2 Koranti 5:7 - Nyaa Shɔɔ Ɓɔɔ Laa a Ɓɛɛ

⁷ Ka ruu ɓɔɔ, nwannang ɓuru ɓi vuu danggn shinnang, wu vuu ɓɔɔ zang zi nɛɛ jĩng kpang.

2 Koranti 5:7 ပူးပေါင်းရင်းမြစ်များ

1 Koranti 13:12

Vuu ɓɔɔ ruu zili kãntang keɓe, ruu zirɛ mɔɔ kɔɔ nɛɛ ruu pɛ̃ɛrɛ ka vĩilaa ɓɔɔ wu kalang kalang kpang ɓɛɛ. Diki a ditɔ ɓɔɔ ruu zi ri tɔ̃ɔ tɔ̃ɔ nɛɛ jĩng ɓɛɛ. Vuu ɓɔɔ n zi kãntang keɓe, wu gň nyaa kiiri kpang. Ka diki kaɓa, n naa zi kaa nyaa kiiri naa ɓɔɔ Laa zì m tɔ nandon ɓɛɛ.

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

2 Koranti 4:18

Ka ruu ɓɔɔ, ruu shing jĩng ɓuru ka vuu ɓɔɔ zang zì nɛɛ jĩng ɓɛɛ kpang. Ruu shing jĩng ɓuru ka vuu ɓɔɔ zang zi nɛɛ jĩng kpang ɓɛɛ. Vuu ɓɔɔ zang zì nɛɛ jĩng, nwang ɓi sasak kpang, ɓi vuu ɓɔɔ zang zi nɛɛ jĩng kpang kɔ nwang dòndòng.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Yahudi 10:38

A zang tɔ̃ɔ mɛɛ, nwang ningkãari ɓi nɛɛ danggn ɓɔɔ wu shing ɓɛɛ. Naa gɔ̃ bii nɛɛ knti, n tãa tĩnang ɓiɓɛ kpang.”

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.

1 Bituru 5:9

Nɔ́ɔ yàa wu gbalang kpang, nɔɔ shii gbãng gbãng. Nɔɔ shing danggn ka bii Laa diki diki nɔ́ɔ kaa vɔrɔ kpang. Nɔɔ zi tɔ, zang ɓɔɔ ri dũng Laa ɓɔɔ ri ka nɔng piti piti ka koo keɓe, ri dang jĩng doo nɔngkɔ, naa ɓɔɔ nɔɔ dǎng ɓɛɛ.