2 Timoti 1:12 - Nyaa Shɔɔ Ɓɔɔ Laa a Ɓɛɛ

¹² N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

2 Timoti 1:12 ပူးပေါင်းရင်းမြစ်များ

Matiyu 12:21

Zang ɓɔɔ ri dũ̀ng Laa kpang naa shing gn ka nung ɓiɓɛ kɔ.”

Matiyu 24:36

“Zang gbete ɓɔɔ zi diki, nɛɛ laa ɓɔɔ n gbãayu kagn kpang. Zang nyaa shonang Kpanti Laa ɓɔɔ ka lapa, nɛɛ n ɓɔɔ n Jaa Laa piti, ruu zi kpang, ɓi Kpanti Laa kɔ zi gbete.

Matiyu 7:22

Zang dɔɔli ri naa kɔɔ m ka diki ɓɔɔ, Laa naa jɛ̃ɛ zang ruu nɛɛ, ‘Kpanti, rùu kɔɔ zang Ruu Laa wu nɛɛ nung ɓaaɓɛ kɔ kpang ya? Ruu ti nwangsɛ suru shi kpang nɛɛ bii zang, a ɓɔɔ shonang bang ɓɔɔ ruu palɛ, zang mã naa ka danggn nɛɛ nung ɓaaɓɛ kɔ kpang ya?’

Luka 10:12

N kɔ̀ɔ́ nɔɔ, ka diki ɓɔɔ Laa naa jɛ̃ɛ zang ruu, jĩng dannang zang gari kaɓa naa ɓa ɓɔɔ zang gari Sɔɔdom katɔ.

Luka 23:46

Yeesɔ kaa nyaa ka lapa nɛɛ, “Daa mɛɛ, n a mɔɔ Suru bii mɛɛ tɔ ka naa ɓaaɓɛ.” Kɔɔ naa weɓe, a vɔrɛ.

Yɔhana 17:15

N gaa mɔɔ nɛɛ mɔɔ see ri katɔ, ri yaa koo kpang. N gaa mɔɔ nɛɛ mɔɔ yiti ri waasɛ̃. Mɔ́ɔ yaa sheetang, zang shi kpang, wu lee ri naa ka bii kpang.

Yɔhana 6:44

A kɔɔ ri tɔɔ, “Naa Daa mɛɛ ɓɔɔ shong m dɔ̃ zang, zang a ka bii mɛɛ kpang, zang ɓɔɔ zunung anang ka bii mɛɛ nɛɛ yuu ɓiɓɛ kpang. N ti naa wisi wu paa ka diki ɓɔɔ koo waa nyaa ɓɛɛ.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 21:13

A kasɛ ruu nyaa tɔɔ, “Nɔɔ palɛ ɓu vi, nɔɔ káarɛ̀ nɔngkɔ, nɔɔ lɔɔrɔ m sisĩng viya? N daa Urushalima keɓe m katɔ. Ri nɛɛ kasɛ ri mã m katɔ kɔ shɛ̃ɛning kpang, ri nyɔ m vɔrɔ ka ruu nung Kpanti Yeesɔ, n kasɛ m tɔ.”

Zang Shonang Yeesɔ 7:59

Ri luku Istifanu kana, a gaa Laa tɔɔ, “Kpanti Yeesɔ, ta suru mɛɛ ta.”

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 9:33

Zang bee ka yeti labeenang Laa nɛɛ, “Nɔɔ ɓaa shoo, ǹ shing tari ka Siyona, ɓɔɔ zang kpaa doo kagn ɓɛɛ. Tari bang ɓɔɔ shíng zang, zang watɛ ɓɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

1 Koranti 3:13

Diki ɓɔɔ shonang zang naa tusu bii kagn a ditɔ. Ka ruu ɓɔɔ, ka diki kaɓa, ɓɔɔ Yeesɔ Kirisi gbãayu ka koo keɓe, Laa naa gãsɛ shonang zang ɓu nɛɛ waa, waa kɔ naa túsù kati waasɛ̃ naa ɓɔɔ zɔ̃ng shonang zang ɓu nwàng ɓɛɛ.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

Filipi 3:10

N kasɛ m vuu gbete, wukɔ nɛɛ, n zi Kirisi nɛɛ yuu ɓiɓɛ, n ti zi naa vuu palɛnang ɓɔɔ nwangnɛ, ka ruu ɓɔɔ, Laa wisi wu paa nɛɛ saa. N kasɛ n ɓakɛ yuu jong nɛɛ wu, n dang jĩng, n nwang kaa jong naa wu ka vɔrɔ ɓɔɔ wu vɔ ɓɛɛ.

Filipi 3:21

Nɛɛ a tɔ, naa palɛ shonang nɛɛ naa vuu palɛnang bang ɓiɓɛ ɓɔɔ shing zang piti ri palɛ vuu ka naa ɓɔɔ wu kasɛ ɓɛɛ. Naa kɔ̃̀sɔ́ bii ɓuru ɓɔɔ lakɛ naa ka bii kpang, ti vɔ katɔ keɓe, wu nwang kaa naa bii ɓiɓɛ ɓɔɔ bannang kagn ɓɛɛ.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

1 Tesalonika 5:4

Rɛɛ manzung, nɔɔ nwang manɛ naa zang ɓɔɔ ri nwang ka nɔng ɓɔɔ tɔ̀ɔ katɔ kpang, tɔ̀ɔ diki keɓe wu arɛ nɔɔ mã naa ka danggn naa ɓɔɔ shɔngɓɔ a nɛɛ zĩi ɓɛɛ, nɔɔ shing gn kpang ɓɛɛ kpang.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 1:14

Gãng jĩng ka ruu niizang ɓɔɔ Laa a mɔɔ ka naa ɓɛɛ. Yiti nɛɛ naa vuu palɛnang Suru Laa, ɓɔɔ nwang ka yeti ɓuru ruu nandon ɓɛɛ.

2 Timoti 1:16

Kpanti Yeesɔ Kirisi wu palɛ Onɛsiforu nɛɛ zang gãa ɓiɓɛ tɔ̃ɔ, ka ruu ɓɔɔ, lée ka ɓɔɔ wu yi m naa ka bii diki diki kpang ɓɛɛ. Yusɛ̃ɛ ɓɔɔ zang mã m ka sãa tuu wu kpang.

2 Timoti 1:18

Kpanti Yeesɔ wu palɛ wu tɔ̃ɔ ka diki ɓɔɔ koo waa nyaa ɓɛɛ. Mɔɔ ti zì vuu ɓɔɔ wu pàlɛ̀ m ka Afisa ɓɛɛ tɔ gbayi gbayi.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 2:18

A wee Yeesɔ nɛɛ yuu ɓiɓɛ dang jĩng tɔ, a zang ti gãsɛ wu tɔ ɓee, zunung ɓɔɔ wu yi zang ɓɔɔ zang gã̀sɛ́ ri kãntang naa katɔ ka bii.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

1 Bituru 4:16

Naa zang ɓɔɔ dang jĩng, ka ruu ɓɔɔ wu dũng Kirisi, yusɛ̃ɛ wu tuu wu kpang. Wu zãa ɓi Laa kɔ jong, ka ruu ɓɔɔ, zang gã wu ɓi kaa teteng rɛɛ zang Kirisi ɓɛɛ.

1 Bituru 4:19

Ka ruu nɔngkɔ, zang ɓɔɔ ri dang jĩng ka ruu ɓɔɔ Laa kɔ kasɛ nɔngkɔ, ri palɛ tɔ̃ɔ diki diki, ri ti a Laa yuu ɓarɛ. Laa ɓɔɔ wukɔ mãa ruu, a ti palɛ vuu ɓɔɔ wu kɔɔyi nɛɛ wu palɛ katɔ ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.