2 Koranti 8:6 - Nyaa Shɔɔ Ɓɔɔ Laa a Ɓɛɛ

⁶ Bɛɛ Titu gaayu tɔ, kpálɛ́ vuu ɓɔɔ nɔɔ alɛ waati nɛɛ yeti gbete, a ruu kɔɔ wu nɛɛ wu yaa kpang, wu hangsɛ shonang bìí katɔ.

2 Koranti 8:6 ပူးပေါင်းရင်းမြစ်များ

Zang Shonang Yeesɔ 24:17

“Saa mɛɛ bee tɔ tɔkɔlɔng n daa Urushalima kpang. Wee n nɛɛ daayi, n tɔɔ n daa a rɛɛ zang mɛɛ ɓɔɔ vuu ka naa kpang vuu ɓɔɔ zang kpalɛ, ń ti dɔɔ Laa vuu vaa.

Rooma 15:25

A kãntang keɓe, n daa doo ka gari Urushalima, n daa a ri vuu ɓɔɔ yi ri naa ka bii ɓɛɛ.

2 Koranti 12:18

N gàa Titu nɛɛ wu daayi, a n shong manzung ɓuru ɓɔɔ dũng doo Laa kɔ ɓɛɛ nɛɛ, wu daa nɛɛ wu. Titu shaa nɔɔ katɔ ya? Ruu nɛɛ Titu ruu palɛ vuu ɓuru yeti gbete, a gbalang ɓuru ti gbete kpang ya?

2 Koranti 2:13

A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

2 Koranti 8:10

Vuu ɓɔɔ n zi ka yeti mɛɛ keɓe, nɔɔ hangsɛ vuu ɓɔɔ nɔɔ gaayu sáa ɓɔɔ ta. Wu nɔkɔ gaayu vuu keɓe palɛnang shɛ̃ɛning kpang, nɔkɔ gaayu kasɛnang nɛɛ nɔɔ palɛ katɔ.

2 Koranti 8:19

Wu nɔngkɔ shɛ̃ɛning kpang, zang ɓɔɔ ri dũng Laa, ri zɔ̃ng wu tɔ, nɛɛ wu rakɛ nɛɛ ruu, ka ɓɔɔ ruu daa nɛɛ vuu kɔ zang kpalɛ ɓee. Vuu kɔ ruu bàsɛ́ ɓee, tɔ̀ɔ, wu a Kpanti Yeesɔ Kirisi bannang, wu ti tusu nɛɛ ruu kasɛ katɔ ruu yi zang ɓɔɔ ri dũng doo Laa kɔ naa ka bii.

2 Koranti 8:23

Titu ɓi zang ɓɔɔ rakɛ nɛɛ n ɓɛɛ, palɛ shonang ɓi nɛɛ n, tɔ̀ɔ, ruu yi nɔɔ naa ka bii. Zang ziti ɓɔɔ ri daa nɛɛ wu keɓe, ri daa ɓarɛ ka nung zang ɓarɛ, shonang ɓarɛ shingnɛ, zang a Kirisi bannang.

2 Koranti 8:4

Ri gàa ruu, ri ti bàkɛ̀ ruu nɛɛ ruu yaa ri jong ri yi zang ɓɔɔ ri dũng doo Laa kɔ, ɓɔɔ ri ka tipi Yahudi naa jong ka bii.

2 Koranti 9:5

Ka ruu nɔngkɔ, n rɛ̃rɛ ka yeti, n tɔ̀ɔ, naa n dɔ̃ rɛɛ manzung ɓuru keɓe ka tĩng ka bii manɛ, ri daa kpalɛ vuu ɓɔɔ nɔɔ tɔɔ nɔɔ a zang ɓɛɛ wukɔ tɔ̃ɔ. N a m kaa knti. Ɓɔɔ n arɛ bɛ̀ɛ́ nɔɔ kpalɛ vuu tɔ, tɔ̀ɔ, wu nwang kaa naa nɔɔ kasɛ katɔ nɔ́ɔ a zang, zang mã nɔɔ nyaa katɔ kpang.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.