2 Koranti 7:7 - Nyaa Shɔɔ Ɓɔɔ Laa a Ɓɛɛ

⁷ Wu anang ɓiɓɛ kɔ shɛ̃ɛning shingnɛ yeti ɓuru valɛ kpang, ɓɔɔ ti kaa ruu naa ɓɔɔ nɔɔ mã wu danggn, ɓɔɔ wu kɔɔ ruu ɓɛɛ. Kɔɔ ruu naa ɓɔɔ nɔɔ kasɛ m zinang katɔ gbãng gbãng ɓɛɛ, a yeti ti lasɛ nɔɔ tɔ, ka ruu ɓɔɔ, nɔɔ lasɛ m yeti ɓɛɛ. Nɛɛ nɔɔ kasɛ tɔ kati, nɔɔ ta m nyaa kaa tɔ. Kãntang keɓe n tãa kaa tĩnang gbãng gbãng.

2 Koranti 7:7 ပူးပေါင်းရင်းမြစ်များ

Matiyu 26:75

A Bituru naa kpaa danggn ruu ɓɔɔ Yeesɔ kɔɔ wu tɔɔ, “Ɓɔɔ kǹ naa ɓáa nyaa, bɛ̀ɛ́ mɔɔ laa nyaa mɛɛ tɔ daa doo taati.” A Bituru nwangnɛ, daa kaa ka biling zɛ̃ɛzɛ̃ɛ.

Matiyu 5:4

Tĩnang tãanang ɓi ɓɔ̀ɔ́ zang ɓɔɔ ri káa katɔ ɓɛɛ, Kpanti Laa naa àlɛ́ ri miiri ditɔ.

Luka 22:44

Rɛ̃rɛnang jĩng dannang keɓe, shing wu, gaa Laa kaa gbãng gbãng nɛɛ gn ɓiɓɛ gbete. Ka ruu nɔngkɔ, yannang sɔ̃lɔ nɛɛ nyaating ɓiɓɛ, mɔɔ kɔɔ nɛɛ zĩi sɔ̃lɔ.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Rooma 1:12

N tɔɔ, n kɔɔyi nɛɛ, ruu mã nɔɔ zɔɔ danggn, nɛɛ danggn ɓɔɔ ruu shing ka bii Laa ɓɛɛ.

1 Koranti 5:2

Zang ri nɛɛ pálɛ̀ naa weɓe ka teteng manɛ, nɔɔ palɛ biya nɔɔ tuu yuu manɛ viya? Nɔɔ káa katɔ kɔ jong, ka ruu vuu shi kpang manɛ. Nɔɔ hing zang ɓɔɔ pálɛ̀ vuu shi kpang keɓe katɔ, wu yaa teteng manɛ.

2 Koranti 1:14

Vuu ɓɔɔ nɔɔ zi kãntang keɓe gn nandon kpang. Tɔ̀ɔ, ka diki ɓɔɔ Kpanti ɓuru Yeesɔ a kagn, nɔ́ɔ naa tuu yuu ka ruu ɓuru naa ɓɔɔ ruu naa tuu ka ruu manɛ ɓɛɛ.

2 Koranti 1:4

Mã́ ruu danggn ka ɓɔɔ ruu dang jĩng ɓɛɛ, tɔ̀ɔ, ruu zunung naa ɓɔɔ ruu mã zang ɓɔɔ ri dang jĩng ka zɔ̃ng zɔ̃ng danggn kaa jong ɓɛɛ. Zɔ̃ng danggn ɓɔɔ Laa mã ruu ɓɛɛ.

2 Koranti 2:9

N bèe nɔɔ labeenang kaɓa, ka ruu ɓɔɔ, n kasɛ n gãsɛ nɔɔ ɓɛɛ, n zirɛ naa nɔɔ dũng vuu ɓɔɔ n kɔɔ nɔɔ katɔ, ka vuu piti ɓɛɛ.

2 Koranti 5:2

Kãntang keɓe, wee ruu nwàng nɛɛ bii ɓuru ɓee, ruu tãa tĩnang kpang, ruu zaa katɔ. Ka ruu ɓɔɔ, ruu kasɛ Laa wu hãa ruu bii ɓuru kaɓa ɓɔɔ a nɛɛ lapa ɓɛɛ.

2 Koranti 7:6

A Laa ɓɔɔ wukɔ mã zang ɓɔɔ ri yaa gn naa tɔ danggn ɓɛɛ, mã ruu danggn nɛɛ anang Titu.

2 Koranti 7:8

Labeenang ɓɔɔ n bèe nɔɔ lasɛ nɔɔ yeti katɔ, a n tɔ̀ɔ, kaa takpang nɛɛ n nɛ̀ɛ́ bee nɔɔ labeenang bìí kpang, kpang. N zi tɔ labeenang bii lasɛ nɔɔ yeti katɔ, diki bée kaa takpang, yeti mɛɛ lasɛ kaa jong tɔkɔlɔng.

2 Koranti 8:16

Ruu zãa Laa tɔ, ka ruu ɓɔɔ shingnɛ, Titu wu kasɛ ruu manɛ gbãng gbãng naa ɓɔɔ shing m n kasɛ ruu manɛ ɓɛɛ.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

Kolosi 2:5

Ka ruu ɓɔɔ, naa wee n nɛɛ nɔɔ kpang ɓee, n nɛɛ nɔɔ ka suru. N tãa tĩnang ka ɓɔɔ n zi naa ɓɔɔ nɔɔ palɛ vuu teetee, a nɔɔ ti shii gbãng gbãng ka danggn ɓɔɔ nɔɔ shing ka bìí Kirisi ɓɛɛ.

1 Tesalonika 3:6

Wee Timoti gbãayu tɔ ka bii ɓuru, ti atɛ ruu nyaa tɔ̃ɔ tɔ, nɛɛ nɔɔ shing danggn doo ka bii Yeesɔ, a nɔɔ ti kasɛ ruu katɔ. A ti kɔɔ ruu nɛɛ nɔɔ rɛ̃rɛ tɔ̃ɔ diki diki ka yuu ɓuru, nɛɛ nɔɔ kasɛ nɛɛ nɔɔ zi ruu doo naa ɓɔɔ ruu kasɛ nɔɔ zinang ɓɛɛ kɔ.

1 Tesalonika 3:8

Wee nɔɔ shii nɛɛ kaka ka yuu ɓɔɔ nɔɔ ɓakɛ tɔ nɛɛ Kpanti Yeesɔ ɓee, ruu tãa tĩnang nwannang ningkãari kaa tɔ.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Yakubu 5:17

Iliya doo shɔnzang naa rukɔ. Gaa Laa, nɛɛ mii wu a kpang. Mii ti á kpang saa taati nɛɛ shala mangbete.

2 Yɔhana 1:4

Ɓɔɔ n zi wujɛ ɓaaɓɛ ɓɔɔgn, ri dũng ruu ɓɔɔ niizang, naa ɓɔɔ Daa ɓuru dang ruu nyaa, n tãa tĩnang dɔɔli.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.