2 Tesalonika 1:8 - Nyaa Shɔɔ Ɓɔɔ Laa a Ɓɛɛ

⁸ Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

2 Tesalonika 1:8 ပူးပေါင်းရင်းမြစ်များ

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Yɔhana 3:19

Laa dɔ̌ng zang ɓɔɔ bɛ̃ɛ Jaa gbete ɓiɓɛ ruu ka ruu ɓɔɔ, Laa shɔng nɔng yakɛnang ka koo, a zang ri kasɛ nɔng ɓɔɔ tɔ̀ɔ katɔ kɔ jong, ɓa nɔng yakɛnang ɓɛɛ. Ka ruu ɓɔɔ, bɛ̀ɛ́ ri pálɛ̀ ɓarɛ vuu shi kpang kɔ nwani ɓɛɛ.

Yɔhana 8:19

A ri hɛ̃ɛ wu nɛɛ, “Daa ɓaaɓɛ ɓu kiya?” Yeesɔ kasɛ ri nyaa tɔɔ, “Nɔɔ zi m kpang, nɔɔ ti zi Daa mɛɛ doo kpang kɔ. Naa nɔɔ nɛɛ zi m tɔ, nɔɔ nɛɛ ti zi Daa mɛɛ tɔ kɔ doori.”

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 10:16

A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 15:18

N rang yee, n waasɛ vuu ɓɔɔ kpang ka yuu vuu ɓɔɔ Kirisi shing m n palɛ ɓɛɛ. Ka ɓɔɔ n shing zang ɓɔɔ ri zang Yahudi kpang, ri ɓaa shoo kaa tɔ ka nyaa Laa ɓɛɛ. N shing ri nɛɛ rúu ɓɔɔ n kɔɔ ri, nɛɛ vuu ɓɔɔ n palɛ ɓɛɛ.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 6:16

Nɔɔ zi tɔ nɛɛ, naa nɔɔ a zang ɓɔɔ yuu manɛ nɛɛ nɔɔ nwang jaafoo ɓiɓɛ, nɔɔ ɓaa shoo ka nyaa ɓiɓɛ. Nɔɔ manɛ jaafòó zang gãa ɓɔɔ nɔɔ ɓaa shoo ka nyaa ɓiɓɛ ɓɛɛ. Naa nɔɔ ɓaa shoo doo ka nyaa vuu shi kpang ɓɔɔ nwǎng zang vɔrɔ ɓɛɛ, naa nɔɔ ti ɓaa shoo ka nyaa Laa, tɔ̀ɔ, Laa wu ta nɔɔ nɛɛ nɔɔ zang tɔ̃ɔ ka tĩng ɓiɓɛ ɓɛɛ.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

2 Koranti 10:5

Ruu ningsi nyaa laanang nɛɛ yuu tuunang, ɓɔɔ zãa zang nɛɛ zang ri zi Laa kpang ɓɛɛ. Ruu kɔsɔ nɛɛ kaaɓa. Ruu shing ri, ri rɛ̃rɛ rɛ̃rɛnang ka doo vuu ɓɔɔ Yeesɔ Kirisi kasɛ ɓɛɛ.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 4:8

Ɓeleng bɛ̀ɛ́ nɔɔ zi Laa gn kpang, a nɔɔ nwang jaafoo vuu ɓɔɔ ri vuu gãnti kɔ shɛ̃ɛning.

1 Tesalonika 4:5

Wu ka gbalang dũndũng palɛnang kpang, naa zang ɓɔɔ ri zi Laa kpang ɓɛɛ.

Yahudi 10:27

Ɓi kaa jĩng vɔrɔ kaanang, ɓɔɔ zang kaɓa naa dang ka diki ɓɔɔ Laa naa jɛ̃ɛ zang ruu ɓee, kɔ yaa shɛ̃ɛning, nɛɛ waa ɓɔɔ shing baabii dɔɔli, ɓɔɔ naa shaa zang ɓɔɔ ri shing jĩng nɛɛ Laa kpang ɓɛɛ.

Yahudi 10:30

Ka ruu ɓɔɔ, ruu zi zang ɓɔɔ kɔɔyi nɛɛ, “Pãng waanang ɓi ɓɔɔ mɛɛ, nkɔ naa waayi,” ɓɛɛ nung tɔ. A ti kɔɔ tɔkn nɛɛ “Kpanti Laa naa jɛ̃ɛ zang ɓiɓɛ ruu ditɔ”.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

Yahudi 12:29

Ka ruu ɓɔɔ, naa ɓɔɔ waa shaarɛ vuu piti katɔ Laa dang zang ɓɔɔ ri ɓaa shoo ka yee ɓiɓɛ kpang jĩng doo nɔngkɔ, wu ningsi ri piti.

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 3:6

Saratu nwáng dòo nwannang keɓe kɔ. A Ibirayi bannang, ɓaa wu nɛɛ, “Daa mɛɛ”. Nɔɔ nɛɛ nwang nwannang ɓɔɔ tɔ̃ɔ, nɔɔ nɛɛ ti kaa vɔrɔ vuu ɓɔɔ kpang ɓɛɛ, kãntang nɔɔ kaa wujɛ ɓiɓɛ kɔ.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.

Vuu ɓɔɔ zang nwangsɛ Yɔhana 20:10

A kpanti suru shi kpang ɓɔɔ nwãarɛ ri ɓɛɛ, zang tasɛ wu ka too waa kaɓa ɓɔɔ tari ɓɔɔ shaa waa katɔ kagn ɓɛɛ. Nɔng ɓɔɔ bɛ̀ɛ́ zang tásɛ́ rɛɛ yɔpɔ jĩngti kagn, nɛɛ zang ɓɔɔ suu sèé nɛɛ wu zang nyaa shonang Laa ɓɛɛ. Ri nwang ka nɔngkɔ, ri dang jĩng nɛɛ zĩi nɛɛ laagɛ̃ gbinggbing.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 6:10

A ri mɛɛ nyaa nabm nɛɛ, “Laa ɓɔɔ mɔkɔ kpanti ɓɛɛ, shi kpang ka bii ɓaaɓɛ kpang. Mɔkɔ kɔɔ ruu ɓɔɔ niizang ɓɛɛ, ruu nwáng diki nɛya ka nihn, tɔ̀ɔ, mɔɔ dɔng zang koo ɓɔɔ ri nyɔkɔ rùu ruu, mɔɔ waa ruu pãng wiya?”