2 Timoti 4:2 - Nyaa Shɔɔ Ɓɔɔ Laa a Ɓɛɛ

² Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

2 Timoti 4:2 ပူးပေါင်းရင်းမြစ်များ

Luka 7:23

Tĩnang tãanang ɓi ɓɔɔ zang ɓɔɔ ri yaa danggn naa ka ruu vuu ɓɔɔ n palɛ kpang ɓɛɛ.”

Luka 7:4

A zang bang bang zang Yahudi naa a ka bii Yeesɔ. A ri bakɛ wu gbãng gbãng, ri kɔɔ wu tɔɔ, “Yɔɔ keɓe daa naa ɓɔɔ mɔɔ pàlɛ́ wu vuu keɓe tɔ.

Luka 9:60

A Yeesɔ kɔɔ wu tɔɔ, “Dũng m ɓaaɓɛ. Yaa zang ɓɔɔ ri walɛ suru bii ɓɔɔ waa nyaa kpang gn kpang ri gbãa zɔɔ ka naa ɓarɛ. Daa ɓaari mɔɔ daa kɔɔrɔ zang Ruu Tɔ̃̀ɔ́ Kpanti roonang Laa.”

Zang Shonang Yeesɔ 13:5

Ri a tɔ ka Salami, a ri kɔɔrɔ zang Ruu Laa ka gãa zɔɔ kpalɛnang. Yɔhana ɓɔɔ zang ɓaa wu nɛɛ Maraku nɛɛ ri ning, yì ri naa ka shonang.

Zang Shonang Yeesɔ 16:13

Ka Diki Ɔ̃sɔnang ruu nwang ka nyaa gari biling, ruu daa ka nyaa rang. Ruu tɔɔ naa ruu wàlɛ́ nɔng Laa gaanang katɔ ka nɔng. Ruu nwang ka nɔngkɔ, ruu ràng rɛɛ zang soro ɓɔɔ ri kpálɛ́, yee Laa.

Zang Shonang Yeesɔ 20:7

Ka Diki Ɔ̃sɔnang nɛɛ laarang, ruu kpalɛ zɔɔ ruu tɔɔ ruu shaa borodi, a Bulu rang zang ɓɔɔ ri kpalɛ ɓɛɛ yee, ka ruu ɓɔɔ tɔɔ nɔng nɛɛ gãntɛ tɔ, wu daa kaa tɔ ɓɛɛ. Rang ri yee sasak gãmbang zĩi a nɛɛ mani.

Zang Shonang Yeesɔ 28:16

Ɓɔɔ ruu shɛ̃ɛ Rooma, zang yáa Bulu nɛɛ wu nwang ɓi ka bm nɛɛ sɔɔja ɓɔɔ gã wu ɓɛɛ.

Rooma 10:15

A zang ɓɔɔ yuu paa biya wu daa kɔɔ zang Ruu Laa, zang nɛɛ shong wu katɔ kpang ɓɛɛ viya? Labeenang Laa kɔɔyi tɔɔ, “Zang ɓɔɔ ri à Ruu Tɔ̃ɔ kɔɔnang, doo ɓarɛ shili dɔɔli.”

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

Galati 6:6

Zang ɓɔɔ zang kpɛ̃̀ɛrɛ́ wu ruu gbalang Laa dũnnang, wu basɛ vuu tɔ̃ɔ ɓɔɔ ka naa ɓiɓɛ nɛɛ zang ɓɔɔ kpɛ̃ɛrɛ wu ɓɛɛ.

Kolosi 1:25

A Laa shing m n nwàng zang shonang zang ɓɔɔ ri dũng wu ɓɛɛ. A m shonang keɓe n pálɛ́, tɔ̀ɔ, wu nwàng nɔɔ tɔ̃ɔ kati. Shonang keɓe ɓi ɓɔɔ n kɔɔrɔ zang ruu ɓiɓɛ nyaa kiiri ɓɛɛ.

Kolosi 4:3

Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

1 Tesalonika 5:20

Nɔ́ɔ bɛ̃ɛ ruu ɓɔɔ a nɛɛ bii zang nyaa shonang Laa ɓɛɛ kpang.

1 Timoti 4:13

A yuu ɓaaɓɛ ka nɔng ɓɔɔ mɔɔ kpalɛ zang yuu, mɔɔ gã ri labeenang Laa ɓɛɛ, mɔɔ kɔ̀ɔrɔ̀ zang Ruu Laa, mɔɔ ti tusu zang ɓɔɔ ri dũng Laa vuu. N a nɛɛ mani.

1 Timoti 5:20

Zang ɓɔɔ ri nɛɛ palɛ vuu shi kpang, mangkɛ ri ka jĩng zang piti. Tɔ̀ɔ, zang nimbang ri kaa vɔrɔ kati.

2 Timoti 2:21

Zang ɓɔɔ nɛɛ palɛ rɛɛ vuu shi kpang keɓe kpang nandon, nwang ɓi naa juwa Zinariya ɓɔɔ zang shaa vuu shaanang kagn ka lee mung ɓɛɛ. Juwa keɓe, shi zang ɓiɓɛ ka jĩng dɔɔli. Zang ɓiɓɛ palɛ shonang tɔ̃ɔ piti nɛɛ mani katɔ.

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

2 Timoti 3:10

Ɓɔɔ ɓaaɓɛ, mɔ̀ɔ dũng vuu ɓɔɔ n tusu ɓɛɛ tɔ, mɔɔ zi nwannang mɛɛ tɔ, a mɔɔ ti zi vuu ɓɔɔ n shing jĩng mɛɛ kagn tɔ. Mɔɔ zi danggn ɓɔɔ n shing ka bii Laa tɔ, nɛɛ danggn ɓɔɔ n mã nɛɛ zang, nɛɛ naa ɓɔɔ n kasɛ zang ɓɛɛ a ɓɔɔ danggn ɓɔɔ n mã ka jĩng dannang ɓɛɛ.

Titu 1:13

Ruu kɔ yɔɔ kɔ̀ɔ ɓee, niizang kɔ nwani. Ka ruu nɔngkɔ, mangkɛ ri nabm, tɔ̀ɔ ri nwang zang ɓɔɔ ri shing danggn gbãng gbãng ɓɛɛ.

Titu 2:15

Tusu zang vuu keɓe. Pálɛ́ shonang nɛɛ naa vuu palɛnang ɓaaɓɛ nandon, mɔ́ɔ mã̀ zang ɓaaɓɛ danggn. Mɔɔ ti mangkɛ ri. Mɔɔ yaa zang ɓɔɔ wu risi mɔɔ naa vĩi kpang.

Yahudi 13:22

Rɛɛ manzung, n gaa nɔɔ, nɔ́ɔ mã danggn nɛɛ rúu kɔ n mã nɔɔ danggn nɛɛ mani ɓee. Vuu kɔ n bee nɔɔ ɓee, ɓi dɔɔli kpang.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.