2 Koranti 7:1 - Nyaa Shɔɔ Ɓɔɔ Laa a Ɓɛɛ

¹ Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

2 Koranti 7:1 ပူးပေါင်းရင်းမြစ်များ

Matiyu 12:33

“Láa nɛɛ tɔ̃ɔ, ti naa ra jaa ɓi doo tɔ̃ɔ kɔ. Laa nɛɛ shi kpang, ti naa ra jaa ɓi doo shi kpang kɔ. Ka ruu ɓɔɔ, zang zi laa nung ɓi ka jaa ɓɔɔ wu ra ɓɛɛ.

Matiyu 5:48

Ka ruu nɔngkɔ, nɔɔ nwang zang tɔ̃ɔ doo naa ɓɔɔ Daa manɛ ɓɔɔ ka lapa nwang ɓɛɛ kɔ.

Matiyu 5:8

Tĩnang Tãanang ɓi ɓɔɔ zang ɓɔɔ ri dũng Laa nɛɛ yeti gbete ɓɛɛ. Rikɔ naa zi Kpanti Laa.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

1 Koranti 6:20

Ka ruu ɓɔɔ, hoo nɔɔ nɛɛ zĩi Yeesɔ Kirisi ɓɛɛ. Ka ruu nɔngkɔ, nɔɔ a Laa bannang nɛɛ bii manɛ.

2 Koranti 1:20

Ka ruu ɓɔɔ, nyaa ɓɔɔ Laa a zang nandon, Laa palɛ katɔ nɛɛ bii ɓiɓɛ kɔ. Ka ruu nɔngkɔ, ruu nɛɛ kɔɔ tɔ nɛɛ, “Wu nwang nɔngkɔ,” nɛɛ bii Yeesɔ Kirisi. Ruu a Laa ɓuru bannang.

Afisa 2:3

Niizang bɛ̀ɛ́ ɓeleng ruu nandon naa rikɔ, ruu nwáng nwannang ɓuru ka doo vuu ɓɔɔ bii shɔnzang ɓuru kasɛ ɓɛɛ. A ruu palɛ vuu piti dàa naa vuu ɓɔɔ bii ɓuru kasɛ, a rɛ̃rɛnang ɓuru ti kasɛ ɓɛɛ. A gnvɔ ti shaa Laa dɔɔli, ka ruu ɓuru nɛɛ zang piti ɓɔɔ ri palɛ rɛɛ vuu keɓe ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 4:7

Laa ɓaa ruu nyaa nɛɛ ruu naa nwang ka yeti dũndũng palɛnang kpang, nɛɛ ruu nwang ɓuru naa ɓɔɔ wu kasɛ ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Yahudi 4:1

Ka ruu nɔngkɔ, wee nyaa ɓɔɔ Laa arɛ ka yuu daanang ka nɔng ɔ̃sɔnang ɓiɓɛ doo kagn ɓee, ruu palɛ waasɛ̃ zang ɓɔɔ ka teteng ɓuru nɛ̀ɛ́ dàa nɔng ɔ̃sɔnang kaɓa kpang.

Yahudi 6:9

Masang ɓɔɔ, n kasɛ nɔɔ dɔɔli ɓɛɛ, naa ruu ràng yee doo nɔngkɔ, ruu zi tɔ, ɓɔɔ manɛ, nɔɔ shìi manɛ ka vuu tɔ̃ɔ ɓɔɔ shingnɛ, Laa ta yuu manɛ ɓɛɛ.

Yakubu 4:8

A ka bii Laa naabm, tɔɔ wu ti a jong ka bii ɓaaɓɛ naabm. Ɓɔɔ nɔɔ zang ɓɔɔ nɔɔ pálɛ̀ vuu shi kpang, nɔɔ yaa vuu shi kpang palɛnang ta. Nɔɔ ti kɔ̃sɔ yeti manɛ nɔɔ zang ɓɔɔ nɔɔ ta yeti ziti ɓɛɛ.

1 Bituru 1:15

Naa ɓɔɔ Laa ɓɔɔ ɓaa nɔɔ nyaa nɛɛ, nɔɔ nwang zang ɓiɓɛ, palɛ vuu shi kpang ɓi kpang, nɔ́ɔ palɛ vuu shi kpang doo kpang kɔ, ka nwannang manɛ ka vuu ɓɔɔ nɔɔ palɛ piti.

1 Bituru 1:17

Nɔɔ nɛɛ gàá Laa, nɔɔ ɓáa wu nɛɛ, “Daa” nɛɛ nɔngkɔ, nɔɔ kaa vɔrɔ ɓiɓɛ ka nwannang tɔ̃ɔ manɛ ka vuu piti ɓɔɔ nɔɔ palɛ, ka wee nɔɔ nwang zanti ka koo keɓe ɓee. Ka ruu ɓɔɔ, Laa ɓɔɔ wukɔ Daa manɛ, dɔ̀ng zang ruu ɓi gn dang gbete kpang, ka naa ɓɔɔ wu palɛ vuu ɓiɓɛ ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:11

Masang ɓɔɔ n kasɛ ruu manɛ dɔɔli ɓɛɛ, nɔɔ manɛ zang zanti. Nɔɔ nwàng manɛ zanti waati ka koo keɓe. Ka ruu nɔngkɔ, n gaa nɔɔ, nɔ́ɔ yaa rɛɛ vuu shi kpang ɓɔɔ nɔɔ kasɛ ka yeti manɛ nɛɛ nɔɔ palɛ ɓɛɛ. Ka ruu ɓɔɔ, rɛɛ vuu keɓe ri kasɛ nɛɛ ri nyɔ nɔɔ vɔrɔ ɓɛɛ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.