2 Tesalonika 2:2 - Nyaa Shɔɔ Ɓɔɔ Laa a Ɓɛɛ

² sisĩng wu tantɛ nɔɔ lɔɔnang kpang. Vuu bìí wu ti kpãa nɔɔ ka yeti ka ruu ɓɔɔ zang kɔɔyi nɛɛ, Diki ɓɔɔ Kpanti ɓuru gbãayu kagn a tɔ ɓɛɛ kpang. Naa doo zang nyaa shonang Laa ɓɔɔ kagn kɔɔyi, naa ti zang ɓɔɔ palɛ Laa shonang ɓɛɛ kɔ kɔɔyi, a ɓɔɔ ti nɛɛ, ka yeti labeenang ɓɔɔ zang tɔɔ a nɛɛ bii ɓuru ɓɛɛ.

2 Tesalonika 2:2 ပူးပေါင်းရင်းမြစ်များ

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Maraku 13:7

Nɔɔ nɛɛ tãayi zang nɛɛ kɔɔrɔ nɛɛ zang takɛ sĩiri ka nɔng naabm, nɛɛ ruu sĩiri ɓɔɔ zang ta kpala kpala, bii wu sɔɔ nɔɔ kpang. Vuu keɓe naa palɛ ɓi ditɔ, ɓi gn diki ɓɔɔ koo waa nyaa ɓɛɛ kpang.

Luka 21:19

Nɔɔ nɛɛ mã danggn tɔ kagn nɔɔ ta yuu manɛ katɔ.

Luka 21:9

Nɔɔ nɛɛ tãayi zang nɛɛ kɔɔrɔ nɛɛ zang takɛ sĩiri, nɛɛ zang ti palɛ nyaa, nɔɔ kaa vɔrɔ kpang. Vuu keɓe kɔ ri gaayu shɔɔnang. Nɔɔ tɔɔ kpang nɛɛ, diki ɓɔɔ koo waa nyaa a tɔ naabm kpang.”

Yɔhana 14:1

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Yeti manɛ wu lasɛ kpang. Nɔɔ shíng danggn ka bii Laa, nɔɔ ti shíng jong ka bii mɛɛ.

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

1 Koranti 14:32

Zang ɓɔɔ Laa a ri Suru ɓɔɔ ri kɔɔ zang vuu ɓɔɔ wu tusu ri, ri zunung ɓɔɔ ri yiti Suru ɓɔɔ Laa a ri kaɓa katɔ.

1 Koranti 7:26

Ɓɔɔ n zi ka yeti mɛɛ, naa zang nwang waati zang gee soro kpang, wukɔ tɔ̃ɔ. N kɔɔ nɔngkɔ, ka ruu ɓɔɔ, diki a ka naa ɓɔɔ zang dang jĩng dɔɔli ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

1 Tesalonika 3:3

Tɔ̀ɔ, zang ɓɔɔ wu yaa danggn ɓɔɔ wu shing ka bii Kirisi ka ruu jĩng ɓɔɔ zang dang nɔɔ ɓɛɛ. Nɔɔ nɛɛ yuu manɛ, nɔɔ zi tɔ nɛɛ Laa kɔ mang ka yeti ɓiɓɛ nɛɛ zang dang ruu jĩng.

1 Tesalonika 4:15

Vuu kɔ ruu tusu nɔɔ ɓee, ɓi vuu ɓɔɔ Laa tusu ɓɛɛ nɛɛ, ka diki ɓɔɔ Kpanti Yeesɔ naa gbãayu, ɓɔɔ ruu doo ningkãari ka diki kaɓa, rukɔ daa ka bii ɓiɓɛ shɔɔnang, ruu yaa zang ɓɔɔ ri vɔlɔ tɔ ɓɛɛ kpang.

1 Tesalonika 5:2

Ka ruu ɓɔɔ, nɔɔ nɛɛ yuu manɛ nɔɔ zi tɔ waasɛ̃ nɛɛ diki ɓɔɔ Kpanti Yeesɔ naa a kagn, naa nwang naa ɓɔɔ shɔngɓɔ, a nɛɛ zĩi bɛ̀ɛ́ nɔɔ shing gn kpang ɓɛɛ.

2 Tesalonika 2:15

Ka ruu nɔngkɔ, rɛɛ manzung, nɔɔ shii nɛɛ kaka, nɔɔ yiti rɛɛ ruu niizang ɓɔɔ ruu tusu, ka ɓɔɔ, ruu kɔɔrɔ nɔɔ, a ruu ti bee nɔɔ ka yeti labeenang tĩng shɔɔnang ɓɛɛ, waasɛ̃.

2 Tesalonika 3:17

N bee vuu keɓe nɛɛ naa mɛɛ. Nkɔ Bulu, n jee nɔɔ nyaa. Wee naa ɓɔɔ n bee nung mɛɛ, n nɛɛ hangsɛ labeenang tɔ ɓɛɛ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.