2 Timoti 2:19 - Nyaa Shɔɔ Ɓɔɔ Laa a Ɓɛɛ

¹⁹ A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

2 Timoti 2:19 ပူးပေါင်းရင်းမြစ်များ

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Matiyu 7:23

A n naa kɔɔ ri m dɔ̃ɔ gbete nɛɛ, ‘N zi nɔɔ m gn, gn kpang. Nɔɔ dita kaaɓa, zang shi kpang kiɓi.’

Matiyu 7:25

Mii naa arɛ, kpaa gaagaa, a jasung ti naa rarɛ, zĩiti gãa, zĩiti gãa, gãa ɓiɓɛ watɛ kpang, ka ruu ɓɔɔ, loo doo ɓiɓɛ ka yuu pɛngkɛ ɓɛɛ.

Maraku 12:16

A ri atɛ wu gbete. A Yeesɔ hɛ̃ɛ ri tɔɔ, “Wee ɓu waa nyaating, nɛɛ nung wiya?” A ri kasɛ wu nyaa tɔɔ, “Ɓɔ̀ɔ́ kpanti Kayisa.”

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Luka 13:27

Naa kasɛ nyaa ɓi kaa nɛɛ, ‘N kɔɔ nɔɔ, n zi nɔɔ nung m kpang. Nɔɔ dita kaaɓa nɔɔ yaa m bii, nɔɔ zang vuu shi kpang palɛnang kiɓi.’

Luka 6:48

Zang kaɓa nwang naa zang ɓɔɔ tɔɔ wu mãa gãa, a shu too, loo doo gãa ka yuu pɛngkɛ tɔ̃ɔ tɔ̃ɔ ɓɛɛ. Diki ɓɔɔ mii rang kpayi, nyɔ ka bii gãa, palɛ gãa vuu ɓɔɔ kpang, ka ruu ɓɔɔ, zang mãa tɔ̃ɔ tɔ̃ɔ ɓɛɛ.

Yɔhana 10:14

“Nkɔ jagãng ɓɔɔ tɔ̃ɔ ɓɛɛ. Naa ɓɔɔ Daa zi m nung tɔ, n zi Daa nung tɔ jong. N zi mɛ̀ɛrɛ́ nung doo nɔngkɔ, ri ti zi m nung tɔ jong. N ti mãlɛ́ yuu mɛɛ, zang nyɔ m vɔrɔ ka ruu ɓarɛ.

Yɔhana 13:18

“N kɔɔ ruu keɓe ka yuu manɛ nandon kpang. N zi zang ɓɔɔ n shɛ̃ɛrɛ ri m tɔ. Vuu keɓe nwáng nɔngkɔ, naa ɓɔɔ zang bee ka yeti Labeenang Laa ɓɛɛ. Labeenang Laa kɔɔyi tɔɔ, ‘Zang ɓɔɔ n basɛ borodi mɛɛ nɛɛ wu, ràa m yuu knti tɔ. Nwáng zang ɓɔɔ shing jĩng nɛɛ n kpang tɔ.’

Yɔhana 3:33

Zang ɓɔɔ nɛɛ ta rúu ɓiɓɛ, tusu zang tɔ, nɛɛ vuu ɓɔɔ Laa kɔɔ ɓɛɛ ɓi niizang.

Zang Shonang Yeesɔ 11:26

Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.

Zang Shonang Yeesɔ 15:17

tɔ̀ɔ, zang nimbang ri kãa Laa kati, nɛɛ zang ɓɔɔ ri zang Isirela kpang, ɓɔɔ zang ɓaa nung mɛɛ ka teteng ɓarɛ ɓɛɛ.

Zang Shonang Yeesɔ 9:14

Wee à ka Damasiku ɓee, ɓi rɛɛ zang bang bang zang ɓɔɔ ri dɔɔ vuu ka Gãa Laa, a wu naa nɛɛ wu naa yiki zang ɓɔɔ ri ɓaa nung ɓaaɓɛ ɓɛɛ nandon.”

Rooma 11:2

Laa bɛ̃ɛ zang ɓiɓɛ ɓɔɔ wu zɔ̃́ng ri bɛ̀ɛ́ zang gaayu koo mãanang gn kpang, kpàng. Nɔɔ zi vuu ɓɔɔ labeenang Laa kɔɔ ka ɓɔɔ bɛ̀ɛ́ Iliya gaa Laa ka yuu zang Isirela kpang ya? Iliya kɔɔyi tɔɔ,

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Rooma 15:20

Vuu ɓɔɔ n kasɛ ka yeti mɛɛ gbete ɓɛɛ, ɓi nɛɛ ɓɔɔ n kɔɔ zang Ruu Tɔ̃ɔ Laa ka nɔng ɓɔɔ zang tãa ruu Yeesɔ Kirisi gn kpang ɓɛɛ. Ka ruu ɓɔɔ, nɛ̀ɛ́ nwang naa ɓɔɔ n mãa gãa m ka yuu doo gãa ɓɔɔ zang ɓɔɔgn loo ɓɛɛ, ɓɛɛ.

Rooma 15:9

Nɛɛ tɔɔ, wu ti shing zang ɓɔɔ ri zang Yahudi kpang ri dɔ̀ɔ Laa jong ka ruu gn ɓarɛ ɓɔɔ kɔng wu ɓɛɛ. Naa ɓɔɔ zang bee ka yeti labeenang Laa ɓɛɛ nɛɛ, “Ka ruu nɔngkɔ, n dɔ̀ɔ mɔɔ ka teteng zang ɓɔɔ ri zang Yahudi kpang, N gaa soo, n dɔɔ mɔɔ nɛɛ mani.”

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

Rooma 9:11

Ka ɓɔɔ bɛ̀ɛ́ zang yi ri gn kpang, ri ti pálɛ́ vuu tɔ̃ɔ gn nɛɛ vuu shi kpang, kpang. Laa kasɛ nɛɛ zɔ̃nnang ɓɔɔ wu zɔ̃ng jaa gbete ka teteng ɓarɛ wu nwang vuu ɓɔɔ wu kasɛ ɓɛɛ. Laa kɔɔ nàá ɓarɛ tɔɔ, “Zang ɓɔɔ bang kɔ naa pàlɛ́ zang ɓɔɔ wujaa shonang.” Ka ruu nɔngkɔ, Laa zɔ̃ng zang ɓi ka ruu nyaa ɓɔɔ wu ɓaa zang ɓɛɛ, wu ka ruu, vuu ɓɔɔ zang palɛ ɓɛɛ kpang.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 8:3

A zang ɓɔɔ kasɛ Laa, Laa zi wukɔ nɛɛ wu zang ɓiɓɛ.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

1 Timoti 6:19

Naa ri palɛ naa weɓe, ri kpàlɛ́ yuu ɓarɛ, vuu ɓɔɔ ri lòó ɓarɛ doo vuu ɓɔɔ naa yi ri naa ka bii ka tĩng ɓɛɛ. Tɔ̀ɔ, ri walɛ suru bii ɓɔɔ niizang ɓɛɛ kati.

Yahudi 11:10

Ka ruu ɓɔɔ, shing jĩng ɓi ka tĩng ka gari ka lapa ɓɔɔ zang loo doo ɓiɓɛ katɔ, ɓɔɔ ɓi Laa kɔ dĩi doo ɓiɓɛ, a mãayi ɓɛɛ.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

Vuu ɓɔɔ zang nwangsɛ Yɔhana 17:8

Yɔpɔ jĩngti kaɓa bɛ̀ɛ́ ningkãari, kãntang keɓe tɔ̀ɔ́ ningkãari kpang. Naa nwang ditɔ nɛɛ too ɓɔɔ dii kagn kpang kaɓa, wu daa kaa nɔng ɓɔɔ zang daa nyɔ wu vɔrɔ ɓɛɛ. Zang ɓɔɔ ri nwang ka koo ɓɔɔ zang bee nung ɓarɛ ka labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang, bɛ̀ɛ́ zang mãa koo gn kpang, kpang ɓɛɛ. Ri nɛɛ naa zi yɔpɔ jĩngti bìí tɔ, ri naa mã naa ka danggn. Ka ruu ɓɔɔ, bɛ̀ɛ́ yɔpɔ jĩngti kaɓa ningkãari, a kãntang keɓe tɔ̀ɔ́ ningkãari kpang ɓɛɛ, a ti naa gbãayu ditɔ tɔkn ɓɛɛ.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.

Vuu ɓɔɔ zang nwangsɛ Yɔhana 21:14

Zang loo doo binting bìí ka yuu tari kopi tu ziti. Zang beere nung rɛɛ zang shonang Jaa Mɛ̀ɛrɛ́, ɓɔɔ ri kopi tu ziti ka rɛɛ tari bìí.

Vuu ɓɔɔ zang nwangsɛ Yɔhana 22:4

Ri naa zi waa nyaating Laa, zang ti bee nung ɓiɓɛ ka nyaating ɓarɛ.

Vuu ɓɔɔ zang nwangsɛ Yɔhana 3:8

N zi shonang ɓɔɔ nɔɔ palɛ ɓɛɛ tɔ. Nɔɔ zirɛ, n puu nɔɔ nyaa gãa tɔ, ɓɔɔ zang ɓɔɔ zunung kunang kpang ɓɛɛ. N zi tɔ kaka manɛ kagn dɔɔli kpang, a nɔɔ dũng nyaa mɛɛ doo nɛɛ mani, nɔɔ ti laa nyaa kpang nɛɛ nɔɔ zi nung mɛɛ kpang, kpang.