangsɛ zang koo piti kpang viya?”

Yɔhana 18:17

A jaa zang soro ɓɔɔ gã nyaa gãa, hɛ̃ɛ Bituru tɔɔ, “Mɔɔ wu dòo zang ɓɔɔ ri mantɛ vuu ka bii yɔɔ kaɓa kɔ kpang ya?” Bituru kasɛ wu nyaa tɔɔ, “Kpang, n m zang ɓiɓɛ kpang.”

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.

Zang Shonang Yeesɔ 12:17

Kɔɔ ri nɛɛ naa, nɛɛ ri vɔ̃ nyaa. A kɔɔ ri naa ɓɔɔ Laa nwangsɛ wu nɛɛ sãa kati. Kɔɔ ri tɔɔ, “Nɔɔ kɔɔ Yakub nɛɛ rɛɛ manzung ɓɔɔ nimbang ruu keɓe.” A yaa ri, daa ɓi kaa nɔng ɓɔɔgn.

Zang Shonang Yeesɔ 15:13

Ri hangsɛ yee ranang tɔ, a Yakub rang yee kati tɔɔ, “Nɔɔ ɓaa shoo karɛ rɛɛ manzung.

Zang Shonang Yeesɔ 2:14

A Bituru seepaa nɛɛ zang shonang ri kopi tu gbete, a rang zang ɓɔɔ ri kpalɛ zɔɔ yee tɔɔ, “Manzung zang Yahudi, nɛɛ zang ɓɔɔ ri nwang ka Urushalima nandon, nɔɔ ɓaa shoo n kɔɔ nɔɔ dĩiri vuu keɓe.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 20:8

Waa zàáng sɔɔ kagn dɔɔli ka yeti gãa lapa ɓɔɔ ruu nwang kagn ɓɛɛ.

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 4:19

Bituru nɛɛ Yɔhana kasɛ ri nyaa tɔɔ, “Nɔɔ sée karɛ ka yeti manɛ nɔɔ zirɛ, wi tɔ̃ɔ ka tĩng Laa wiya? Naa rùu ɓaa shoo ka nyaa manɛ ya, kɔ ruu ɓaa shoo ka nyaa Laa?

1 Koranti 15:7

Diki ɓɔɔ kagn tusu Yakub yuu ɓiɓɛ. Nɛɛ knti, naa tùsù zang shonang ɓiɓɛ nandon yuu ɓiɓɛ jong.

Galati 1:19

N zi zang ɓɔɔ ka teteng rɛɛ zang shonang Yeesɔ kpang. N zi Yakub jaa nàá Kpanti ɓuru kɔ shɛ̃ɛning.

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

2 Yɔhana 1:1

Jaa soro ɓɔɔ Laa zɔ̃̀ng katɔ ɓɛɛ, nɛɛ wujɛ ɓaaɓɛ ɓɔɔ n kasɛ ruu manɛ katɔ dɔɔli ɓɛɛ. Nkɔ zang bang, nkɔ bèé nɔɔ labeenang keɓe. Wu nkɔ kasɛ ruu manɛ gbete kpang, zang ɓɔɔ ri zi ruu niizang katɔ, ri kasɛ nɔɔ dòo katɔ kɔ.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.