2 Koranti 8:3 - Nyaa Shɔɔ Ɓɔɔ Laa a Ɓɛɛ

³ N kɔ̀ɔ́ nɔɔ, ri a vuu ɓɔɔ ri zunung anang katɔ ɓɛɛ, vuu ɓɔɔ ri alɛ ɓa ɓɔɔ ri nɛɛ a ɓɛɛ katɔ. Zang ɓɔɔ mã ri nyaa kagn kpang.

2 Koranti 8:3 ပူးပေါင်းရင်းမြစ်များ

Maraku 14:8

Palɛ ɓi vuu ɓɔɔ wu zunung katɔ ɓɛɛ. Tũuru m ɓi kaa nung ɓɔɔ zang nɛɛ naa tũuru vɔrɔ mɛɛ, tɔ̀ɔ, zang gbãa kati kɔ nwani.

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

Rooma 10:2

N kɔɔ ruu katɔ ka yuu ɓarɛ nɛɛ, ri kasɛ katɔ gbãng gbãng nɛɛ ri pàlɛ́ Laa shonang. A ri zi gbalang ɓɔɔ ri pàlɛ́ Laa shonang kaa tɔ̀ɔ́ tɔ̃ɔ kpang.

1 Koranti 16:2

Ka diki Laadi, zang ɓu wu zɔ̃ng vuu ɓɔɔ ka yeti saka ɓiɓɛ ɓɔɔ Laa a wu ɓɛɛ. Wu shingnɛ ka ruu shonang Laa palɛnang. Nɔɔ palɛ nɔngkɔ sasak tɔ̀ɔ, ka laa ɓɔɔ n naa arɛ n leng nɔɔ, nɔɔ naa kpálɛ̀ saka ɓɔɔ kaa takpang.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

Galati 4:15

Kãntang keɓe, ɓu vi palɛ tĩnang ɓɔɔ nɔɔ tãa gbãng gbãng kaa viya? N nɛɛ yuu mɛɛ n kɔɔ ruu keɓe katɔ nɛɛ, naa nɔɔ nɛɛ zunung katɔ, nɔɔ nɛɛ zɔ̃ngkɔ jĩng manɛ katɔ nɔɔ nɛɛ a m.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Kolosi 4:13

N kɔɔ ruu katɔ tɔ̃ɔ ka yuu shonang ɓɔɔ wu pálɛ̀ gbãng gbãng ka ruu manɛ ɓɛɛ. A ɓɔɔ ka ruu zang ɓɔɔ ri ka gari Lawodikiya nɛɛ gari Hirapoli.

1 Tesalonika 2:8

Ka ruu ɓɔɔ, ruu kasɛ nɔɔ katɔ ɓɛɛ, ruu kpalɛ bii tɔ ruu kɔɔ nɔɔ wu Ruu Tɔ̃ɔ Laa kɔ shɛ̃ɛning kpang, ruu ti vɔ ka ruu manɛ ka ruu ɓɔɔ ruu kasɛ nɔɔ katɔ gbãng gbãng.

Filimon 1:14

A n kasɛ kaa tɔ̀ɔ́ n palɛ vuu ɓɔɔ n kɔɔ mɔɔ nyaa kagn kpàng, kpang. N kasɛ tɔ̃ɔ ɓɔɔ mɔɔ pàlɛ́ m, wu nwang nɛɛ yeti ɓaaɓɛ, wu vuu ɓɔɔ nwang naa zang shing mɔɔ nɛɛ gbãng gbãng ning, mɔɔ pálɛ́ ɓɛɛ kpang.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

1 Bituru 5:2

gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.