Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Koranti 7:11 - Nyaa Shɔɔ Ɓɔɔ Laa a Ɓɛɛ

11 Nɔɔ zi vuu ɓɔɔ yeti lasɛnang keɓe ɓɔɔ Laa kasɛ nɔɔ nɛɛ mani, pàlɛ̀ nɔɔ ɓɛɛ ta. Naa ɓɔɔ nɔɔ làabìi, nɔɔ zɔ̃ng yuu manɛ ɓɛɛ. Yeti manɛ lasɛ tɔ ka yuu vuu ɓɔɔ palɛ ɓɛɛ, a nɔɔ ti kaa vɔrɔ vuu ɓɔɔ naa a ka tĩng ɓɛɛ. Shing nɔɔ, nɔɔ kasɛ m zinang katɔ gbãng gbãng, a nɔɔ kasɛ nɛɛ nɔɔ ta m nyaa, nɔɔ dang zang ɓɔɔ palɛ m vuu shi kpang jĩng. Ka vuu kɔ palɛ ɓee nandon, nɔɔ tusu yuu manɛ nɛɛ ruu manɛ hãa ɓi kagn kpang.

အခန်းကိုကြည့်ပါ။ ကော်ပီ




2 Koranti 7:11
54 ပူးပေါင်းရင်းမြစ်များ  

Gnvɔ shaa Yeesɔ, a Yeesɔ shu ri jĩng kɔ shɛ̃ɛning ka bii, ka ruu yuu taarɛnang ɓarɛ. A raa jĩng kɔɔ yɔɔ ɓɔɔ naa ɓakɛ katɔ tɔɔ, “Dĩi naa ɓaaɓɛ ta.” A yɔɔ dĩi naa ɓiɓɛ, naa ɓiɓɛ nwang tɔ̃ɔ kaa tɔkn.


A zang ɓɔɔ ri mantɛ vuu ka bìí ɓiɓɛ, ri kpaa danggn vuu ɓɔɔ labeenang Laa kɔɔyi nɛɛ, “Sũnyaa ɓɔɔ n kaa ka ruu Gãa ɓaaɓɛ, kɔng m ka ɓoro naa waa.”


Ka ɓɔɔ Bulu gã Siila nɛɛ Timoti ka Ataniya ɓɛɛ zirɛ gari bìí vuu gãnti kɔ shɛ̃ɛning, a vuu bìí kpãa wu ka yeti dɔɔli.


Nɔngkɔ niizang. Zang dɔlɔ ri, ka ruu ɓɔɔ ri shing danggn kpang ɓɛɛ. A nɔɔ tèng nɔng ɓarɛ ɓi kaa ruu ɓɔɔ nɔɔ shing danggn tɔ ɓɛɛ. Nɔ́ɔ tuu yuu manɛ ka ruu ɓɔɔ nɔɔ tèng nɔng ɓarɛ tɔ kpang, nɔɔ kaa vɔrɔ kɔ jong.


Zang ɓɔɔ nɛɛ palɛ Kirisi shonang naa weɓe, shingnɛ, Laa tãa tĩnang, wu ti shingnɛ, shɔnzang wu kasɛ vuu ɓɔɔ wu palɛ ɓɛɛ.


Naa vuu shi kpang ɓɔɔ ruu palɛ, shingnɛ, zang wu zi vuu tɔ̃ɔ ɓɔɔ Laa palɛ ɓɛɛ gbãng gbãng ɓɛɛ. Ruu kɔɔ ɓu kaa nɛɛ viya? Nɛɛ Laa nɛɛ dang ruu jĩng tɔ, pálɛ̀ shi kpang ya? (N rang yee m naa ɓɔɔ shɔnzang ri rangkɛ ɓɛɛ.)


Ka ruu nɔngkɔ, zang basɛ bii katɔ kpang. Vuu keɓe nandon ri yi zɔɔ naa ɓarɛ ka bii teetee.


Ɓi Laa naa jɛ̃ɛ zang ɓɔɔ ri dũ̀ng wu kpang ruu. Ka ruu nɔngkɔ, naa ɓɔɔ zang bee ka yeti labeenang Laa ɓɛɛ, “Nɔɔ hing zang ɓɔɔ palɛ vuu shi kpang katɔ, wu yaa teteng manɛ.”


Zang ri nɛɛ pálɛ̀ naa weɓe ka teteng manɛ, nɔɔ palɛ biya nɔɔ tuu yuu manɛ viya? Nɔɔ káa katɔ kɔ jong, ka ruu vuu shi kpang manɛ. Nɔɔ hing zang ɓɔɔ pálɛ̀ vuu shi kpang keɓe katɔ, wu yaa teteng manɛ.


Ruu gaa Laa nɛɛ nɔɔ pálɛ̀ vuu shi kpang, kpang. Wu ka ruu ɓɔɔ tɔɔ zang zi kati nɛɛ ruu ɓa vuu gãsɛnang yuu tɔ kpang, ɓi ka ruu ɓɔɔ, tɔ̀ɔ, nɔ́ɔ palɛ vuu ɓɔɔ tɔ̃ɔ kati ɓɛɛ. Naa dòo ka wee zang zí ruu naa vuu gãsɛnang ɓa ruu yuu tɔ ɓee.


Gbalang ɓɔɔ zang nimbang ka teteng manɛ ri sɔɔyi, ri dàng yɔɔ kaɓa jĩng, daa tɔ.


Ka vuu ɓɔɔ ruu pálɛ́ ɓɛɛ nandon, ruu tusu yuu ɓuru katɔ kɔ jong, nɛɛ ruu ɓuru zang shonang Laa ka danggn ɓɔɔ ruu mã́ ka jĩng dannang, nɛɛ naa ɓɔɔ zang kpãa ruu, a ɓɔɔ vuu ɓɔɔ kpãa ruu ɓɛɛ.


Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.


Wu anang ɓiɓɛ kɔ shɛ̃ɛning shingnɛ yeti ɓuru valɛ kpang, ɓɔɔ ti kaa ruu naa ɓɔɔ nɔɔ mã wu danggn, ɓɔɔ wu kɔɔ ruu ɓɛɛ. Kɔɔ ruu naa ɓɔɔ nɔɔ kasɛ m zinang katɔ gbãng gbãng ɓɛɛ, a yeti ti lasɛ nɔɔ tɔ, ka ruu ɓɔɔ, nɔɔ lasɛ m yeti ɓɛɛ. Nɛɛ nɔɔ kasɛ tɔ kati, nɔɔ ta m nyaa kaa tɔ. Kãntang keɓe n tãa kaa tĩnang gbãng gbãng.


A kãntang keɓe, n tãa tĩnang tɔ kati, wu ka ruu ɓɔɔ n lasɛ nɔɔ yeti ɓɛɛ kpang. Ɓi kaa ruu ɓɔɔ yeti ɓɔɔ lasɛ nɔɔ, shing nɔɔ tɔ, nɔɔ kɔ̃sɔ yeti tɔ ɓɛɛ. Yeti ɓɔɔ lasɛ nɔɔ ɓi Laa shingnɛ, ka ruu nɔngkɔ, ruu pàlɛ̀ nɔɔ vuu shi kpang ɓɔɔ kagn nɛɛ vuu kɔ ruu pálɛ́ ɓɛɛ kpang.


N zi tɔ, nɔɔ kasɛ nɛɛ nɔɔ yi ri naa katɔ ka bii, a ruu ti rangkɛ ruu tɔ bang bang ka yuu manɛ ka tipi Makidoniya. N kɔɔyi nɛɛ, “Rɛɛ manzung ɓuru ɓɔɔ ri ka gari Akaya ri kpalɛ bii tɔ dòo sáa ɓɔɔ, nɛɛ ri yi zang kaɓa naa ka bii.” Kasɛnang ɓɔɔ nɔɔ kasɛ nɛɛ nɔɔ yi ri naa ka bii zàrɛ̀ zang nimbang tɔ ka teteng ɓarɛ.


Yeti ɓaaɓɛ nɛɛ lasɛ tɔ, mɔɔ yaayi wu shing mɔɔ, mɔɔ palɛ vuu shi kpang, kpang. Mɔɔ ti nwang nɛɛ yeti ɓɔɔ lasɛ mɔɔ keɓe, laa wu hãa nyaa nɛɛ mani kpang.


Ruu manɛ wu hãa ɓi kagn nɛɛ vuu ɓɔɔ daa naa palɛnang kpang, ɓɔɔ zang palɛ ka nɔng ɓɔɔ tɔ̀ɔ katɔ ɓɛɛ kpang. Nɔɔ nwangsɛ vuu ɓɔɔ naa weɓe katɔ ka dalɛ kɔ jong.


Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.


Wu roo nɛɛ soro ɓeezung kpang tingkiring. Naa rooyi, pàlɛ́ ɓeezung vuu shi kpang, ti shaa wu katɔ. Ruu kɔ̀ɔ ruu keɓe tɔ ka tĩng, a ruu shaarɛ nɔɔ nyaa gbãng gbãng nɛɛ Kpanti Laa naa dang zang ɓɔɔ ri palɛ vuu keɓe jĩng katɔ.


Zang ɓɔɔ ri nɛɛ palɛ vuu shi kpang, mangkɛ ri ka jĩng zang piti. Tɔ̀ɔ, zang nimbang ri kaa vɔrɔ kati.


Pálɛ́ vuu ɓɔɔ mɔɔ zunung katɔ nandon, tɔ̀ɔ, mɔɔ nwang zang ɓɔɔ Laa kɔɔ ruu tɔ̃ɔ tɔ ka yuu ɓiɓɛ kati. Zang shonang ɓɔɔ yusɛ̃ɛ shonang ɓiɓɛ tuu wu kpang ɓɛɛ. Zang ɓɔɔ nwàngsɛ́ zang dĩiri Ruu Laa tɔ̃ɔ tɔ̃ɔ ɓɛɛ.


Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.


Ka ruu nɔngkɔ, wee nyaa ɓɔɔ Laa arɛ ka yuu daanang ka nɔng ɔ̃sɔnang ɓiɓɛ doo kagn ɓee, ruu palɛ waasɛ̃ zang ɓɔɔ ka teteng ɓuru nɛ̀ɛ́ dàa nɔng ɔ̃sɔnang kaɓa kpang.


Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.


Nɔɔ nɛɛ gàá Laa, nɔɔ ɓáa wu nɛɛ, “Daa” nɛɛ nɔngkɔ, nɔɔ kaa vɔrɔ ɓiɓɛ ka nwannang tɔ̃ɔ manɛ ka vuu piti ɓɔɔ nɔɔ palɛ, ka wee nɔɔ nwang zanti ka koo keɓe ɓee. Ka ruu ɓɔɔ, Laa ɓɔɔ wukɔ Daa manɛ, dɔ̀ng zang ruu ɓi gn dang gbete kpang, ka naa ɓɔɔ wu palɛ vuu ɓiɓɛ ɓɛɛ.


Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.


Nɔɔ zɔ̃ng ri nɛɛ yeti waa, nɔɔ ta yuu ɓarɛ. Gn zang ɓɔɔ wu kɔng nɔɔ katɔ, nɔɔ ɓakɛ nɛɛ vɔrɔ kaanang ning. Naa dòo fɔ̃ɔrɔ ɓarɛ ɓɔɔ ri palɛ vuu shi kpang ɓɔɔ bii ɓarɛ kasɛ ɓɛɛ nɛɛ mani, nɔɔ bɛ̃ɛ katɔ.


Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ