2 Koranti 6:3 - Nyaa Shɔɔ Ɓɔɔ Laa a Ɓɛɛ

³ Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.

2 Koranti 6:3 ပူးပေါင်းရင်းမြစ်များ

Matiyu 17:27

A ka ruu ɓɔɔ rùu nɛ̀ɛ́ lasɛ ri yeti ɓɛɛ, dita ka mii waapo, mɔɔ daa loo galong. Tuu jaazĩi ɓɔɔ mɔɔ gaayu yinang mɔɔ puu nyaa ɓiɓɛ. Mɔɔ wàlɛ́ saka ɓɔɔ daa ɓɔ̀ɔ́ gãa Laa shunang ɓaaɓɛ nɛɛ ɓɔɔ mɛɛ piti ditɔ ka nyaa ɓiɓɛ. Tuu saka kaɓa, mɔɔ a ri, ka ruu ɓaaɓɛ nɛɛ ɓɔɔ mɛɛ.”

Matiyu 18:6

“Zang piti ɓɔɔ nɛɛ shing jaa tɔkɔlɔng ka teteng wujɛ seseere ɓɔɔ ri shing danggn ka bii mɛɛ a ri yaa danggn shinnang, jĩng dannang zang kaɓa ɓa ɓɔ̀ɔ zang nɛɛ mã̀ wu ree bang ka turu, zang tasɛ wu ka yeti sàá mii waapo katɔ.

Zang Shonang Yeesɔ 19:27

Naa ruu nɛɛ palɛ waasɛ̃ kpang zang ɓáa shonang ɓuru keɓe kaa nung shi kpang. Wu ti nɔngkɔ shɛ̃ɛning kpang, nàá jaa gãa ɓuru, Aritimi ɓɔɔ zang a wu bannang dɔɔli keɓe, gãa ɓiɓɛ zang risi ɓi tɔ naa vuu ɓɔɔ kpang. Zang ti làsɛ́ bannang ɓɔɔ zang a wu kaa tɔ. Vuu gãnti ɓɔɔ zang bang wu katɔ, ka tipi Asiya nɛɛ koo nandon ɓɛɛ.”

Rooma 14:13

Ka ruu nɔngkɔ, ruu yaa ruu ɓɔɔ ruu dɔng zɔɔ ɓɛɛ ta. Nɔ́ɔ shing ka yeti manɛ nɛɛ nɔɔ shing ɓaazung ɓɔɔ dũng doo Laa kɔ, wu kpaa doo kpang, wu ti palɛ vuu shi kpang, kpang.

1 Koranti 9:12

Naa zang ɓɔɔ ri shing danggn nɛɛ, nɔɔ a ri vuu naa manɛ katɔ, daa naa ɓɔɔ nɔɔ alɛ ruu vuu, ɓa ɓɔɔ ɓarɛ katɔ kpang ya? Ruu zi tɔ nɔngkɔ, a ruu tɔɔ gngn nɛɛ, ruu gaa nɔɔ nɛɛ nɔɔ a ruu vuu naa manɛ kpang. Ruu kasɛ tɔ ruu dang jĩng kɔ jong, ka ɓɔɔ ruu, nɛ̀ɛ́ nɔ̀ɔ́ gbalang Ruu Tɔ̃ɔ ɓɔɔ ka yuu Yeesɔ Kirisi kɔɔnang ɓɛɛ.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 8:20

Ruu pálɛ́ waasɛ̃, ruu kasɛ kpang, ruu shing zang ɓɔɔ ri gɔ̃ɔrɔ yee ka naa ɓɔɔ ruu básɛ́ vuu kɔ zang alɛ ruu waati ɓee kpang.