2 Koranti 8:9 - Nyaa Shɔɔ Ɓɔɔ Laa a Ɓɛɛ

⁹ Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

2 Koranti 8:9 ပူးပေါင်းရင်းမြစ်များ

Matiyu 17:27

A ka ruu ɓɔɔ rùu nɛ̀ɛ́ lasɛ ri yeti ɓɛɛ, dita ka mii waapo, mɔɔ daa loo galong. Tuu jaazĩi ɓɔɔ mɔɔ gaayu yinang mɔɔ puu nyaa ɓiɓɛ. Mɔɔ wàlɛ́ saka ɓɔɔ daa ɓɔ̀ɔ́ gãa Laa shunang ɓaaɓɛ nɛɛ ɓɔɔ mɛɛ piti ditɔ ka nyaa ɓiɓɛ. Tuu saka kaɓa, mɔɔ a ri, ka ruu ɓaaɓɛ nɛɛ ɓɔɔ mɛɛ.”

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Maraku 6:3

Wee ɓu zang ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ Yakub nɛɛ Yose nɛɛ Yahuda nɛɛ Siman kɔ jaa niiɓɛ kpang ya? Wu ti rɛɛ jaa niiɓɛ ɓɔɔ soro kɔ nɛɛ ruu ka nihn kpang ya?” Gnvɔ shaa ri, ri bɛ̃ɛ wu kati.

Luka 16:11

Naa nɔɔ shing jĩng ka vuu naa ɓɔɔ koo keɓe tɔ̃ɔ tɔ̃ɔ kpang, ɓu wi yàá nɔɔ vuu naa ɓɔ̀ɔ́ Suru Laa ka naa wiya?

Luka 2:7

a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Luka 8:3

Nɛɛ Yuwana soro Kuza ɓɔɔ palɛ shonang ka dabang Kpanti Hiridu ɓɛɛ, nɛɛ Susana, a ɓɔɔ zang soro ɓɔɔgn gaagaa, ɓɔɔ ri see vuu naa ɓarɛ, ri kãa Yeesɔ nɛɛ zang ɓɔɔ ri mantɛ vuu ka bii ɓiɓɛ vuu shaanang nɛɛ mani ɓɛɛ.

Luka 9:58

A Yeesɔ kɔɔ wu tɔɔ, “Yeng rɛɛ yaka jĩngti kagn, a saara jaaning ti kagn, a gãa ɓɔɔ Jaa shɔnzang roo ɓi kagn kpang.”

Yɔhana 1:10

Bɛ̀ɛ́ ka yeti koo kɔ nwani, wukɔ ti mãa koo keɓe, a zang ɓɔɔ ri ka koo ri zi wu kaa takpang.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 12:30

Yeesɔ kɔɔ ri tɔɔ, “Yèe ɓɔɔ nɔɔ tãa ɓɛɛ, ɓi ka ruu mɛɛ kpang, ɓi ka ruu manɛ kɔ.

Yɔhana 16:15

Vuu Daa mɛɛ piti ɓi ɓɔɔ mɛɛ, ka ruu nɔngkɔ, n kɔɔ nɛɛ Suru Laa naa tuu yee ɓɔɔ n a wu, wu kɔɔ nɔɔ.

Yɔhana 17:19

N a mɔɔ yuu mɛɛ, ka ruu ɓarɛ kɔ, tɔɔ ri a mɔɔ yuu ɓarɛ kaa jong niizang.”

Rooma 11:12

Vuu shi kpang ɓɔɔ zang Yahudi ri palɛ kɔ shingnɛ Laa a zang koo vuu tɔ̃ɔ dɔɔli. A ka ruu gbalang ɓɔɔ zang Yahudi ning ɓɛɛ, Laa shing zang ɓɔɔ ri zang Yahudi kpang ri tãa tĩnang dɔɔli. Laa nɛɛ ta yuu zang Yahudi tɔ jong nandon, tĩnang naa shang kaa dɔɔli kɔ jong kpang ya?

Rooma 15:3

Ka ruu ɓɔɔ, Kirisi palɛ ɓi vuu ɓɔɔ wu tãa tĩnang ka bm kpang ɓɛɛ. Naa ɓɔɔ labeenang Laa kɔɔ ɓɛɛ, “Dãanang ɓɔɔ zang dãa nɔɔ, zang dãa Nkɔ”.

Rooma 5:8

Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

1 Koranti 1:4

N zãa Laa diki diki, ka ruu manɛ, ka ruu tɔ̃ɔ bang ɓɔɔ wu pàlɛ̀ nɔɔ ka ɓɔɔ nɔɔ ɓakɛ zɔɔ nɛɛ Yeesɔ Kirisi ɓɛɛ.

1 Koranti 15:47

Laa mãa Adamu ɓɔɔ tĩng shɔɔnang ɓi nɛɛ tapuru ɓɔɔ ka tipi ɓɛɛ. Adamu ɓɔɔ ɓang wu, a ɓi nɛɛ lapa.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Afisa 3:19

Nɔ́ɔ ti zi zang kasɛnang kɔ ɓa naa ɓɔɔ zang zi dĩiri ɓiɓɛ katɔ ɓee. Tɔ̀ɔ, vuu piti wu nwang kaa bii manɛ nyaa kiiri.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

Vuu ɓɔɔ zang nwangsɛ Yɔhana 2:9

N zi jĩng ɓɔɔ nɔɔ dang ɓɛɛ tɔ. N ti zi tɔ, nɔɔ vuu ka naa kpang. A niizang nɔɔ wu vuu ka naa kpang, kpang, nɔɔ manɛ wujɛ ying. N ti zi naa ɓɔɔ zang kaɓa ɓɔɔ ri suu sèé, ri tuu yuu ɓarɛ naa ri zang Yahudi, ri rangkɛ ruu shi kpang ka yuu manɛ tɔ. Ri ɓarɛ zang ɓɔɔ ri dũng Sheetang ɓɛɛ.

Vuu ɓɔɔ zang nwangsɛ Yɔhana 21:7

Zang ɓɔɔ nɛɛ ɓa vuu gãsɛnang yuu, zang naa alɛ wu vuu keɓe nandon. N ti naa nwang Laa ɓiɓɛ, wu nwang ɓi kaa jaa mɛɛ.

Vuu ɓɔɔ zang nwangsɛ Yɔhana 3:18

Ka ruu nɔngkɔ, n kɔɔ nɔɔ, nɔɔ arɛ nɔ́ɔ hoo zɔ̃ng zinariya ɓɔɔ zang dɔɔ nɛɛ waa nɛɛ, tɔ̀ɔ, bii ɓiɓɛ wu turɛ wu nwang kaa tɔ̃ɔ ɓɛɛ, tɔ̀ɔ, nɔ́ɔ nwang kaa zang ying ɓɔɔ niizang ɓɛɛ. Nɔɔ ti arɛ nɔɔ hooro fɔ̃ɔrɔ puru nɔ́ɔ hãayi, tɔ̀ɔ, bii bɔ̃bɔ̃rɔ manɛ wu shing kaa tɔ̀ɔ́ yusɛ̃ɛ wu tuu nɔɔ kpang. Nɔɔ hoo gãnang ɓɔɔ zang tɛ̃̀ɛ́ nɔɔ ka jĩng ɓɛɛ, tɔ̀ɔ, nɔ́ɔ zi nɔng kati.