2 Timoti 1:8 - Nyaa Shɔɔ Ɓɔɔ Laa a Ɓɛɛ

⁸ Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

2 Timoti 1:8 ပူးပေါင်းရင်းမြစ်များ

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 9:26

Zang ɓɔɔ tuuru yusɛ̃ɛ mɛɛ, nɛɛ ɓɔɔ yee mɛɛ, Jaa Shɔnzang naa tuuru yusɛ̃ɛ ɓiɓɛ ɓi doo nɔngkɔ, ka diki ɓɔɔ wu a ka naa bannang ɓiɓɛ, nɛɛ ɓɔ̀ɔ́ Daa ɓiɓɛ, nɛɛ ɓɔ̀ɔ́ zang nyaa shonang Laa ɓɔɔ ka lapa ɓɛɛ.

Yɔhana 15:27

Nɔɔ dòo zang ɓɔɔ ri kɔ̀ɔ́ zang ruu ka yuu mɛɛ kɔ, ka ruu ɓɔɔ, nɔɔ doo nɛɛ n, ka diki ɓɔɔ n gaayu shonang mɛɛ palɛnang ɓɛɛ.

Yɔhana 19:35

(Zang ɓɔɔ zi naa ɓɔɔ zang palɛ vuu keɓe, wukɔ kɔɔyi, tɔ̀ɔ, nɔɔ shing danggn kaa jong. Vuu kɔ wu kɔɔ ɓɛɛ, ɓi niizang, ti zi tɔ nɛɛ wu suu sèé kpang.)

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

Rooma 8:36

Zang bee nɔngkɔ ka yeti Labeenang Laa nɛɛ, “Zang kɔɔ ruu diki diki nɛɛ zang nyɔ ruu vɔrɔ ka ruu ɓaaɓɛ kɔ. Zang palɛ ruu naa mɛ̀ɛrɛ́ ɓɔɔ zang daa yee ri kaa tɔ ɓɛɛ”.

Rooma 9:33

Zang bee ka yeti labeenang Laa nɛɛ, “Nɔɔ ɓaa shoo, ǹ shing tari ka Siyona, ɓɔɔ zang kpaa doo kagn ɓɛɛ. Tari bang ɓɔɔ shíng zang, zang watɛ ɓɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

1 Koranti 1:6

Rúu ɓɔɔ nɔɔ tãa ka tĩng, ka yuu Kirisi ɓaa saara tɔ ka yeti manɛ.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.

Afisa 3:1

Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 3:13

Ka ruu nɔngkɔ, n gaa nɔɔ, nɔ́ɔ yaa gn naa ka ruu jĩng ɓɔɔ n dang ka ruu manɛ ɓee kpang. Jĩng dannang mɛɛ keɓe kɔ, a nɔɔ bannang.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filipi 3:10

N kasɛ m vuu gbete, wukɔ nɛɛ, n zi Kirisi nɛɛ yuu ɓiɓɛ, n ti zi naa vuu palɛnang ɓɔɔ nwangnɛ, ka ruu ɓɔɔ, Laa wisi wu paa nɛɛ saa. N kasɛ n ɓakɛ yuu jong nɛɛ wu, n dang jĩng, n nwang kaa jong naa wu ka vɔrɔ ɓɔɔ wu vɔ ɓɛɛ.

Filipi 4:13

N zunung ɓɔɔ n palɛ rɛɛ vuu keɓe katɔ piti, nɛɛ naa vuu palɛnang ɓɔɔ Yeesɔ a m ɓɛɛ.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

1 Tesalonika 3:4

Ka ɓɔɔ bɛ̀ɛ́ ruu doo nɛɛ nɔɔ, ruu kɔɔ nɔɔ doo ka tĩng nɛɛ ruu naa dang jĩng ditɔ. A naa ɓɔɔ nɔɔ zi tɔ ɓɛɛ, ruu dang jĩng tɔ nɔngkɔ teetee.

1 Timoti 2:6

Wukɔ a yuu ɓiɓɛ, nɛɛ tɔ̀ɔ, wu ta yuu shɔnzang nandon. A yuu ɓiɓɛ teetee ka laa ɓɔɔ bɛ̀ɛ́ Laa kasɛ nɛɛ wu ta yuu zang piti kagn ɓɛɛ.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

2 Timoti 1:16

Kpanti Yeesɔ Kirisi wu palɛ Onɛsiforu nɛɛ zang gãa ɓiɓɛ tɔ̃ɔ, ka ruu ɓɔɔ, lée ka ɓɔɔ wu yi m naa ka bii diki diki kpang ɓɛɛ. Yusɛ̃ɛ ɓɔɔ zang mã m ka sãa tuu wu kpang.

2 Timoti 2:3

Naa ɓɔɔ sɔɔja tɔ̃ɔ mã danggn jĩng dannang ɓɛɛ, mã danggn dòo nɔngkɔ, naa mɔɔ dang jĩng ka ruu Yeesɔ Kirisi ɓɛɛ.

2 Timoti 2:8

Danggn Yeesɔ Kirisi ɓɔɔ zang wisi paa nɛɛ saa, wu ning mɔɔ kpang. Yeesɔ ɓɔɔ wu jaa zɔ̃ng Dawuda ɓɛɛ, naa ɓɔɔ n túsú ka yeti Ruu Tɔ̃ɔ Laa kɔ n kɔ́ɔrɔ̀ zang ɓɛɛ.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 1:2

Yɔhana ɓɔɔ kɔɔ zang vuu piti ɓɔɔ wu zili ɓɛɛ. Wukɔ bée vuu ɓɔɔ Laa kɔɔ ɓɛɛ, ɓɔɔ Yeesɔ Kirisi nwangsɛ wu ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 12:11

Ri ti ɓa wu yuu tɔ, nɛɛ naa vuu palɛnang zĩi Jaa Mɛ̀ɛrɛ́, a ɓɔɔ ka ruu ruu ɓiɓɛ ɓɔɔ ri kɔɔyi nɛɛ ɓi niizang ɓɛɛ. Ri ti kasɛ tɔ nɛɛ ri vɔrɛ ka ruu ɓiɓɛ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.