2 Timoti 3:3 - Nyaa Shɔɔ Ɓɔɔ Laa a Ɓɛɛ

³ Ri naa pàlɛ̀ zang tɔ̃ɔ kpang, gn zang ti naa kɔng ri kpang, ri naa rang yee shi kpang ka yuu zang, ri naa yiti yuu ɓarɛ kpang, a gnvɔ ti ka yeti ɓarɛ dɔɔli. Ri naa kasɛ vuu ɓɔɔ tɔ̃ɔ ɓarɛ kpang.

2 Timoti 3:3 ပူးပေါင်းရင်းမြစ်များ

Matiyu 10:21

“Shɔnzang ti naa a zang ɓeezung ditɔ, zang nyɔ vɔrɔ. Daa jaa ti naa a zang jaa ɓiɓɛ ditɔ zang nyɔ vɔrɔ. Wujɛ ri ti naa shíi varɛ ditɔ nɛɛ daa ɓarɛ, ri ti a zang daa ɓarɛ, zang nyɔ vɔrɔ.

Matiyu 4:1

A Suru Laa túu Yeesɔ daa nɔng ka waala nɛɛ tɔ̀ɔ, Sheetang wu daa gãsɛ wu.

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Luka 16:14

Zang Farisi ɓɔɔ ri tãa vuu ɓɔɔ Yeesɔ kɔɔrɔ nandon naa weɓe, ri ɓàa wu zaa ka bii, ka ruu ɓɔɔ, ri kasɛ saka dɔɔli ɓɛɛ.

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Rooma 1:29

Yeti ɓarɛ ɓi gnvɔ kɔ shɛ̃ɛning, ka zɔ̃ng zɔ̃ng, nɛɛ vuu shi kpang, ri kasɛ vuu ɓɔɔ ka naa zang ɓɛɛ. Ri pàlɛ́ zɔɔ shi kpang. Ri kaa sũnyaa dɔɔli, ri nyɔ zang vɔrɔ, ri gaarɛ nyaa. A ri nwãarɛ zɔɔ. Ri rɛ̃rɛ vuu shi kpang ka yuu zang diki diki, ri rang zang.

Rooma 1:31

Ri shoko, ri pálɛ̀ vuu ɓɔɔ ri kɔɔyi nɛɛ ri palɛ ɓɛɛ kpang, ri kasɛ ruu zang kpang, gn zang ti kɔng ri kpang.

1 Koranti 7:5

Ka ruu nɔngkɔ, nɔ́ɔ zãa zɔɔ bii manɛ kpang. Naa nɔɔ kasɛ katɔ, nɔɔ kà zɔɔ diki nɛɛ nɔɔ gaa Laa, tɔ̀ɔ nɔɔ zãa zɔɔ bii. Diki ɓɔɔ nɔɔ ka zɔɔ nɛɛ waa nyaa tɔ, nɔɔ ɓang bii nɛɛ zɔɔ. Ka ruu ɓɔɔ, Sheetang nɛɛ walɛ gbalang wu gãsɛ nɔɔ, wu shing nɔɔ, nɔɔ palɛ vuu shi kpang ɓɛɛ. Ka ruu ɓɔɔ, nɔɔ zunung ɓɔɔ nɔɔ yiti yuu manɛ kpang ɓɛɛ.

1 Koranti 7:9

A zang ɓɔɔ ri nɛɛ kagn ɓɔɔ ri zunung yuu ɓarɛ yitinang kpang, ri gee zɔɔ. Naa zang gee zɔɔ, wukɔ tɔ̃ɔ, ka ɓɔɔ sɛ̃ɛrɛ bii ɓannang nɛɛ soro nɛ̀ɛ́ shaa mɔɔ naa waa ɓɛɛ.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Timoti 3:11

Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

Titu 1:8

Ɓi zang ɓɔɔ ta zang zanti ka gãa ɓiɓɛ waasɛ̃ ɓɛɛ, zang ɓɔɔ kasɛ vuu tɔ̃ɔ palɛnang ɓɛɛ, zang ɓɔɔ palɛ vuu sãnsãnrãng kpang ɓɛɛ, palɛ ɓi vuu ɓɔɔ daa bii katɔ diki diki, ti palɛ ɓi vuu ɓɔɔ Laa kasɛ ɓɛɛ, zang ɓɔɔ yiti yuu ɓiɓɛ waasɛ̃ ɓɛɛ.

Titu 2:3

Kɔɔ zang soro ɓɔɔ ri kpɛ̃ɛ tɔ ri nwáng nwannang naa zang soro ɓɔɔ ri dũng Laa nɛɛ yeti gbete ri nɛ̀ɛ́ nwàng ɓɛɛ. Ri rang zang kpang, ri nwàng jaafoo sàa kpang, ri tusu naa ɓɔɔ zang soro ɓɔɔ ri dũng Laa ri nɛ̀ɛ́ nwang ɓɛɛ,

Yakubu 2:6

Nɔɔ risi zang ɓɔɔ ri zang ying kpang naa vĩi. Wu zang ying kɔ ri dang nɔɔ jĩng kpang ya? Wu rikɔ ɓaa nɔɔ nyaavaa kpang ya?

2 Bituru 2:14

Ri pɛ̃ɛrɛ vuu ɓɔɔ ɓarɛ kpang, diki diki jĩng ɓarɛ ɓi ka zang soro ɓɔɔ ri rakɛ, wàázaa ɓɛɛ, tɔ̀ɔ, ri palɛ dũndũng nɛɛ ri. Ri lee vuu shi kpang palɛnang ɓarɛ kpang. Naa ri zi zang ɓɔɔ shii ka gbalang Laa nɛɛ kaka kpang, ri nwãarɛ ri, ri shing ri, ri palɛ vuu shi kpang. Ri shing jĩng ɓarɛ ka vuu zang kɔ diki, diki. Zɔ̃ng zang ɓɔɔ naa weɓe, Laa dɔng ri ruu ɓarɛ tɔ.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Yahuza 1:18

Ri kɔɔ nɔɔ nɛɛ, “Diki ɓɔɔ koo waa nyaa kagn nɛɛ a tɔ, zang ri naa nwang nyaa, ri naa kpaa nɔɔ, ri naa dũng ɓarɛ vuu shi kpang ɓɔɔ yeti ɓarɛ ɓɔɔ zi Laa kpang kasɛ ɓɛɛ.”

Vuu ɓɔɔ zang nwangsɛ Yɔhana 13:15

A zang a yɔpɔ jĩngti ɓɔɔ doo knti kaɓa naa, wu shingnɛ vuu ɓɔɔ zang palɛ nwang yɔpɔ jĩngti ɓɔɔ tĩng shɔɔnang, wu ɔ̃kɔ, tɔ̀ɔ, wu rang yee kati. Zang ti yaa wu nɛɛ, zang ɓɔɔ ri nɛɛ kasɛ kpang nɛɛ ri bang vuu keɓe kpang, wu nyɔkɔ ri vɔrɔ.

Vuu ɓɔɔ zang nwangsɛ Yɔhana 13:17

Zang ɓɔɔ zang nɛɛ ɓang wu vuu keɓe kpang, zang yaa wu, wu hoo vuu kpang, ti mãlɛ́ vuu kpang. Vuu kɔ zang ɓang zang ɓee ɓi nung yɔpɔ jĩngti kaɓa nɛɛ lamba ɓɔɔ wukɔ nwàng kaa naa nung ɓiɓɛ ɓɛɛ.

Vuu ɓɔɔ zang nwangsɛ Yɔhana 16:6

Ka ruu ɓɔɔ, zang ri nyɔkɔ zang ɓaaɓɛ nɛɛ rɛɛ zang nyaa shonang ɓaaɓɛ ɓɔɔ ri kɔɔrɔ zang ruu ɓaaɓɛ, a zĩi ɓarɛ tɛ̃ɛ ka tipi ɓɛɛ, a mɔɔ a ri zĩi kãntang keɓe nɛɛ ri ɓooyi. Daa ri tɔ teetee.”

Vuu ɓɔɔ zang nwangsɛ Yɔhana 17:6

A n zirɛ jaa soro bìí, ɓoo zĩi rɛɛ zang Laa ɓɔɔ zang nyɔkɔ ri vɔrɔ ka ruu ɓɔɔ ri kɔɔyi nɛɛ Yeesɔ kɔ Kpanti ɓarɛ ɓɛɛ, a zĩi ɓarɛ si wu kana. Ɓɔɔ n zi jaa soro kaɓa, n mã naa ka danggn.