2 Tesalonika 1:12 - Nyaa Shɔɔ Ɓɔɔ Laa a Ɓɛɛ

¹² Ka naa weɓe kɔ, zang a Kpanti ɓuru Yeesɔ bannang ka ruu shonang ɓɔɔ wu palɛ nɛɛ bii manɛ ɓɛɛ. A ɓɔɔ nɔɔ ti palɛ nɛɛ bii ɓiɓɛ, ka Ruu Tɔ̃ɔ Laa ɓuru, nɛɛ ɓɔɔ Kpanti ɓuru Yeesɔ Kirisi.

2 Tesalonika 1:12 ပူးပေါင်းရင်းမြစ်များ

Yɔhana 17:10

Zang mɛɛ piti ɓi ɓɔɔ ɓaaɓɛ, a zang ɓaaɓɛ piti ti ɓɔɔ mɛɛ. N ti walɛ bannang tɔ ka ruu ɓarɛ.

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

1 Koranti 1:4

N zãa Laa diki diki, ka ruu manɛ, ka ruu tɔ̃ɔ bang ɓɔɔ wu pàlɛ̀ nɔɔ ka ɓɔɔ nɔɔ ɓakɛ zɔɔ nɛɛ Yeesɔ Kirisi ɓɛɛ.

2 Koranti 13:4

Ka ɓɔɔ zang ɓaa wu naa ka laa, bɛ̀ɛ́ lakɛ naa ka bii kpang, a nwàng ningkãari kãntang keɓe nɛɛ naa vuu palɛnang Laa. Ka ɓɔɔ ruu ɓakɛ zɔɔ nɛɛ wu ɓɛɛ, ruu lakɛ naa doo ka bii kpang kɔ. Vuu ɓɔɔ ruu naa palɛ nɛɛ nɔɔ, ruu naa ɓakɛ yuu kaa nɛɛ Kirisi, ruu walɛ naa vuu palɛnang Laa kati, ruu palɛ nɔɔ shonang nɛɛ mani.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

2 Tesalonika 1:10

Ka diki ɓɔɔ wu arɛ ɓɛɛ, tɔ̀ɔ zang ɓiɓɛ nandon ɓɔɔ ri shing danggn tɔ, ri dɔ̀ɔ wu ri a wu bannang kati. Nɔɔ naa nwang jong ka teteng ɓarɛ, ka ruu ɓɔɔ, nɔɔ shíng danggn tɔ, ka ruu ɓɔɔ, ruu kɔ̀ɔ nɔɔ ɓɛɛ.

Titu 2:11

Ka ruu ɓɔɔ, Laa túsú tɔ̃ɔ ɓiɓɛ ɓɔɔ wu ta yuu zang piti nɛɛ mani tɔ ɓɛɛ.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.

Vuu ɓɔɔ zang nwangsɛ Yɔhana 1:4

Labeenang keɓe nɛɛ bii mɛɛ, nkɔ Yɔhana n bèé nɔɔ zang Laa ɓɔɔ nɔɔ ka rɛɛ Gãa Laa manziti ɓɔɔ ka tipi Asiya ɓɛɛ. Laa wu palɛ nɔɔ tɔ̃ɔ, wu shingnɛ yeti manɛ wu valɛ katɔ. Laa ɓɔɔ ɓi ningkãari kãntang keɓe, ɓɔɔ bɛ̀ɛ́ ɓi ningkãari, ka ɓɔɔ bɛ̀ɛ́ zang mãa koo gn kpang, ɓɔɔ ti naa gbãayu ditɔ ka koo keɓe ɓɛɛ. Rɛɛ suru Laa manziti ɓɔɔ ri shiiri ka tĩng ɓiɓɛ, ka ɓɔɔ wu nwang ka yuu laa kpanti ɓiɓɛ ɓɛɛ. Ri palɛ nɔɔ tɔ̃ɔ jong, ri ti shingnɛ yeti manɛ wu valɛ katɔ.