2 Timoti 2:25 - Nyaa Shɔɔ Ɓɔɔ Laa a Ɓɛɛ

²⁵ Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

2 Timoti 2:25 ပူးပေါင်းရင်းမြစ်များ

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Matiyu 21:32

Ka ruu ɓɔɔ, Yɔhana arɛ, nɛɛ wu naa tusu nɔɔ gbalang nwannang ɓɔɔ tɔ̃ɔ, a nɔɔ shing danggn ka bii ɓiɓɛ kpang ɓɛɛ. Zang ɓɔɔ ri ta saka tipi, nɛɛ zang soro ɓɔɔ ri shing jĩng ka varɛ kãanang kɔ ri shing danggn ka bii ɓiɓɛ jong. Ɓɔɔ nɔɔ ti naa zi tɔɔ naa weɓe, nɔɔ ti kɔ̃sɔ yeti manɛ, nɔɔ shing danggn ka bii ɓiɓɛ kpang.”

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Yɔhana 5:34

N shing gn wu ka yuu vuu ɓɔɔ zang kɔɔ ka yuu mɛɛ kpang. N kɔɔ vuu keɓe, tɔ̀ɔ, nɔɔ ta yuu manɛ kati.

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 5:21

Ɓɔɔ ri tãa naa weɓe, ri daa yeti Gãa Laa bɛ̀ɛ́ nɔng gãntɛ tɔ, a ri gáa tɔɔsung ɓɔɔ ri tusu zang vuu ɓɛɛ. Kpanti zang ɓɔɔ ri dɔɔ vuu ka Gãa Laa, nɛɛ zang ɓɔɔ ri nɛɛ wu, ri ɓaa nyaa ka rɛɛ zang bang bang zang Isirela, nɛɛ zang ɓɔɔ ri jɛ̃ɛ zang ruu ɓɛɛ. Ri shong nyaa nɛɛ zang daa atɛ rɛɛ zang shonang Yeesɔ kaɓa ta nɛɛ sãa.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Zang Shonang Yeesɔ 8:22

Kɔ̃sɔ yeti ɓaaɓɛ ta, ka ruu vuu shi kpang keɓe, mɔɔ gaa Laa wu yaa mɔɔ gbalang, ka ruu ɓɔɔ, mɔɔ rɛ̃rɛ vuu shi kpang naa weɓe ɓɛɛ.

Galati 6:1

Rɛɛ manzung, naa zang ɓɔɔ ka teteng manɛ nɛɛ palɛ zɔ̃ng vuu shi kpang ɓɔɔ kagn. Nɔɔ ɓɔɔ Suru Laa kagn bii manɛ, nɔɔ sɔɔrɔ wu tɔkn ka gbalang. Nɔ́ɔ sɔ́ɔrɔ̀ wu kaa tɔ̀ɔ́ nɛɛ hakaka kpang. Zang ɓu wu gãng jĩng ka yuu ɓiɓɛ, wu nɛɛ palɛ vuu shi kpang jong.

1 Timoti 2:4

Ka ruu ɓɔɔ, Laa kasɛ nɛɛ wu ta yuu zang piti, nɛɛ ri ti zi ruu ɓɔɔ niizang.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 3:7

Zang soro keɓe, diki diki ri kasɛ nɛɛ zang kpɛ̃ɛrɛ ri vuu, a ri zi vuu ɓɔɔ niizang kaa takpang doo nɛɛ mani.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Titu 3:2

Kɔɔ ri nɛɛ ri rang yee shi kpang ka yuu zang ɓɔɔ kpang. Ri nwang ka nyaa zɔɔ nɛɛ zang, ri yi wusang nɛɛ zang piti. Ri pálɛ̀ hakaka kpang.

Yakubu 1:17

Vuu ɓɔɔ tɔ̃ɔ ɓɔɔ ti gbarɛ katɔ, ɓɔɔ zang a zang piti, a ɓi nɛɛ bii Laa. Vuu keɓe ri a ɓarɛ nɛɛ bii Laa ɓɔɔ wukɔ mãa vuu ɓɔɔ ri yakɛ nɔng ɓɔɔ ri ka lapa ɓɛɛ. Laa ɓɔɔ kɔ̃sɔ bii ɓi jong kpang, ràa ruu yuu knti, wu yaa ruu ka nɔng tɔɔnang kpang.

1 Bituru 3:15

Shing jĩng ɓaa ka ɓɔɔ mɔɔ a Yeesɔ Kirisi bannang kɔ jong gbete. Wu nwáng kpanti ɓaaɓɛ ka vuu piti. Nɔɔ kpalɛ bii manɛ katɔ diki diki, nɔ́ɔ kɔɔ zang ɓɔɔ ri hɛ̃ɛ nɔɔ vuu ɓɔɔ palɛ, nɔɔ shing danggn ka bii Yeesɔ Kirisi ɓɛɛ.

1 Yɔhana 5:16

Zang ɓɔɔ nɛɛ zi ɓeezung ɓɔɔ dũng Laa kɔ doori, palɛ vuu shi kpang ɓɔɔ naa nyɔ wu vɔrɔ kpang, wu gàa ɓeezung keɓe Laa, wu a wu suru bii ɓɔɔ waa nyaa kpang ɓɛɛ. Vuu shi kpang ɓɔɔ nyɔ zang vɔrɔ katɔ kagn, n kɔɔ nɛɛ zang wu gàa Laa ka ruu ɓiɓɛ kɔ kpang.