2 Timoti 2:22 - Nyaa Shɔɔ Ɓɔɔ Laa a Ɓɛɛ

²² Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

2 Timoti 2:22 ပူးပေါင်းရင်းမြစ်များ

Zang Shonang Yeesɔ 7:59

Ri luku Istifanu kana, a gaa Laa tɔɔ, “Kpanti Yeesɔ, ta suru mɛɛ ta.”

Zang Shonang Yeesɔ 9:14

Wee à ka Damasiku ɓee, ɓi rɛɛ zang bang bang zang ɓɔɔ ri dɔɔ vuu ka Gãa Laa, a wu naa nɛɛ wu naa yiki zang ɓɔɔ ri ɓaa nung ɓaaɓɛ ɓɛɛ nandon.”

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 10:14

Ka ruu nɔngkɔ, rɛɛ masang ɓɔɔ n kasɛ ruu manɛ katɔ ɓɛɛ, n kɔɔ nɔɔ, nɔɔ yaa vaka ta dɔ̃ɔ gbete.

1 Koranti 14:1

Ka ruu nɔngkɔ, nɔɔ shing jĩng ka zang kasɛnang gbãng gbãng. A nɔɔ ti shing jĩng nɛɛ yeti gbete, Suru Laa wu a nɔɔ naa ɓɔɔ nɔɔ palɛ shonang nɛɛ mani ka teteng zang ɓɔɔ ri dũng Laa ɓɛɛ. Nɔɔ shing jĩng, wu a nɔɔ naa, ɓɔɔ nɔɔ kɔɔ zang ruu ɓɔɔ a nɛɛ bii Laa ɓɛɛ kɔ gbãng gbãng.

1 Koranti 6:18

Ka ruu nɔngkɔ, n kɔɔ nɔɔ, nɔɔ yáa dũndũng palɛnang. Vuu shi kpang ɓɔɔ shɔnzang palɛ nandon, zang palɛ wu ka bii kpang. Zang ɓɔɔ palɛ dũndũng, pàlɛ́ ɓi bii ɓiɓɛ vuu shi kpang.

1 Timoti 1:14

a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Timoti 2:8

N kasɛ zang varɛ, ri nɛɛ gaa Laa ka nɔng piti ɓɔɔ zang kpalɛ yuu zang gaa Laa ɓɛɛ, ri tuu naa ɓarɛ ka lapa. Yeti ɓarɛ wu lasɛ katɔ kpang, ri ti pálɛ̀ naa ri laa nyaa nɛɛ zɔɔ kpang.

1 Timoti 4:12

Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

1 Bituru 2:11

Masang ɓɔɔ n kasɛ ruu manɛ dɔɔli ɓɛɛ, nɔɔ manɛ zang zanti. Nɔɔ nwàng manɛ zanti waati ka koo keɓe. Ka ruu nɔngkɔ, n gaa nɔɔ, nɔ́ɔ yaa rɛɛ vuu shi kpang ɓɔɔ nɔɔ kasɛ ka yeti manɛ nɛɛ nɔɔ palɛ ɓɛɛ. Ka ruu ɓɔɔ, rɛɛ vuu keɓe ri kasɛ nɛɛ ri nyɔ nɔɔ vɔrɔ ɓɛɛ.

1 Bituru 3:11

Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.