2 Koranti 5:1 - Nyaa Shɔɔ Ɓɔɔ Laa a Ɓɛɛ

¹ Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

2 Koranti 5:1 ပူးပေါင်းရင်းမြစ်များ

Maraku 14:58

“Ruu tãayi, kɔɔyi tɔɔ, ‘N jili Gãa Laa kɔ zang mãa nɛɛ naa ɓɛɛ ditɔ, n mãa ɓɔɔgn ɓɔɔ zang mãa nɛɛ naa kpang, ka yeti diki taati.’ ”

Zang Shonang Yeesɔ 7:48

“Nɔɔ zi tɔ nɛɛ Laa ɓɔɔ wukɔ ɓa zang piti, nwàng ki gãa ɓɔɔ zang mãa nɛɛ naa ɓi kpang naa ɓɔɔ zang nyaa shonang Laa kɔɔ ka tĩng ɓɛɛ tɔɔ,

1 Koranti 3:9

Wee ruu ziti ɓee, ruu kpalɛ yuu ɓuru nɛɛ Laa ruu palɛ shonang. Nɔɔ manɛ kaa jaa ɓɔɔ Laa lang ɓɛɛ. Nɔɔ manɛ naa gãa ɓɔɔ Laa mãa ɓɛɛ.

2 Koranti 4:7

Ka ruu ɓɔɔ, a ruu vuu ɓɔɔ bang keɓe, rùu ɓɔɔ ruu nwang ɓuru naa ɓari tapɔng. Tɔ̀ɔ, zang zi kati nɛɛ naa vuu palɛnang bang keɓe, ɓi ɓɔɔ Laa, wu ɓɔɔ ɓuru kpang.

2 Koranti 5:4

Ka wee ruu nwang doo ka bii ɓuru kɔ nwàng naa putali ɓee, ruu zirɛ mɔɔ kɔɔ nɛɛ ruu dang jĩng, a ruu zaa katɔ. Ruu tɔɔ kpang nɛɛ ruu kasɛ bii ɓuru ɓɔɔ ka koo keɓe takpang kpang. Ruu kasɛ nɛɛ zang hãa ruu bii ɓuru ɓɔɔ a nɛɛ lapa ɓɛɛ. Tɔ̀ɔ, suru bii ɓɔɔ waa nyaa kpang wu tá nɔng, wu ningsi vɔrɔ kati.

Kolosi 2:11

Ka ɓɔɔ nɔɔ ɓakɛ yuu nɛɛ wu, zang yee nɔɔ shaa, wu zɔ̃ng shaa ɓɔɔ shɔnzang ri yée ɓɛɛ kpang. Ɓi zɔ̃ng shaa yeenang Yeesɔ Kirisi, ɓɔɔ ɓi kaa yuu ɓuru, ɓɔɔ wu tà nɛɛ naa bii ɓuru ɓɔɔ kasɛ ɓi vuu shi kpang palɛnang ɓɛɛ.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Yahudi 11:10

Ka ruu ɓɔɔ, shing jĩng ɓi ka tĩng ka gari ka lapa ɓɔɔ zang loo doo ɓiɓɛ katɔ, ɓɔɔ ɓi Laa kɔ dĩi doo ɓiɓɛ, a mãayi ɓɛɛ.

Yahudi 9:11

A wee Kirisi a ɓi tɔ, wukɔ kaa kpanti zang ɓɔɔ ri dɔɔ vuu ka Gãa Laa, ka yuu rɛɛ vuu tɔ̃ɔ ɓɔɔ ri ɓarɛ kaa nihn kɔ nwani ɓɛɛ. Putali ɓɔɔ Kirisi palɛ shonang ka yeti ɓiɓɛ, ɓa weɓe katɔ, a ɓi ti nyaa kiiri. Ɓi shɔnzang palɛ kpang, a ɓi ti ka koo keɓe kpang.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

1 Bituru 1:4

Ruu ti zi tɔ nɛɛ ruu naa walɛ vuu tɔ̃ɔ ɓɔɔ Laa shing ka lapa ɓɛɛ ditɔ. Vuu keɓe ri pũng kpang dòndòng, ri lasɛ kpang, ri ti shàarɛ̀ kpang tingkiring.

2 Bituru 3:11

Wee nɔɔ zi tɔ nɛɛ, vuu piti naa yaalɛ nɔngkɔ ɓee, nɔɔ nwang nwannang manɛ waasɛ̃. Nɔɔ a Laa yuu manɛ dɔ̃ɔ gbete, nɔɔ dũng wu ka vuu piti ɓɔɔ wu kɔɔ nɔɔ ɓɛɛ.

1 Yɔhana 3:14

Ruu zi tɔ nɛɛ ruu ɓuru tɔ̀ɔ́ ka naa vɔrɔ kpang. Ruu ɓuru kaa zang ningkãari, ka ruu ɓɔɔ, ruu kasɛ ruu zɔɔ ɓuru katɔ ɓɛɛ. Zang ɓɔɔ kasɛ ruu ɓeezung kpang, ɓi dòo ka naa vɔrɔ.

1 Yɔhana 3:19

Ruu zi ka wukɔ nɛɛ, ruu ɓuru kaa zang Laa ɓɔɔ ruu palɛ vuu ɓɔɔ niizang ɓɛɛ. Rùu kaa vɔrɔ shiinang ka tĩng Laa kpang.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.