2 Koranti 7:9 - Nyaa Shɔɔ Ɓɔɔ Laa a Ɓɛɛ

⁹ A kãntang keɓe, n tãa tĩnang tɔ kati, wu ka ruu ɓɔɔ n lasɛ nɔɔ yeti ɓɛɛ kpang. Ɓi kaa ruu ɓɔɔ yeti ɓɔɔ lasɛ nɔɔ, shing nɔɔ tɔ, nɔɔ kɔ̃sɔ yeti tɔ ɓɛɛ. Yeti ɓɔɔ lasɛ nɔɔ ɓi Laa shingnɛ, ka ruu nɔngkɔ, ruu pàlɛ̀ nɔɔ vuu shi kpang ɓɔɔ kagn nɛɛ vuu kɔ ruu pálɛ́ ɓɛɛ kpang.

2 Koranti 7:9 ပူးပေါင်းရင်းမြစ်များ

Matiyu 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ.

Luka 15:10

A Yeesɔ naa hangsɛ nyaa kaa tɔɔ, ‘Zang nyaa shonang Laa ɓɔɔ ri ka lapa, ri tãa tĩnang doo nɔngkɔ, ka ruu zang gbete ɓɔɔ palɛ vuu shi kpang, ɓɔɔ yaa vuu shi kpang ɓiɓɛ a kɔ̃sɔ yeti ɓiɓɛ ɓɛɛ.’ ”

Luka 15:32

Daa ɓɔɔ ruu shaa vuu shaanang ruu tãa tĩnang tɔ, ka ruu ɓɔɔ, jaa naaɓɛ keɓe nwang naa ɓɔɔ vɔ katɔ a hingsi jĩng tɔkn. Ning katɔ, a n ĩi wu tɔkn ɓɛɛ.’ ”

Luka 15:7

A Yeesɔ hangsɛ nyaa tɔɔ, ‘Zang Laa ɓɔɔ ka lapa tã̀á tĩnang doo nɔngkɔ, ka ruu zang gbete ɓɔɔ palɛ vuu shi kpang ɓɔɔ yaa vuu shi kpang ɓiɓɛ, a kɔ̃sɔ yeti ɓiɓɛ ɓɛɛ. Tĩnang tãanang kaɓa, ɓa ɓɔɔ zang tãa ka ruu zang laa dɛ̃ɛti tu kopi tu mandɛ̃ɛti ɓɔɔ ri tɔɔ ri palɛ vuu shi kpang ɓarɛ kpang ɓɛɛ katɔ.’

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 2:16

Ka nɔng zang ɓɔɔ ri shàarɛ́ katɔ, ɓi vuu ɓɔɔ a sɛ̃ɛ ɓɔɔ nyɔ zang vɔrɔ ɓɛɛ. Ka nɔng zang ɓɔɔ Laa ta yuu ɓarɛ kana, ɓi vuu ɓɔɔ a zang suru bii ɓɛɛ. Ɓu wi zunung shonang keɓe palɛnang wiya?

2 Koranti 7:8

Labeenang ɓɔɔ n bèe nɔɔ lasɛ nɔɔ yeti katɔ, a n tɔ̀ɔ, kaa takpang nɛɛ n nɛ̀ɛ́ bee nɔɔ labeenang bìí kpang, kpang. N zi tɔ labeenang bii lasɛ nɔɔ yeti katɔ, diki bée kaa takpang, yeti mɛɛ lasɛ kaa jong tɔkɔlɔng.