2 Koranti 7:3 - Nyaa Shɔɔ Ɓɔɔ Laa a Ɓɛɛ

³ N kɔɔ vuu keɓe nɛɛ, tɔ̀ɔ, n dɔng nɔɔ ruu kpang. Ka ruu ɓɔɔ, naa ɓaasi n kɔ̀ɔ ɓɛɛ, ruu kasɛ nɔɔ dɔɔli, ka ruu nɔngkɔ, naa ruu vɔ doo katɔ, naa ruu doo ningkãari, ruu ɓuru nɛɛ nɔɔ nɔng gbete.

2 Koranti 7:3 ပူးပေါင်းရင်းမြစ်များ

2 Koranti 11:11

N kɔɔ vuu keɓe ɓu ka ruu ɓɔɔ n kasɛ nɔɔ kpang ɓɛɛ ya? Laa zi tɔ, n kasɛ nɔɔ katɔ.

2 Koranti 12:15

N tãa tĩnang katɔ, n ningsi vuu ɓɔɔ ka naa mɛɛ, nɛɛ yuu mɛɛ piti, ka ruu manɛ, tɔ̀ɔ, n yi nɔɔ naa ka bii. Nɔɔ kàsɛ́ m tɔkɔlɔng, ka ruu ɓɔɔ, n kasɛ nɔɔ dɔɔli ɓɛɛ ya?

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 3:2

Nɔɔ nɛɛ yuu manɛ, nɔkɔ labeenang ɓɔɔ kɔɔ zang ruu ka yuu ɓuru ɓɛɛ. Labeenang keɓe, zang bèe ka yeti manɛ tɔɔ, zang piti ri zi kati, ri ti gãrɛ.

2 Koranti 7:12

Ka ɓɔɔ n bée labeenang kaɓa, ruu mɛɛ hãa kagn nɛɛ zang ɓɔɔ palɛ vuu shi kpang, kpang. Ruu mɛɛ ti hãa kagn nɛɛ zang ɓɔɔ zang pàlɛ̀ wu vuu shi kpang ɓɛɛ kpang. N bèe m nɛɛ, tɔ̀ɔ, n tusu nɔɔ kaa gbàrɛ́ gbàrɛ́ ka tĩng Laa nɛɛ nɔɔ á yuu manɛ tɔ niizang, nɛɛ nɔɔ pàlɛ́ ruu shonang.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

1 Tesalonika 2:8

Ka ruu ɓɔɔ, ruu kasɛ nɔɔ katɔ ɓɛɛ, ruu kpalɛ bii tɔ ruu kɔɔ nɔɔ wu Ruu Tɔ̃ɔ Laa kɔ shɛ̃ɛning kpang, ruu ti vɔ ka ruu manɛ ka ruu ɓɔɔ ruu kasɛ nɔɔ katɔ gbãng gbãng.