2 Tesalonika 2:12 - Nyaa Shɔɔ Ɓɔɔ Laa a Ɓɛɛ

¹² Laa palɛ nɔngkɔ, tɔ̀ɔ, zang piti ɓɔɔ ri shing danggn ka ruu ɓɔɔ niizang ka yuu Kpanti ɓuru Yeesɔ kpang, ri tãa ɓarɛ tĩnang vuu shi kpang ɓɔɔ ri palɛ ɓɛɛ, tɔ̀ɔ, wu kɔɔ kati nɛɛ ri palɛ vuu shi kpang tɔ.

2 Tesalonika 2:12 ပူးပေါင်းရင်းမြစ်များ

Maraku 14:11

Ɓɔɔ ri tãa naa weɓe, ri tãa tĩnang dɔɔli. A ri kɔɔ wu nɛɛ ri naa a wu saka. A Yahuda gaa tɔɔsung gbalang kãanang naa ɓɔɔ wu naa nyɔ ri yuu Yeesɔ ɓɛɛ kati.

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

1 Koranti 13:6

Zang ɓɔɔ kàsɛ̀ zang katɔ, naa zang palɛ vuu tɔ̃ɔ tãa tĩnang katɔ. Naa zang palɛ vuu shi kpang, tãa tĩnang kpang.

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

2 Tesalonika 2:10

Naa nwãarɛ zang ɓɔɔ ri naa shaarɛ katɔ ɓɛɛ, nɛɛ zɔ̃ng nwannang ɓɔɔ a nɛɛ bii vuu shi kpang ɓɛɛ, ka zɔ̃ng zɔ̃ng. Ri shaarɛ ka ruu ɓɔɔ ri kasɛ ruu ɓɔɔ niizang a ri ti tarɛ, tɔɔ zang ta yuu ɓarɛ kati kpang ɓɛɛ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.