2 Timoti 4:21 - Nyaa Shɔɔ Ɓɔɔ Laa a Ɓɛɛ

²¹ Kãa gbalang mɔɔ arɛ bɛ̀ɛ́ pũngku kpaa gn kpang. Yubulu, nɛɛ Pudin, nɛɛ Linu, nɛɛ Kalawudiya, ri jee mɔɔ nyaa. Manzung ɓuru, ɓɔɔ ri dũng dòo Laa kɔ ka nihn, ri jee mɔɔ nyaa jong.

2 Timoti 4:21 ပူးပေါင်းရင်းမြစ်များ

Luka 12:58

Zang nɛɛ ɓàa mɔɔ nyaavaa, zang nɛɛ daa nɛɛ mɔɔ ka nɔng ruu jɛ̃ɛnang. Kãa gbalang naa ɓɔɔ nɔɔ mã zɔɔ naa nɛɛ zang ɓɔɔ ɓàa mɔɔ nyaavaa ɓɛɛ ka gbalang. Ka ruu ɓɔɔ nɛ̀ɛ́ daa nɛɛ mɔɔ ka nɔng zang ɓɔɔ jɛ̃ɛ ruu ɓɛɛ. Zang ɓɔɔ jɛ̃ɛ ruu daa tuu mɔɔ a zang shonang ɓiɓɛ, tɔ̀ɔ, ri daa loo mɔɔ ka sãa ɓɛɛ.

1 Koranti 16:20

Zang ɓɔɔ ri dũng Laa ka nihn nandon, ri jee nɔɔ nyaa. Nɔ́ɔ ti jée zɔɔ nyaa jong nɔɔ kɔ̃ng zɔɔ katɔ ka ruu nung Laa.

2 Koranti 13:13

Zang ɓɔɔ ri dũng Laa ka nihn nandon, ri jee nɔɔ nyaa.

Filipi 4:22

Zang Laa ɓɔɔ ri ka nihn nandon ri jee nɔɔ nyaa. Zang ɓɔɔ ri nwang ka yeti gãa kpanti Kayisa kɔ ri jee nɔɔ nyaa gbãng gbãng.

2 Timoti 1:4

N nɛɛ kpaa danggn miiri ɓɔɔ mɔɔ tɛ̃ɛ tɔ, n kasɛ n zi jĩng ɓaaɓɛ, tɔ̀ɔ, n tãa tĩnang kaa gbãng gbãng.

2 Timoti 4:13

Mɔɔ nɛɛ a kaa tɔ, mɔɔ atɛ m fɔ̃ɔrɔ ɓɔɔ n hãa nɛɛ biling, ɓɔɔ n yaa ka nɔng Kaapu ka gari Torowasa ɓɛɛ ka naa ning. Mɔɔ ti atɛ rɛɛ labeenang kiɓi ka naa jong. Labeenang ɓɔɔ n shing danggn gbãng gbãng ɓɔɔ zang palɛ nɛɛ koo vuu ɓɛɛ.

2 Timoti 4:9

Kãa gbalang mɔɔ a ka bii mɛɛ pati,

Titu 3:12

N nɛ́ɛ shong Aratima kpang, n shong Tikiku ditɔ ka bii ɓaaɓɛ. Nɛɛ a tɔ, mɔɔ palɛ pati mɔɔ a ka bii mɛɛ ka gari Nikopoli. Ka ruu ɓɔɔ, n tɔɔ, laa pũngku keɓe n nwang lɛ̀ɛ́ ka nɔngkɔ ɓɛɛ.

2 Yɔhana 1:13

Wujɛ jaa nàáɓɛ ɓɔɔ Laa zɔ̃ng ri katɔ, ri jee mɔɔ nyaa.

3 Yɔhana 1:14

ka ruu ɓɔɔ n kasɛ anang katɔ bii manɛ pati ɓɛɛ. Tɔ̀ɔ, ruu naa kɔ̀ɔ zɔɔ kaa nɛɛ nyaa.