2 Timoti 1:13 - Nyaa Shɔɔ Ɓɔɔ Laa a Ɓɛɛ

¹³ Yiti rúu ɓɔɔ niizang ɓɔɔ n tusu mɔɔ ɓɛɛ gbãng gbãng. Mɔɔ ti yaa danggn shinnang nɛɛ zang kasɛnang ɓɔɔ ɓi ɓɔɔ ɓuru, ɓɔɔ ruu ɓakɛ bii tɔ nɛɛ Yeesɔ Kirisi ɓɛɛ kpang.

2 Timoti 1:13 ပူးပေါင်းရင်းမြစ်များ

Rooma 2:20

Mɔkɔ ti kpɛ̃ɛrɛ zang ɓɔɔ ri zũng kpang ɓɛɛ. Mɔɔ ti tusu zang ɓɔɔ ri zi vuu kpang naa wujɛ ɓɛɛ. Mɔɔ zi ɓaa tɔ nɛɛ, mɔɔ zi nyaa ɓɔɔ Laa dang ɓɛɛ tɔ. Ka ruu nɔngkɔ, mɔɔ zi vuu tɔ piti, vuu ɓɔɔ mɔɔ kɔɔyi ɓi ti niizang tingkiring.

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 4:9

Vuu ɓɔɔ nɔɔ kpɛ̃ɛrɛ, kɔ́ nɔɔ tarɛ ka bii mɛɛ, kɔ́ nɔɔ nɛɛ tãa ka nyaa mɛɛ, kɔ́ ɓɔɔ nɔɔ zi ka nwannang mɛɛ ɓɛɛ, nɔɔ palɛ wukɔ. Laa ɓɔɔ shingnɛ yeti zang wu valɛ ɓɛɛ, naa nwang ditɔ nɛɛ nɔɔ.

Kolosi 1:4

Ka ruu ɓɔɔ, ruu tã̀a nyaa danggn ɓɔɔ nɔɔ shing ka bii Yeesɔ Kirisi tɔ, a ɓɔɔ naa ɓɔɔ nɔɔ kasɛ ruu zang Laa nandon ɓɛɛ.

1 Tesalonika 5:21

Nɔɔ gãsɛ ruu piti ɓɔɔ wu kɔɔ ɓɛɛ katɔ. Nɔɔ palɛ vuu ɓɔɔ ɓi tɔ̃ɔ ɓɛɛ.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

1 Timoti 1:14

a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

1 Timoti 6:3

Zang ɓɔɔ nɛɛ tusu vuu ɓɔɔgn ɓɔɔ daa gbete nɛɛ ruu ɓɔɔ niizang ɓɔɔ Kpanti ɓuru Yeesɔ Kirisi nɛɛ vuu ɓɔɔ ruu tusu ka yuu gbalang Laa kɔ ruu dũng ɓɛɛ kpang.

2 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi, ka ruu ɓɔɔ, Laa kasɛ nɛɛ n nwang zang shonang ɓiɓɛ ɓɛɛ. Laa tɔɔ, n kɔɔ zang ruu, ka yuu suru bii ɓɔɔ wu a ruu nyaa nɛɛ wu naa a ruu ɓɛɛ. Suru bii keɓe, ɓɔɔ ɓuru, ka ruu ɓɔɔ, ruu ɓakɛ zɔɔ tɔ nɛɛ Yeesɔ Kirisi ɓɛɛ.

2 Timoti 1:14

Gãng jĩng ka ruu niizang ɓɔɔ Laa a mɔɔ ka naa ɓɛɛ. Yiti nɛɛ naa vuu palɛnang Suru Laa, ɓɔɔ nwang ka yeti ɓuru ruu nandon ɓɛɛ.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

2 Timoti 3:14

Ɓɔɔ ɓaaɓɛ, dũng ɓaa vuu ɓɔɔ mɔɔ kpɛ̃ɛrɛ a mɔɔ ti shing danggn tɔ kagn gbãng gbãng ɓɛɛ. Mɔɔ ti zi zang ɓɔɔ ri tusu mɔɔ vuu ɓɛɛ tɔ.

2 Timoti 4:3

Diki naa a ditɔ, diki ɓɔɔ zang ɓaa shoo ka vuu tɔ̃ɔ ɓɔɔ zang tusu kpang. Ri dũng ɓarɛ vuu ɓɔɔ yeti ɓarɛ kasɛ ɓɛɛ. Ri kpalɛ zang ɓɔɔ ri tusu vuu, nɛɛ ri tùsù ri vuu ɓɔɔ bii sháa ri, rì kasɛ tãanang ɓɛɛ.

Titu 1:9

Wu ti yiti ruu niizang ɓɔɔ ka vuu ɓɔɔ zang ɓɔɔ ri dũng Laa ri tusu ɓɛɛ gbãng gbãng. Wu palɛ nɔngkɔ, wu mã̀ zang ɓɔɔ danggn nɛɛ vuu ɓɔɔ wu tusu ɓɛɛ. Wu ti tùsù zang ɓɔɔ ri bɛ̃ɛ rúu bìí katɔ, naa ɓɔɔ ri ning gbalang ɓɛɛ.

Titu 2:1

Ɓɔɔ ɓaaɓɛ, tùsù zang ɓɔɔ ri dũng Laa ɓaa vuu ɓɔɔ daa doo vuu ɓɔɔ zang ɓɔɔ ri dũng Laa ri tusu ɓɛɛ.

Titu 2:8

Tusu vuu ɓɔɔ tɔ̃ɔ ɓɔɔ zang ɓɔɔ kɔɔ kpang nɛɛ shi kpang, kpang ɓɛɛ. Tɔ̀ɔ, yusɛ̃ɛ wu tuu zang ɓɔɔ ri shing jĩng nɛɛ mɔɔ kpang kati, ri wàlɛ̀ vuu shi kpang ɓɔɔ ri kɔ̀ɔ́ ka yuu ɓaaɓɛ kaa takpang.

Yahudi 10:23

Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.

Vuu ɓɔɔ zang nwangsɛ Yɔhana 2:25

Nɔɔ yiti vuu ɓɔɔ ka naa manɛ gbãng gbãng, n gbãayu nɛɛ mani.

Vuu ɓɔɔ zang nwangsɛ Yɔhana 3:11

N gbãayu katɔ pati. Nɔɔ yiti vuu ɓɔɔ ka naa manɛ waasɛ̃, tɔ̀ɔ, zang ɓɔɔ nwãarɛ nɔɔ, wu ta vuu ɓɔɔ Laa kasɛ nɛɛ wu a nɔɔ ɓɛɛ kpang.

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.