2 Timoti 3:15 - Nyaa Shɔɔ Ɓɔɔ Laa a Ɓɛɛ

¹⁵ Mɔɔ ti zi tɔ, ɓɔɔ bɛ̀ɛ́ mɔɔ doo wujaa, mɔɔ zi labeenang Laa ɓɔɔ zunung ɓɔɔ wu shing mɔɔ, mɔɔ zũngnɛ tɔ. Tɔ̀ɔ Laa wu ta yuu ɓaaɓɛ ka ruu danggn ɓɔɔ mɔɔ shing ka bii Yeesɔ Kirisi ɓɛɛ.

2 Timoti 3:15 ပူးပေါင်းရင်းမြစ်များ

Matiyu 22:29

A Yeesɔ kasɛ ri nyaa tɔɔ, “Nɔɔ ning katɔ, ka ruu ɓɔɔ nɔɔ zi labeenang Kpanti Laa, nɛɛ náa vuu palɛnang ɓiɓɛ kpang ɓɛɛ.

Luka 1:15

Náa nwang zang bang ka tĩng Kpanti Laa. Naa ɓoo sàa ɓi kpang. Ti naa ɓoo vuu ɓɔɔ zã katɔ ɓɔɔ palɛ zang ɓi kpang. Suru Laa naa gaayu nwannang ka bii ɓiɓɛ bɛ̀ɛ́ wu doo ka yeti niiɓɛ.

Luka 2:40

A jaa naa bangnɛ, zũng danggn kati. Zũnang ka yeti ɓiɓɛ gaagaa. Laa tãa tĩnang vuu ɓɔɔ wu palɛ ɓɛɛ dɔɔli.

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Luka 24:32

Ri kɔɔ zɔɔ nɛɛ, “Ɓasi ka gbalang ɓɔɔ rang yee nɛɛ ruu, a ti nwangsɛ ruu dĩiri ruu vuu ɓɔɔ labeenang Laa kɔɔ ɓɛɛ, ruu tãa tĩnang ka yeti ɓuru dɔɔli.”

Luka 24:45

A á ri naa, tɔɔ, ri zi vuu ɓɔɔ ka labeenang Laa ɓɛɛ kati.

Yɔhana 5:47

Wee nɔɔ shing danggn ka vuu ɓɔɔ wu bee kpang ɓee, nɔɔ shing danggn biya ka ruu ɓɔɔ, n kɔ̀ɔ́ ɓee viya?”

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:29

Ka ɓɔɔ ri palɛ vuu ɓɔɔ zang beeyi nɛɛ zang naa palɛ wu tɔ nandon, ri witi vɔrɔ ɓiɓɛ nɛɛ yuu laa, ri gbãa wu ka saa.

Zang Shonang Yeesɔ 16:1

Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 17:2

Bulu daa ka gãa zɔɔ kpalɛnang naa ɓasidi wu daarɛ ɓɛɛ. Diki Ɔ̃sɔnang taati, ɓɔɔ Bulu rang yee nɛɛ rɛɛ zang, nwangsɛ ri dĩiri Ruu Laa ɓɛɛ.

Zang Shonang Yeesɔ 26:24

Ɓɔɔ Bulu kɔɔ ruu kana naa weɓe, Fesitu shaa wu nɛɛ varɛ nɛɛ, “Bulu, mɔɔ shoko, láa ɓɔɔ mɔɔ bèe dɔɔli risi mɔɔ yuu kaa tɔ”.

Rooma 1:2

Ruu Tɔ̃ɔ keɓe, Laa á nyaa ɓiɓɛ tɔ dòo tɛ̃ɛ tɛ̃ɛ ka tĩng, nɛɛ bii rɛɛ zang nyaa shonang ɓiɓɛ, a zang ti bee ka yeti labeenang ɓiɓɛ.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 2:27

Ka ruu nɔngkɔ, zang ɓɔɔ ri yee shaa ɓarɛ kpang, ri naa ɓa nɔɔ ditɔ zang Yahudi, ri nɛɛ dũng nyaa ɓɔɔ Laa dang katɔ ɓɛɛ. Ka ruu ɓɔɔ, nɔkɔ zi nyaa ɓɔɔ Laa dangnɛ, a zang ti yee nɔɔ shaa katɔ, a nɔɔ tá nyaa ɓɔɔ Laa dang ɓɛɛ katɔ ɓɛɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

Afisa 6:4

Zang ɓɔɔ ri yiki wujɛ ɓɛɛ, nɔ́ɔ pálɛ̀ wujɛ manɛ vuu ɓɔɔ shing ri, yeti ɓarɛ wu làsɛ́ ɓɛɛ kpang. Nɔɔ hingti ri, ri bang ka naa ɓɔɔ zang ɓɔɔ ri dũng Laa ri mangkɛ wujɛ, a ri ti kpɛ̃ɛrɛ ri ruu ɓɛɛ.

1 Timoti 4:13

A yuu ɓaaɓɛ ka nɔng ɓɔɔ mɔɔ kpalɛ zang yuu, mɔɔ gã ri labeenang Laa ɓɛɛ, mɔɔ kɔ̀ɔrɔ̀ zang Ruu Laa, mɔɔ ti tusu zang ɓɔɔ ri dũng Laa vuu. N a nɛɛ mani.

2 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi, ka ruu ɓɔɔ, Laa kasɛ nɛɛ n nwang zang shonang ɓiɓɛ ɓɛɛ. Laa tɔɔ, n kɔɔ zang ruu, ka yuu suru bii ɓɔɔ wu a ruu nyaa nɛɛ wu naa a ruu ɓɛɛ. Suru bii keɓe, ɓɔɔ ɓuru, ka ruu ɓɔɔ, ruu ɓakɛ zɔɔ tɔ nɛɛ Yeesɔ Kirisi ɓɛɛ.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

2 Bituru 3:16

Ka yeti rɛɛ labeenang ɓɔɔ wu beere nandon, kɔɔrɔ zɔ̃ng vuu keɓe kɔ. Ka rɛɛ labeenang ɓiɓɛ kaɓa, ruu ɓɔɔ kagn ɓɔɔ kpãa nyaa dɔɔli ɓɛɛ. Zang ɓɔɔ ri zũng kpang, ɓɔɔ ri yiti vuu ɓɔɔ ri shing danggn kagn gbãng gbãng kpang ɓɛɛ. Ri risi ruu keɓe naa ɓɔɔgn naa ɓɔɔ ri risi ruu nimbang ɓɔɔ ka yeti labeenang Laa ɓɛɛ. Wee ri palɛ nɔngkɔ ɓee, ri shíng ɓarɛ nɛɛ Laa wu naa ningsi ri katɔ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.