2 Timoti 2:21 - Nyaa Shɔɔ Ɓɔɔ Laa a Ɓɛɛ

²¹ Zang ɓɔɔ nɛɛ palɛ rɛɛ vuu shi kpang keɓe kpang nandon, nwang ɓi naa juwa Zinariya ɓɔɔ zang shaa vuu shaanang kagn ka lee mung ɓɛɛ. Juwa keɓe, shi zang ɓiɓɛ ka jĩng dɔɔli. Zang ɓiɓɛ palɛ shonang tɔ̃ɔ piti nɛɛ mani katɔ.

2 Timoti 2:21 ပူးပေါင်းရင်းမြစ်များ

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

1 Koranti 5:7

Ka ruu nɔngkɔ, nɔɔ nwangsɛ vuu shi kpang keɓe nɔɔ yaa teteng manɛ, ka ruu ɓɔɔ, nɛɛ bàá ka teteng manɛ ɓɛɛ. Nɔɔ nwangsɛ vuu shi kpang keɓe, tɔ̀ɔ, nɔɔ nwang kaa zang ɓɔɔ shi kpang ka bii ɓarɛ kpang ɓɛɛ. Ɓɔɔ ruu dũng Laa ɓɛɛ, ruu ɓuru kaa kalang kalang, ka ruu ɓɔɔ, Yeesɔ Kirisi vɔ ka ruu ɓuru ɓɛɛ. Yeesɔ nwang naa jamɛ̀ɛrɛ́ ɓɔɔ zang dɔɔ Laa, ka laa ɓɔɔ zang shaa nyaalaa pasika ɓɛɛ.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

2 Koranti 9:8

A Laa ti zunung ɓɔɔ wu a nɔɔ vuu piti ɓɔɔ ɓa ɓɔɔ nɔɔ kasɛ ɓɛɛ katɔ, tɔ̀ɔ, nɔɔ walɛ vuu piti ɓɔɔ nɔɔ kasɛ ɓɛɛ kaa nandon. Nɔ́ɔ ti walɛ vuu dɔɔli ɓa ɓɔɔ nɔɔ kasɛ katɔ, tɔ̀ɔ, nɔ́ɔ palɛ̀ zang tɔ̃ɔ kaa nɛɛ mani ka zɔ̃ng zɔ̃ng.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 2:16

Mɔɔ ɓaa shoo ɓaa ka yee sãnsãnrãng ɓɔɔ zang rangkɛ ɓɛɛ kpang. Ruu ɓɔɔ naa weɓe, shing zang, zang yaa gbalang Laa kaa beebang.

2 Timoti 2:20

Ka yeti gãa bang, juwa kagn ɓɔɔ zang palɛ nɛɛ zinariya ɓɔɔ nɛɛ azurufa kɔ shɛ̃ɛning kpang. Zang pálɛ̀ ɓɔɔ nɛɛ laa, a zang mãa ɓɔɔ nɛɛ tapɔng. Zang shing ɓɔɔ ɓi ka ruu vuu shaanang ka nɔng mung, ɓɔɔ zang palɛ shonang ɓi nɛɛ mani diki diki.

2 Timoti 3:17

tɔ̀ɔ, zang ɓɔɔ pálɛ̀ Laa shonang, wu walɛ zũnang ɓɔɔ wu palɛ shonang tɔ̃ɔ ka zɔ̃ng zɔ̃ng piti nɛɛ mani.

2 Timoti 4:11

Ɓi kaa Luka kɔ shɛ̃ɛning nɛɛ n, kãa nɔng Maraku, mɔɔ a nɛɛ wu, ka ruu ɓɔɔ, yi m naa katɔ ka shonang mɛɛ keɓe.

Titu 3:1

Kɔɔ ri nɛɛ ri ɓaa shoo ka nyaa rɛɛ kpanti, nɛɛ rɛɛ zang bang tipi. Ri ti kpalɛ bii diki diki, ri pálɛ́ shonang ɓɔɔ tɔ̃ɔ ɓɛɛ.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.