2 Timoti 1:7 - Nyaa Shɔɔ Ɓɔɔ Laa a Ɓɛɛ

⁷ Ka ruu ɓɔɔ, Suru ɓɔɔ Laa a ruu, ɓi ɓɔɔ shing ruu, ruu tuuru yusɛ̃ɛ kpang ɓɛɛ. Suru Laa keɓe, shing ruu, rùu shii ɓuru nɛɛ kaka kɔ jong, ruu kasɛ ruu zang, ruu ti yiti yuu ɓuru waasɛ̃.

2 Timoti 1:7 ပူးပေါင်းရင်းမြစ်များ

Luka 10:19

Nɔɔ zirɛ n a nɔɔ naa tɔ, nɔɔ ra ka yuu sɔkɔ nɛɛ gbuuri. Nɔɔ ti ɓa zang ɓɔɔ shing jĩng nɛɛ zang kpang yuu katɔ. Vuu ɓɔɔ kpaa nɔɔ naa ka bii kpang.

Luka 15:17

Diki bee tɔ tɔkɔlɔng, a shoo naa lu wu. A hɛ̃ɛ yuu ɓiɓɛ tɔɔ, ‘Zang shonang daa mɛɛ kagn gaagaa, ri shaa vuu shaanang ri yaa katɔ kɔ jong, n nwang ka nihn, nyɔkɔ yee m kana waati ka ruu viya?

Luka 24:49

N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”

Luka 8:35

A zang nwangkɛ, nɛɛ ri daa zi vuu ɓɔɔ palɛ ɓɛɛ. Ri a tɔ, ka bii Yeesɔ, ri zi yɔɔ ɓɔɔ suru shi kpang nwangnɛ bii ɓiɓɛ, nwang tɔ ka tĩng Yeesɔ. Hãa fɔ̃ɔrɔ tɔ̃ɔ ka bii, suru bii ɓiɓɛ ti sɔɔ tɔ ka bii ɓiɓɛ tɔkn. A zang ɓɔɔ ri kpalɛ zɔɔ ka bii Yeesɔ ri kaa vɔrɔ kati.

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 21:13

A kasɛ ruu nyaa tɔɔ, “Nɔɔ palɛ ɓu vi, nɔɔ káarɛ̀ nɔngkɔ, nɔɔ lɔɔrɔ m sisĩng viya? N daa Urushalima keɓe m katɔ. Ri nɛɛ kasɛ ri mã m katɔ kɔ shɛ̃ɛning kpang, ri nyɔ m vɔrɔ ka ruu nung Kpanti Yeesɔ, n kasɛ m tɔ.”

Zang Shonang Yeesɔ 26:11

N shingnɛ zang dang ri jĩng ka rɛɛ gãa zɔɔ kpalɛnang diki diki. N pálɛ̀ ri nɔngkɔ nɛɛ tɔ̀ɔ, ri kɔɔ vuu shi kpang ka yuu danggn ɓɔɔ ri shing ka bii Laa ɓɛɛ kati. Yeti mɛɛ lasɛ nɛɛ ri gbãng gbãng, ka ruu nɔngkɔ, n dàarɛ́ ka rɛɛ gari ɓɔɔgn, n daa dang ri jĩng ka nɔngkɔ.

Zang Shonang Yeesɔ 26:25

A Bulu kasɛ Fesitu nyaa tɔɔ, “Zang bang, yuu mɛɛ risi ka takpang, ruu kɔ n kɔɔ ɓee ɓi niizang kɔ nwani.

Zang Shonang Yeesɔ 6:8

Laa pàlɛ̀ Istifanu tɔ̃ɔ dɔɔli, a ti a wu naa vuu palɛnang, ka ruu nɔngkɔ, pálɛ́ vuu bang bang dɔɔli ɓɔɔ zang zirɛ zang mã naa ka danggn ɓɛɛ ka teteng zang.

Zang Shonang Yeesɔ 9:22

Shaawulu ti rang zang yee Laa kaa gbãng gbãng. Ruu ɓɔɔ kɔɔyi nɛɛ tɔ̀ɔ, zang zi kati nɛɛ Yeesɔ kɔ Kirisi, wu ruu ɓɔɔ mɔɔ làá nyaa kpang. Ka ruu nɔngkɔ, zang Yahudi ɓɔɔ ri ka Damasiku ri zi vuu ɓɔɔ ri kɔɔ wu takpang.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

1 Koranti 2:4

Ka ɓɔɔ n rang nɔɔ yee Laa kaɓa, n ɓakɛ nɔɔ nɛɛ zũnang shɔnzang ɓɔɔ ri ka koo keɓe kpang. Ɓi Suru Laa nɛɛ naa vuu palɛnang Laa kɔ tusu nɔɔ nɛɛ, vuu keɓe niizang kɔ nwani.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Kolosi 1:8

Kɔ̀ɔ rùu naa ɓɔɔ Suru Laa shing nɔɔ, nɔɔ kasɛ zang ɓɛɛ.

Yahudi 2:15

A Yeesɔ yaa zang naa, zang ɓɔɔ ɓu doo ɓɔɔ ri nwangnɛ ɓɛɛ, ri nwang ɓarɛ naa jaafoo ka ruu ɓɔɔ ri kaa vɔrɔ, vɔrɔ ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Yɔhana 4:18

Mɔɔ nɛɛ kasɛ zang katɔ mɔɔ kaa vɔrɔ kpang. Ka ruu ɓɔɔ, zang kasɛnang ɓɔɔ niizang nwangsɛ vɔrɔ kaanang ɓi katɔ kɔ jong ɓɛɛ. Ɓi zang ɓɔɔ palɛ vuu shi kpang kɔ kaa vɔrɔ, ka ruu ɓɔɔ, zi tɔ ka yeti ɓiɓɛ nɛɛ Laa naa dang wu jĩng ɓi katɔ ɓɛɛ. Zang ɓɔɔ rúu zang kasɛnang Laa kagn yeti ɓiɓɛ, kaa vɔrɔ ɓi kpang.