2 Tesalonika 1:11 - Nyaa Shɔɔ Ɓɔɔ Laa a Ɓɛɛ

¹¹ Vuu ɓɔɔ shingnɛ ruu gaa nɔɔ Laa diki diki ɓɛɛ kɔ. Ruu kɔɔ Laa ɓuru nɛɛ wu shingnɛ nɔ́ɔ daa naa nwannang kɔ wu ɓàa nɔɔ nyaa nɛɛ nɔɔ nwang ɓee katɔ. Wu ti shingnɛ nɔɔ palɛ tɔ̃ɔ ɓɔɔ nɔɔ kasɛ nɛɛ nɔɔ palɛ ɓɛɛ nandon. Wu ti yi nɔɔ naa ka bii nɛɛ naa vuu palɛnang ɓiɓɛ, nɔ́ɔ nwang nwannang ɓɔɔ daa naa ɓɔɔ zang ɓɔɔ ri shing danggn tɔ ɓɛɛ.

2 Tesalonika 1:11 ပူးပေါင်းရင်းမြစ်များ

Maraku 4:28

Ɓi tipi palɛ vuu, vuu ti tarɛ. Gaayu nɛɛ lagbãng, wu ti naa nwangsɛ yuu, tɔɔ wu shing jĩng kati.

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 11:29

Ka ruu ɓɔɔ, Laa nɛɛ zɔ̃́ng zang tɔ, bɛ̃ɛ ri ɓi takpang, nɛɛ ti a zang vuu tɔ, tà ɓi tɔ̀ɔ́ tɔkn kpang.

Rooma 15:14

Manzung ɓɔɔ ri dũng doo Laa kɔ ɓɛɛ, n nɛɛ yuu mɛɛ n zi tɔ, nɔɔ palɛ tɔ̃ɔ dɔɔli. Nɔɔ ti zi vuu ɓɔɔ nɔɔ palɛ tɔ nandon. Nɔɔ zunung naa ɓɔɔ nɔɔ tusu zɔɔ vuu tɔ.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

Afisa 1:16

n yaa ɓɔɔ n zãa Laa ka ruu manɛ kpang. Danggn manɛ ning m ka ɓɔɔ n gaa Laa diki diki kpang.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 3:14

N daa nɛɛ tĩng kɔ sasak, tɔ̀ɔ, n daa shɛ̃ɛ nɔng ɓɔɔ n shing jĩng kagn ka tĩng ɓɛɛ. Tɔ̀ɔ, n naa walɛ vuu ɓɔɔ Laa ɓaa m nyaa nɛɛ n naa walɛ nɛɛ bii Yeesɔ Kirisi ɓɛɛ. Laa nɛɛ, n naa nwang nɛɛ wu ka lapa.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

2 Tesalonika 1:5

Vuu keɓe nandon tusu nɛɛ Laa jɛ̃ɛ zang ruu ɓi gn dang gbete kpang. Ka ruu nɔngkɔ, nɔɔ naa daa naa ɓɔɔ Laa nwang Kpanti manɛ katɔ. Vuu ɓɔɔ nɔɔ dang jĩng ka ruu ɓiɓɛ ɓɛɛ kɔ.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

Vuu ɓɔɔ zang nwangsɛ Yɔhana 3:4

A zang ɓɔɔ kaa gn teteng manɛ, ka Sadisu ka nɔngkɔ, ɓɔɔ ri tɔ̀ɔ fɔ̃ɔrɔ ɓarɛ kpang ɓɛɛ. Zang kaɓa ri naa hã̀lɛ́ fɔ̃ɔrɔ puru ri rakɛ nɛɛ n, ka ruu ɓɔɔ, nwannang ɓarɛ daa naa tɔ ɓɛɛ.

Vuu ɓɔɔ zang nwangsɛ Yɔhana 5:10

Mɔɔ risi ri nɛɛ ri nwáng zang ɓɔɔ mɔkɔ kpanti ɓarɛ ɓɛɛ, a ri ti nwang zang ɓɔɔ ri dɔɔ vuu ka Gãa Laa ɓɔɔ ri palɛ Laa ɓuru shonang ɓɛɛ. Rikɔ roo kpanti ka koo keɓe.”