2 Timoti 3:16 - Nyaa Shɔɔ Ɓɔɔ Laa a Ɓɛɛ

¹⁶ Yee ɓɔɔ ka yeti labeenang Laa nandon, Laa nwangsɛ ɓi nɛɛ bii Suru ɓiɓɛ. Zang tusu zang vuu nɛɛ yee keɓe kɔ, zang ti mangkɛ zang nɛɛ mani, zang gbarɛ zang nɛɛ mani, a zang ti tusu zang nwannang ɓɔɔ Laa kasɛ nɛɛ mani,

2 Timoti 3:16 ပူးပေါင်းရင်းမြစ်များ

Matiyu 13:52

Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Matiyu 22:43

Yeesɔ hɛ̃ɛ ri tɔɔ, “A ka ruu vi, Suru Laa tusu Dawuda gbalang, a zirɛ, a ɓaa Kirisi nɛɛ, ‘Kpanti’ viya? Ka ruu ɓɔɔ, Dawuda kɔɔyi tɔɔ,

Matiyu 26:54

A n nɛɛ palɛ tɔ nɔngkɔ, Ruu Laa ɓɔɔ kɔɔyi tɔɔ, vuu keɓe naa nwang ditɔ naa weɓe, nwang kaa bɛ̀ɛ́ niizang viya?”

Matiyu 26:56

Vuu kɔ zang palɛ ɓée, ɓee ɓi kaa nyaa vuu ɓɔɔ rɛɛ zang nyaa shonang Laa ri bèe ka yeti labeenang Laa ka tĩng tɛ̃ɛ tɛ̃ɛ ɓɛɛ.” A zang ɓɔɔ ri mantɛ vuu ka bii ɓiɓɛ, ri yuku nandon ri yaa wu.

Maraku 12:24

A Yeesɔ kasɛ ri nyaa tɔɔ, “Nɔɔ ning gbalang katɔ, ka ruu ɓɔɔ, nɔɔ zi labeenang Laa, nɛɛ náa ɓɔɔ Laa palɛ vuu nɛɛ mani kpang ɓɛɛ.

Maraku 12:36

Suru Laa kɔɔ nɛɛ nyaa Dawuda tɔɔ, “ ‘Kpanti Laa kɔɔ Kpanti mɛɛ tɔɔ, “Nwang ka naa nakn mɛɛ, n shing zang ɓɔɔ ri shing jĩng nɛɛ mɔɔ kpang ditɔ, mɔɔ naa ri nɛɛ doo ɓaaɓɛ.” ’

Yɔhana 10:35

Ruu zi tɔ nɛɛ vuu ɓɔɔ labeenang Laa kɔɔyi ɓi niizang dòndòng. Laa nɛɛ ɓaa zang ɓɔɔ wu shong ri nɛɛ yee ɓiɓɛ tɛ̃ɛ tɛ̃ɛ nɛɛ ri nwang naa Laa,

Yɔhana 3:20

Zang ɓɔɔ pálɛ̀ vuu shi kpang, kasɛ ruu nɔng yakɛnang ɓi kpang. À nɔng ɓɔɔ yakɛ katɔ ɓi kpang, ka ruu ɓɔɔ, kasɛ nɛɛ zang zi vuu shi kpang ɓiɓɛ kpang ɓɛɛ.

Zang Shonang Yeesɔ 1:16

Kɔɔyi tɔɔ, “Rɛɛ manzung, vuu ɓɔɔ labeenang kɔɔyi nwáng ditɔ niizang. Suru Laa rang yee ka tĩng nɛɛ nyaa Dawuda ka yuu Yahuda ɓɔɔ sɔ̀ɔ zang ɓɔɔ ri daa yí Yeesɔ tĩng ɓɛɛ.

Zang Shonang Yeesɔ 18:25

Zang tusu wu gbalang Laa tɔ gbãng gbãng. Suru Laa shing wu kɔ̀ɔ́ ruu, a ti tusu zang ruu ɓɔɔ niizang ka yuu Yeesɔ nɛɛ yeti gbete. A zi ɓi kaa doo batizima Yɔhana kɔɔ shɛ̃ɛning.

Zang Shonang Yeesɔ 20:20

Nɔɔ ti zi naa ɓɔɔ n wàasɛ̀ nɔɔ vuu ɓɔɔ tɔ̃ɔ ɓɛɛ kpang tɔ. N kɔɔ nɔɔ ruu tɔ̃ɔ katɔ ka ɓɔɔ n tusu nɔɔ vuu ka jĩng zang piti, a n ti dṹng nɔɔ ɓɔɔ ka gãa gãa, n tùsú nɔɔ ɓɛɛ.

Zang Shonang Yeesɔ 20:27

Ka ruu ɓɔɔ, n kɔɔ nɔɔ vuu ɓɔɔ Laa kasɛ ɓɛɛ tɔ nandon, n zárɛ̀ doo kpang ɓɛɛ.

Zang Shonang Yeesɔ 28:25

Ka ruu nɔngkɔ, ri daayi, nyaa ɓarɛ daa gbete kpang. Bulu kɔɔ ri ruu keɓe ka gbongkarɛ, a ri tantɛ, tɔɔ, “Suru Laa kɔɔ rɛɛ dabang manɛ ruu ɓɔɔ niizang nɛɛ nyaa Ishaya tɔɔ,

Rooma 15:4

Vuu ɓɔɔ zang bee ka yeti labeenang Laa piti, zang beeyi nɛɛ wu kpɛ̃ɛrɛ ruu, wu mã ruu danggn, tɔ̀ɔ, ruu shing gn kati.

Rooma 2:20

Mɔkɔ ti kpɛ̃ɛrɛ zang ɓɔɔ ri zũng kpang ɓɛɛ. Mɔɔ ti tusu zang ɓɔɔ ri zi vuu kpang naa wujɛ ɓɛɛ. Mɔɔ zi ɓaa tɔ nɛɛ, mɔɔ zi nyaa ɓɔɔ Laa dang ɓɛɛ tɔ. Ka ruu nɔngkɔ, mɔɔ zi vuu tɔ piti, vuu ɓɔɔ mɔɔ kɔɔyi ɓi ti niizang tingkiring.

Rooma 3:2

Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

Rooma 4:23

Ruu kɔ zang kɔɔyi nɛɛ, “Zang tà wu nɛɛ wu zang tɔ̃ɔ ɓee,” zang bèe ka yeti labeenang Laa ka ruu Ibirayi ka bm kpang.

1 Koranti 12:7

Suru Laa tusu zang bii ɓiɓɛ ka bm bm, tɔ̀ɔ, zang kaɓa wu yi zang Laa nandon naa kaa jong ka bii.

Galati 3:8

Vuu ɓɔɔ Laa kɔɔyi, zang bee ka labeenang ɓiɓɛ doo ka tĩng nɛɛ, Laa naa risi zang ɓɔɔ ri zang Yahudi kpang ditɔ, ri nwang zang tɔ̃ɔ ka tĩng ɓiɓɛ, ka ruu danggn ɓɔɔ ri shing ɓɛɛ. A zang bee naa ɓɔɔ Laa kɔɔ Ibirayi Ruu Tɔ̃ɔ doo ka tĩng ɓɛɛ tɔɔ, “Laa naa shing zang koo keɓe nandon ri tãa tĩnang nɛɛ bii ɓaaɓɛ kɔ.”

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Yahudi 11:1

Danggn shinnang ɓi vuu ɓɔɔ ka yeti ɓuru ɓɔɔ tusu ruu nɛɛ ruu naa walɛ vuu ɓɔɔ ruu shing gn ɓiɓɛ katɔ. Wukɔ shingnɛ vuu ɓɔɔ ruu zi gn kãntang keɓe kpang, wu nwang naa ruu zi katɔ ɓɛɛ.

Yahudi 3:7

Ka ruu nɔngkɔ, naa ɓɔɔ Suru Laa kɔɔ ɓɛɛ, “Naa nɔɔ tãa yee Laa lɛ̀ɛ́kɔ,

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.