2 Koranti 5:9 - Nyaa Shɔɔ Ɓɔɔ Laa a Ɓɛɛ

⁹ Ruu kasɛ, naa ruu doo ka bii keɓe, naa ruu doo ka lapa, ruu palɛ vuu ɓɔɔ shing wu, wu tãa tĩnang ɓɛɛ.

2 Koranti 5:9 ပူးပေါင်းရင်းမြစ်များ

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Zang Shonang Yeesɔ 10:35

Ka zɔ̃ng zang kɔ ka koo nandon, zang ɓɔɔ nɛɛ kaa vɔrɔ Laa, nɛɛ ti palɛ vuu ɓɔɔ wu kasɛ, Laa ta wu ɓi katɔ.

Rooma 14:18

Zang ɓɔɔ nɛɛ palɛ Kirisi shonang naa weɓe, shingnɛ, Laa tãa tĩnang, wu ti shingnɛ, shɔnzang wu kasɛ vuu ɓɔɔ wu palɛ ɓɛɛ.

Rooma 14:8

Ruu nɛɛ nwangnɛ, ruu nwàng ɓuru nwannang Laa. A ruu nɛɛ ti vɔrɛ, ruu vɔ ɓuru ka ruu ɓɔɔ tɔ̀ɔ, zang a Laa bannang ɓɛɛ. Naa ruu nwàng doo ningkãari, a naa ruu vɔ doo katɔ, ruu ɓuru zang Laa.

Rooma 15:20

Vuu ɓɔɔ n kasɛ ka yeti mɛɛ gbete ɓɛɛ, ɓi nɛɛ ɓɔɔ n kɔɔ zang Ruu Tɔ̃ɔ Laa ka nɔng ɓɔɔ zang tãa ruu Yeesɔ Kirisi gn kpang ɓɛɛ. Ka ruu ɓɔɔ, nɛ̀ɛ́ nwang naa ɓɔɔ n mãa gãa m ka yuu doo gãa ɓɔɔ zang ɓɔɔgn loo ɓɛɛ, ɓɛɛ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 5:6

Ka ruu nɔngkɔ, diki diki ruu yaa gn naa kpang. Ruu zi tɔ nɛɛ wee ruu nwang doo ka bìí shɔnzang ɓuru ɓee, ruu nwang gn nɛɛ Kpanti Yeesɔ nɔng gbete kpang.

2 Koranti 5:8

Ruu yaa gn naa kpang. Ruu kasɛ katɔ kɔ jong, ruu yaa bii kɔ wukɔ gãa ɓuru ɓee, ruu daa nwang kaa nɛɛ Kpanti Yeesɔ.

Afisa 1:6

Ruu dɔɔ Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, ka ruu vuu ɓɔɔ, wu a ruu naa ka zingzing nɛɛ bii Jaa ɓiɓɛ ɓɔɔ wu kasɛ wu dɔɔli ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

1 Tesalonika 4:11

Nɔɔ mang ka yeti manɛ nɛɛ nɔɔ nwang manɛ kikiri, nɔɔ haarɛ nyaa kpang, nɔɔ haa nyaa ka ruu zang ɓɔɔ kpang, nɔɔ pálɛ̀ shonang nɛɛ naa manɛ naa ɓɔɔ ruu kɔɔ nɔɔ ka tĩng ɓɛɛ.

1 Timoti 4:10

Ka ruu nɔngkɔ, rùu palɛ shonang, a ruu ti takɛ bii, ka ruu ɓɔɔ, ruu shing danggn ka bii Laa ɓɔɔ ningkãari, ɓɔɔ wukɔ ta yuu zang piti ɓɛɛ. Tá yuu zang ɓɔɔ ri shing danggn tɔ kɔ gbãng gbãng.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Yahudi 4:11

Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.