2 Timoti 4:10 - Nyaa Shɔɔ Ɓɔɔ Laa a Ɓɛɛ

¹⁰ ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

2 Timoti 4:10 ပူးပေါင်းရင်းမြစ်များ

Matiyu 12:32

Zang ɓɔɔ nɛɛ ti rang yee shi kpang ka yuu Jaa Shɔnzang, Laa yaa wu gbalang ɓi katɔ. Naa zang ɓɔɔ rang yee shi kpang ka yuu Suru Laa, Laa yaa wu gbalang ka koo keɓe nɛɛ koo ɓɔɔ naa a ka tĩng ɓɛɛ kpang.

Matiyu 26:56

Vuu kɔ zang palɛ ɓée, ɓee ɓi kaa nyaa vuu ɓɔɔ rɛɛ zang nyaa shonang Laa ri bèe ka yeti labeenang Laa ka tĩng tɛ̃ɛ tɛ̃ɛ ɓɛɛ.” A zang ɓɔɔ ri mantɛ vuu ka bii ɓiɓɛ, ri yuku nandon ri yaa wu.

Luka 14:33

Dũnnang mɛɛ, nwang ɓi doo nɔngkɔ. Zang ɓɔɔ nɛɛ yaa vuu ɓiɓɛ piti kpang, zunung ɓɔɔ wu nwáng zang ɓɔɔ dũng m kpang.

Luka 16:13

“Zang shonang ɓɔɔgn shǒng zang gãa ziti kpang. Kàsɛ́ ruu zang gbete, wu yaa ɓɔɔ gbete. Wu ti shing jĩng ka ɓɔɔ gbete, wu yaa ɓɔɔ gbete. Zang ɓakɛ Laa dũnnang ɓi nɛɛ vuu koo keɓe kãanang kpang.”

Luka 17:32

Nɔɔ kpaa danggn soro Lootu karɛ.

Zang Shonang Yeesɔ 13:13

Bulu nɛɛ zang ɓɔɔ ri nɛɛ wu ɓɛɛ, ri vang tonsi nɛɛ Paafo, ri a ka Paaga ɓɔɔ ka tipi Pamfiliya ɓɛɛ. A Yɔhana yaa ri, gbãayu daa Urushalima.

Zang Shonang Yeesɔ 15:38

Bulu zi naa ɓɔɔ ri dàá nɛɛ zang ɓɔɔ gbãayu ka Pamfiliya, yaa ri daa nɛɛ ri ka nɔng shonang kpang kpàng.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 17:1

Bulu nɛɛ Siila ri sɔɔ nɛɛ rɛɛ gari Amfipoli nɛɛ Apoloniya, ri a ka Tesalonika, nɔng ɓɔɔ gãa zɔɔ kpalɛnang zang Yahudi kagn ɓɛɛ.

Zang Shonang Yeesɔ 17:11

Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 18:23

Nwang tɔ ka nɔngkɔ, diki bee tɔ tɔkɔlɔng a yaa nɔng kaɓa, daa ka rɛɛ tipi Galati nɛɛ tipi Fijiya, dàa mã rɛɛ zang ɓɔɔ ri dũng Laa danggn.

2 Koranti 2:13

A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

2 Koranti 7:6

A Laa ɓɔɔ wukɔ mã zang ɓɔɔ ri yaa gn naa tɔ danggn ɓɛɛ, mã ruu danggn nɛɛ anang Titu.

2 Koranti 8:16

Ruu zãa Laa tɔ, ka ruu ɓɔɔ shingnɛ, Titu wu kasɛ ruu manɛ gbãng gbãng naa ɓɔɔ shing m n kasɛ ruu manɛ ɓɛɛ.

2 Koranti 8:23

Titu ɓi zang ɓɔɔ rakɛ nɛɛ n ɓɛɛ, palɛ shonang ɓi nɛɛ n, tɔ̀ɔ, ruu yi nɔɔ naa ka bii. Zang ziti ɓɔɔ ri daa nɛɛ wu keɓe, ri daa ɓarɛ ka nung zang ɓarɛ, shonang ɓarɛ shingnɛ, zang a Kirisi bannang.

2 Koranti 8:6

Bɛɛ Titu gaayu tɔ, kpálɛ́ vuu ɓɔɔ nɔɔ alɛ waati nɛɛ yeti gbete, a ruu kɔɔ wu nɛɛ wu yaa kpang, wu hangsɛ shonang bìí katɔ.

Galati 1:2

Rɛɛ manzung ɓuru ɓɔɔ ri nɛɛ n ka nihn nandon, ruu jee nɔɔ ɓɔɔ nɔɔ dũng Laa ka tipi Galati nyaa.

Filipi 2:21

Zang nimbang ri nandon, zang ɓu rɛ̃̀rɛ́ ɓi ka yuu vuu ɓɔɔ a wu tĩnang ɓɛɛ, ri rɛ̃̀rɛ̀ ɓarɛ ka yuu Yeesɔ Kirisi kpang.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

2 Timoti 1:15

Mɔɔ zi tɔ nɛɛ, rɛɛ Figelu nɛɛ Hamɔgini nɛɛ zang ɓɔɔ ri dũng Laa ka tipi Asiya nandon, ri yaa m tɔ.

2 Timoti 4:16

Ka ɓɔɔ tĩng shɔɔnang, zang ɓaa m nyaavaa ɓɛɛ, zang ɓɔɔ tà m nyaa kagn kpang. Zang ri yaa m nandon. N gaa Laa wu tɔɔ kpang nɛɛ ri palɛ vuu shi kpang tɔ kpang.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.

Filimon 1:24

Maraku, nɛɛ Arisitaku, nɛɛ Dema, nɛɛ Luka zang ɓɔɔ ruu palɛ shonang nɛɛ ri ɓɛɛ, ri jee mɔɔ nyaa jong.

2 Bituru 2:15

Ri yaa gbalang tɔ̃ɔ tɔ, ri dũng ɓarɛ kaa gbalang Balamu jaa Beeyɔ kɔ jong. Ka tĩng tɛ̃ɛ tɛ̃ɛ, Balamu kasɛ nɛɛ yuu ɓiɓɛ, wu palɛ vuu shi kpang nɛɛ tɔɔ zang a wu saka.