2 Tesalonika 2:7 - Nyaa Shɔɔ Ɓɔɔ Laa a Ɓɛɛ

⁷ Kãntang keɓe, vuu ɓɔɔ shing zang, zang palɛ vuu shi kpang palɛ shoonang kana nɛɛ nwĩiri ka yeti shɔnzang dɔɔli. Zang ɓɔɔ maka wu, ti maka wu katɔ sasak. Zang nɛɛ naa kɔsɔ vuu bìí tɔ, tɔɔ wu naa nwangsɛ bii kati.

2 Tesalonika 2:7 ပူးပေါင်းရင်းမြစ်များ

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

2 Tesalonika 2:6

Vuu ɓɔɔ ti zãa vuu keɓe palɛnang kãntang keɓe kagn, a nɔɔ ti zi vuu keɓe tɔ. Yɔɔ ɓɔɔ dũng nyaa dannang ɓi kpang keɓe naa nwang nyaa ka diki ɓɔɔ Laa zi tɔ nɛɛ wukɔ tɔ̃ɔ ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

1 Yɔhana 4:3

Suru ɓɔɔ kɔɔyi nɛɛ Yeesɔ tuu bii shɔnzang kpang, ɓi Suru Laa kpang. Suru keɓe a ɓi nɛɛ bii zang ɓɔɔ shing jĩng nɛɛ Kirisi kpang, ɓɔɔ nɔɔ tãa nyaa nɛɛ a ditɔ ɓɛɛ. Zang kaɓa a tɔ ka koo kãntang keɓe.

Vuu ɓɔɔ zang nwangsɛ Yɔhana 17:5

Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”

Vuu ɓɔɔ zang nwangsɛ Yɔhana 17:7

Ka ruu nɔngkɔ, zang nyaa shonang Laa ɓɔɔ ka lapa ɓɛɛ kaɓa, hɛ̃ɛ m nɛɛ, “Mɔɔ mã naa ka danggn ka ruu viya? N kaaɓi n nwangsɛ mɔɔ vuu ɓɔɔ mɔɔ zi kpang ka yuu jaa soro kaɓa ɓɛɛ, nɛɛ ɓɔɔ yɔpɔ jĩngti ɓɔɔ tuu wu kaɓa, ɓɔɔ yuu ɓiɓɛ manziti, a takɛ jee kopi ɓa.